27 مامىر, 2019 ساياسات
يليا يلين: توقاەۆتى ەلباسىنىڭ ءوزى ۇسىنعانى ءۇشىن قولدايمىن
اتاقتى سپورتشى سايلاۋ تۋرالى ەرەكشە پىكىر ءبىلدىردى.
قازاقستاننىڭ ەڭبەك سىڭىرگەن سپورت شەبەرى, اۋىر اتلەت يليا يلين الداعى پرەزيدەنت سايلاۋىنا قاتىستى پىكىر ءبىلدىردى دەپ حابارلايدى qamshy.kz اقپارات اگەنتتىگى. بۇل تۋرالى سپورتشى قاسىم-جومارت توقاەۆتىڭ رەسپۋبليكالىق قوعامدىق شتابىنىڭ قىزىلوردا وبلىسىنداعى جيىنىندا ايتتى.
"مەنىڭ ويىمشا, قاسىم-جومارت توقاەۆ الدا كەلە جاتقان پرەزيدەنت سايلاۋىنداعى ەڭ ۇزدىك كانديدات, سەبەبى ونى ەلباسىنىڭ ءوزى ۇسىنىپ, قولداۋ ءبىلدىردى. ال مەن نۇرسۇلتان ءابىشۇلىنىڭ ساياساتىن قوس-قولداپ قولدايمىن. سوندىقتان بارشاڭىزدى سايلاۋعا كەلىپ, قاسىم-جومارت توقاەۆقا داۋىس بەرۋگە شاقىرامىن. قاسىم-جومارت توقاەۆتىڭ وزىنە كەلەتىن بولسام, ول – وتە كەرەمەت ادام, سونىمەن قاتار ساياسات تۋرالى, ەلدەگى جاعداي تۋرالى جەتىك بىلەتىن, وسى سالادا ۇزاق ۋاقىت جۇمىس جاساعان جان رەتىندە تانيمىن. بارلىقتارىڭىزعا مەنى قولداپ, قۇرمەتتەگەندەرىڭىز ءۇشىن العىس بىلدىرەمىن. ءسوز سوڭىندا تاعى دا, بارشاڭىزدى سايلاۋعا كەلىپ, قاسىم-جومارت توقاەۆقا داۋىس بەرۋگە شاقىرامىن", - دەپ ويىن قورىتىندىلادى يليا يلين.
دايىنداعان: داۋرەن سىبانباي
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر