قادىر ءتۇنى — تاعدىر ءتۇنى: ءقادىر ءتۇنىنىڭ بەلگىلەرى قانداي؟

اللا تاعالا ايلاردان &ndash؛ رامازان ايىن, كۇندەردەن &ndash؛ جۇمانى, تۇندەردەن &ndash؛ ءقادىر ءتۇنىن ارتىق ەتكەن. قاسيەتتى قۇراننىڭ ء«؛قادىر»؛ سۇرەسىندە ء«؛قادىر ءتۇنى مىڭ ايدان قايىرلى («؛ال-قادر»؛ ؛سۇرەسى, 3) دەلىنگەن. مىڭ اي دەگەنىمىز ‒ شامامەن سەكسەن ءۇش جىل. ورازاسىن ۇستاپ, بەس ۋاقىت نامازىن وقىپ, وسى ءتۇندى قۇلشىلىقپەن وتكىزگەن ادام ۇزاق ءومىر بويى ۇزدىكسىز ءمىناجات ەتكەندەي ساۋاپقا كەنەلەدى دەيدى. ؛

قادىر ءتۇنى &ndash؛ تاعدىر ءتۇنى

بۇل ءتۇننىڭ تاعدىر ءتۇنى دەپ اتالاتىن سەبەبى ‒ ءدال وسى تۇندە اللا بەلگىلى ءبىر پەرىشتەلەرگە الداعى جىلدا (كەلەسى تاعدىر تۇنىنە دەيىن) نە بولاتىنى جايلى ءبىلىم بەرەدى.

بالا كەزدە قىدىر اتا كەلەدى دەپ, ءقادىر ءتۇنىن اسىعا كۇتىپ, شەلپەك ءپىسىرىپ, ەسىكتى ىلمەي, داستارقان جايىپ, ايتەۋىر, تاڭعا دەيىن ۇيىقتاماي وتىرساق بولدى دەگەن تۇسىنىكپەن ءوسىپپىز. «؛ول دۇرىس ەمەس, ەشقانداي دا قىدىر اتا كەلمەيدى. ۇيىقتاماۋ مىندەت ەمەس, كەرىسىنشە, اللادان دۇعاڭدى, تىلەگىڭدى تىلەپ, نامازىڭدى وقىپ, اللادان وتكەن كۇنالارىمدى كەشىرشى دەپ كەشىرىم سۇرايتىن ءتۇن»؛ دەپ ەشكىم ايتپاپتى. اكە-شەشەمىز ءدىندى بەرىك ۇستانعاندار قاتارىنان ەمەس, كەڭەستىك ءداۋىر ادامدارى بولعاندىقتان, ماعان دەيىنگى دە, مەنەن بىرنەشە جىل كەيىنگىلەر دە ءدال وسىنداي جاعدايدا, وسىنداي تۇسىنىكپەك وسكەنىمىز انىق.

بۇل ءتۇنى:

- ادامداردىڭ ءومىر ءسۇرۋ ۋاقىتى مەن ءولىمى, ريزىق-نەسىبەسى, تاعدىرى بەلگىلەنەدى. ءتىپتى «؛پالەنشە وسى جىلى قاجىلىققا بارادى»؛ دەپ كىمنىڭ باراتىنىن دا جازىپ قويادى»؛؛

- قاسيەتتى ءقادىر ءتۇنى مىڭ ايدان دا ارتىق؛

- بۇل ءتۇنى اسپاننان پەرىشتەلەر جەرگە تۇسەدى. پەرىشتەلەردىڭ سانى جەردەگى ۇساق تاستاردان دا كوپ بولادى. ولار ءار ادامنىڭ دۇعاسى, تىلەگىن اللاعا جەتكىزىپ, جازىپ وتىرادى.

ەندەشە, ءقادىر تۇنىندە:

- قىدىر اتا كەلمەيدى؛

- شەلپەك ءپىسىرىپ, داستارقان جايىپ, ىدىستاردى سۋعا تولتىرۋدىڭ كەرەگى جوق؛

- ەسىكتى ىلمەي, تەرەزەنى اشىپ كەرەك ەمەس؛

- "ۇيىقتاماسام بولدى" دەپ, تەلەديدار قاراپ, مۋزىكا تىڭداپ, ايتەۋىر تاڭدى اتىرۋعا بولمايدى.

يسلام عۇلاما, عالىمدارىنىڭ زەرتتەۋى بويىنشا ءقادىر ءتۇنى مىنا تۇنگە سايكەس كەلۋى مۇمكىن دەپ ورازانىڭ 26-سىنان 27-سىنە قاراعان ءتۇنىن بەلگىلەيدى. ءبىراق ناقتى ەمەس دەپ تە ەسكەرتەدى. ءقادىر ءتۇنىنىڭ قاي تۇنگە سايكەس كەلەتىن تۋرالى قىرىققا جۋىق جورامال بار ەكەن.

