• usd 468.56

  • eur 497.56

  • rub 7.3

  • cny 67.18

29 ناۋرىز, 19:02:57
الماتى
+35°

27 مامىر, 2019 تاريح

ابىلاي حاننىڭ سۇيەگىن ەكسكاۆاتور تابانىنا تاپتاعان كىم؟

تاريحتىڭ تۋرا جولىن تابۋ, اق ءھام بۇرمالانباعان تاريحىمىزدى جاساۋ, جاساۋ ەمەس تابۋ – ءبىزدىڭ ۇلت الدىنداعى پارىزىمىز.

بىز وسى ۋاقىتقا دەيىن ابىلاي حاننىڭ جانە باسقا دا قازاق حاندارىنىڭ مۇردەسى قوجا احمەت ياساۋي كەسەنەسىندە جەرلەنگەن دەپ ەسەپتەپ كەلەمىز. ءبىراق اتاقتى جازۋشى وردابەك شاياحمەتوۆتىڭ كەشەگى "حالىق جاۋى", ستاليندىك ۆكپ(ب) تاريحىنىڭ وقىتۋشىسى, رايكومنىڭ ەكىنشى حاتشىسى ب. قوناقباەۆپەن جۇرگىزگەن سۇحبات نەگىزىندە جازىلعان "تۇركىستان تۇتقىنى" رومانىندا كەلتىرىلگەن دەرەكتەر بۇل پايىمدى تەرىسكە شىعارادى دەپ جازادى qamshy.kz اقپارات اگەنتتىگى.

ايتالىق, بۇل كىتاپتا ابىلاي حاننىڭ مۇردەسى 1974 جىلدىڭ 6-قىركۇيەگىندە كۇرەسىنگە تاستالعانى تۋرالى دەرەك كەلتىرىلەدى. "ازىرەت سۇلتان" كەسەنەسىنىڭ ماڭايىن وڭدەپ, كورىكتەندىرۋ ماقساتىنداعى درەناجدىق قازبا جۇمىستارى جۇرگىزىلىپ جاتقان كەزدە, قاتارداعى ەكسكاۆاتورشى س. ماناسۋەۆ كۇيگەن كىرپىشتەن ورىلگەن مۇردەحانا مەن ەڭسەلى ادامنىڭ سۇيەگىن تابادى.

ساعانا-بەيىتتىڭ كولەمى 6ح3 مەتر. بۇل جايىندا س. ماناسۋەۆ ءوزىنىڭ باسشىسىنا حابار بەرگەن. ءبىراق سول جەردەگى بريگادانى باسقارىپ جۇرگەن باستىقسىماق ونىڭ ءسوزىن جۇرە تىڭداپ, قازا بەرۋدى بۇيىرادى.

سايكەستىك!

ابىلاي حاننىڭ ساعانا بەيىتى 1974 جىلدىڭ قىركۇيەگىندە بۋلدوزەر تابانىنا تاپتالىپ كەتە باردى وسىلاي. ال يپاتەۆ ءۇيى 1977 جىلدىڭ قىركۇيەگىندە جويىلدى.

اندروپوۆ يپاتەۆ ءۇيىن جويۋعا نۇسقاۋ بەرگەن كەزدە كگب باسشىسى بولسا, ابىلاي حان مۇردەسىن شىنجىر تاباننىڭ استىندا كۇل-تالقان ەتكەندە دە ءدال سول قۇزىرلى ورىنىندا ەدى.

ەكسكاۆاتورشى مانسۋەۆتان بەلگىلى اقىن, قالامگەر ورىنباي داستانوۆ تۇسىنىكتەمە-سۇحبات العان. ءبىراق بۇل جازبانى جاريا ەتۋدىڭ ءساتى تەك 17 جىلدان كەيىن ءتۇستى. اراعا 17 جىل سالىپ, الگى جازبا "جىبەك جولى" جۋرنالىنىڭ بەتىندە جاريالاندى.

"ازىرەت سۇلتاننىڭ" جانىنداعى حاندار مۇردەسىنەن قازىرگى ۋاقىتقا دەيىن تەك ەسىم حاننىڭ سۇيەگى قالىپ وتىرعان كورىنەدى.

جوعارىداعى دەرەكتەردىڭ بارلىعى اتى اتالعان اۆتوردىڭ تۋىندىسىنداعى توسىن ءارى تىڭ دەرەكتەر. وسى تاقىرىپتارعا قاتىستى وزگە باعىتتاعى اقپاراتتار, ناقتى فاكتىلەرگە قۇرىلعان دۇنيە بولسا, جاريالاۋعا بولادى.

تاريحتىڭ تۋرا جولىن تابۋ, اق ءھام بۇرمالانباعان تاريحىمىزدى جاساۋ, جاساۋ ەمەس تابۋ – ءبىزدىڭ ۇلت الدىنداعى پارىزىمىز.

ادىلەت مادەنيەت

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر