"؛ستەپلاگ"؛ لاگەرى الداعى 4-5 جىلدا تىپ-تيپىل بولۋى مۇمكىن (فوتو)

كەزىندە 6 مىڭداي ساياسي تۇتقىن جازاسىن وتەگەن "ستەپلاگ" لاگەرىنىڭ ورنى بۇگىندە قيراپ جاتىر دەپ حابارلايدى qamshy.kz اقپارات اگەنتتىگى. ول تۋرالى دارحان مۇقان ءوزىنىڭ facebook الەۋمەتتىك جەلىسىندە جاريالاعان. 

"مۇندا 1954 جىلى 16 مامىر 26 ماۋسىم ارالىعىندا تۇتقىنداردىڭ جاپپاي كوتەرىلىسى بولىپ, كۇشپەن جانىشتالعانى بەلگىلى. لاگەر كونتينگەنتىن نەگىزىنەن ۋكرايندار مەن ليتۆاندار قۇراعان. دەرەكتەردە كوتەرىلىستى باسۋعا 1500-نان استام اسكەري, 100 شاقتى يت, ءورت ءسوندىرۋ ماشينالارى مەن تانكىلەر قاتىسقانى ايتىلادى" - دەپ  تاريحي ورىنداردى ساقتاپ قالۋعا قاتىستى بىرنەشە ۇسىنىستارىن جەتكىزدى. 

بىزدىڭ ايتپاعىمىز-باسقا. وسى تاريحي ورىن جويىلىپ بارادى. الداعى 4-5 جىلدا تىپ-تيپىل بولۋى دا مۇمكىن. 70-جىلدارى لاگەر اۋماعىنا ءتۇرلى وندىرىستىك نىساندار ورىن تەپسە, كەيىن جەكە كاسىپكەرلەرگە جەر ۋچاسكەلەرى بەرىلگەن. وسىنىڭ بارلىعىن جۇيەلەپ, قۇجاتتارىن دۇرىستاپ دالاداعى مۋزەي اشۋ جاعىن ويلاستىرۋ كەرەك. كاسىپورىندارعا رەتى كەلسە باسقا اۋماقتان ورىن بەرىلسە. ءسويتىپ, تولىقتاي بولماسا دا لاگەردىڭ ءبىراز بولىگىن قالپىنا كەلتىرىپ, "دولينكا" سياقتى تاريحي-تۋريستىك ورتالىققا اينالدىرۋعا بولادى. كاسىپكەرلەر, ءىرى كاسىپورىندار لاگەر اۋماعىنداعى پايدالانىلماي جاتقان ۋچاسكەلەرىن مەملەكەتكە قايتارسا, ۇكىمەت وسىنىڭ ءتيىمدى تەتىكتەرىن ۇسىنسا. ول يگى ىسكە ارىستانبەك مۇحامەديۇلى باسقاراتىن مينيسترلىك باستاماشى بولىپ, زاڭنامالىق-قۇقىقتىق مۇمكىندىكتەردى قاراستىرسا دەگەن تىلەك بار.

شارۋاشىلىق عيماراتتاردىڭ قيراندىسى