قادىر ءتۇنىنىڭ ناقتى قاي ءتۇن ەكەنىن ءبىلۋ ءۇشىن «؛ساحيح ال-بۇحاريدە»؛ ايشادان (اللا وعان رازى بولسىن) حاديس كەلتىرىلگەن. سوعان سايكەس اللا ەلشىسى (س.ع.س.) بىلاي دەگەن: «؛تاعدىر ءتۇنىن رامازاننىڭ سوڭعى ون تۇنىنەن ىزدەڭدەر»؛.

«؛قادىر ءتۇنىن رامازاننىڭ سوڭعى ون كۇنىنىڭ 21, 23, 25, 27 جانە 29 سەكىلدى تاق تۇندەرىنەن نەمەسە رامازاننىڭ سوڭعى تۇنىنەن ىزدەڭدەر. ساۋابىن ويلاپ ءقادىر ءتۇنىن عيباداتپەن وتكىزگەن ادامنىڭ كۇنالارى كەشىرىلەدى»؛ (ي. احمەد) دەگەن دە حاديس بار.

عۇلاما عالىمدار اللا تاعالانىڭ بۇل ءتۇننىڭ ناقتى ۋاقىتىن جاسىرۋىن بىلاي تۇسىندىرەدى: ونىڭ ۋاقىتى بەلگىلەنىپ قويسا, جالقاۋلار پەندەسى باسقا تۇندەردە قۇلشىلىق جاساماس ەدى. ال, ونىڭ ناقتى ۋاقىتى بەلگىسىز بولعاندىقتان, قۇلشىلىققا اسا ىنتا قويمايتىندار تاعدىر ءتۇنى رامازاننىڭ سوڭعى ون ءتۇنىنىڭ تاق جۇلدىزدارىنىڭ بىرىندە بولادى دەگەن ويمەن بىرنەشە ءتۇن بويى ءمىناجات ەتۋگە مۇمكىندىك الادى. سونىمەن قاتار, كوپتەگەن ادامدار كۇنالارىنان تىيىلا المايتىندىقتان, ەگەر بۇل ءتۇن بەلگىلى ءبىر ۋاقىتقا بەلگىلەنىپ قويسا, ولار سول تۇندە دە كۇنا جاسار ەدى. ال, بۇل ولاردىڭ يماندارى ءۇشىن ءقاۋىپتى بولار ەدى.

قادىر ءتۇنىنىڭ بەلگىلەرى قانداي؟

اقيقاتىن اللا بىلەدى. ەڭ دۇرىسى ‒ رامازان ايىنىڭ سوڭعى ون ءتۇنىنىڭ ءبارىن قۇلشىلىقپەن وتكىزۋ. ەگەر شامام جەتپەيدى دەسەڭىز, ەندەشە, تىم قۇرىعاندا تاق تۇندەرىن ەرەكشە ىقىلاسپەن وتكىزىڭىز. ؛

سونىمەن قاتار, بۇل ءتۇندى وزىنە ءتان بەلگىلەرىنە قاراپ بىلۋگە بولادى. حاديستەردە ءقادىر ءتۇنىنىڭ بىرنەشە بەلگىلەرى ايتىلادى:

- ءتۇن جارىق, تازا بولادى؛

- ول تۇندە اۋا رايى ىستىق تا ەمەس, سۋىق تا ەمەس, جانعا جايلى بولادى؛

- ول ءتۇنى اي ەرەكشە جارىق بولادى؛

- قوڭىر سالقىن, جاعىمدى جەل سوعىپ تۇرادى؛

- مۇسىلماندار بۇل تۇندە ەرەكشە مامىراجاي كۇي كەشىپ, راحاتقا بولەنەدى؛

- سول تۇننەن كەيىن تاڭەرتەڭ كۇن ساۋلە شاشپاي, تولعان ايداي دوڭگەلەنىپ, شۋاقسىز شىعادى. عۇلامالار مۇنىڭ نەگىزگى بەلگى ەكەنىن جانە مىندەتتى تۇردە بولاتىنىن ايتادى.  ؛

جاراتقان يەمىز بىزگە بۇل ءتۇندى ءوزى رازى بولاتىنداي وتكىزۋىمىزگە كۇش بەرىپ, قۇلشىلىعىمىزدى قابىل العاي!

رامازاننىڭ بارلىق ءتۇنىن ءقادىر ءتۇنى دەپ ويلاپ ارەكەت ەتسەك, ءقادىر تۇنىنە ءدال كەلگەن بولامىز. جىلىنا ءبىر رەت كەلەتىن قاسيەتتى رامازان ايىن ەندى كورەر-كورمەسىمىز, كەلەسى رامازانعا جەتەر-جەتپەسىمىز ءبىر اللاعا ايان. سوندىقتان, وسى ءبىر قاسيەتتى ايدىڭ كۇنىن دە, ءتۇنىن دە قۇلشىلىقپەن وتكىزۋگە تىرىسايىق.

وقي وتىرىڭىز, ؛&diams؛قادىر ءتۇنى قانداي دۇعالار وقۋ كەرەك؟

جيناقتاپ, ۇسىنعان: ماقپال سەمباي