دوللاردىڭ قۇلدىراۋى ەموسياعا بايلانىستى...

"بيزنەس وقيعالارى" كىتابى جاڭالىق ەتىپ ايتارلىقتاي سۋ جاڭا كىتاپ ەمەس. ءبىراق بۇل وقۋلىقتى بيلل گەيتس پەن ۋوررەن باففەت وتە قاتتى باعالاپ, كىتاپتاعى ساباقتاردىڭ قاجەتتىلىگى ومىرشەڭ ەكەنىن ايتقان. دجون برۋكستىڭ "بيزنەس وقيعالارى" ەڭبەگىندە ويلاۋ دارەجەسىن ۇلعايتۋدىڭ, دامۋ جولىنىڭ 12 نەگىزگى قاعيداسى ءسوز ەتىلەدى. سوعان وراي, ەلىمىزدەگى كاسىپ سالاسىندا جۇرگەن ازاماتتارعا پايداسىن تيگىزەر دەگەن ويمەن 12 قاعيدانىڭ نەگىزگى جەتەۋىن ۇسىنۋدى ءجون كوردىك. ەندەشە ءارى قاراي وقىڭىز.

كىتاپتىڭ نەگىزگى سيۋجەتى xerox-تىڭ قۇرىلۋىنان ford edsel كومپانياسىنىڭ قۇلدىراۋىنا دەيىنگى ارالىقتا قۇرىلعان. كىتاپتا ادام تابيعاتىنىڭ كاسىپكە قانشالىقتى اسەر ەتەتىنىن باياندالادى. كەيتلين شيللەر وسى وقۋلىقتان blinkist جوباسىنا قاتىستى 12 ساباقتىڭ جەتەۋىن ىرىكتەپ العان ەكەن. ولار قانداي ساباقتار؟

1962 جىلعى قور نارىعىنىڭ قۇلاۋىنان ساباق

ادام تابيعاتى - ەموسياعا, وزگەرۋگە بەيىم قۇبىلىس. كەلەسى مالىمەتتەر سونىڭ ايقىن دالەلى. 1962 جىلى امەريكالىقتاردىڭ ءۇش كۇندىك ۇرەيى مەن دۇربەلەڭى قور نارىعىنىڭ قۇلدىراۋىن 20 ميلليارد دوللارعا دەيىن جەتكىزگەن. ارتىنشا دۇربەلەڭ باسىلعاننان كەيىن بۇل ساندار قايتا قالپىنا كەلدى. اتالعان فاكتى ادامنىڭ ينستينكتيۆتىك تۇرعىدان ويلانا الماۋىنىڭ قانداي قۇلدىراۋعا الىپ كەلەتىنىن سەنىمدى تۇردە ىسپەن دالەلدەپ بەردى.

سوندىقتان, كەز-كەلگەن جاعدايدا ادامدار ءوز ەموسيالارىنا ەرىك بەرمەي, تۇسىنىستىكپەن قاراۋدى ۇيرەنۋى قاجەت. سونداي-اق, ءاربىر باستاماعا كىرىسەر الدىندا كاسىپتىڭ وڭالىپ كەتۋىنە, بولاشاعىنا كۇدىك بىلدىرمەي, پراگماتيستىك كوزقاراستا بولعان ءجون.

ford ءedsel-دىڭ فياسكو ساباعى

وز نارىعىڭىزدى مۇقيات زەرتتەڭىز. وزگەرىستەر تۇتىنۋشىلارعا ۇناماي قالۋى مۇمكىن ەكەنىن ەستەن شىعارماڭىز. مۇنداي كەزدە تاۋاردى تۇتىنۋشىلاردىڭ پىكىرى تەز ارادا وزگەرۋى مۇمكىن. دەگەنمەن, قوعامدىق پىكىردى ءجوندى باسقارا الساڭ, بارلىعىن جىلدام ورنىنا كەلتىرۋگە بولادى.ford ماڭىزدى شەشىم جاساۋدىڭ ورنىنا حالىق پىكىرىمەن ساناسپاي, تۇتىنۋشىلاردىڭ جيناقى كولىك قالايتىنىن ەسكەرمەي, باسقا باعىتقا بەت الدى ۋاعىندا. ناتيجەسى قانداي بولعانىن وزدەرىڭىز بىلەسىزدەر.

اقش-تاعى فەدەرالدى تابىس سالىعىنىڭ ساباعى

كەيدە بارلىعىنا قولدى ءبىر سىلتەپ, بارلىعىن قايتادان باستاۋدىڭ ءوزى دۇرىس شەشىم بولىپ سانالادى. اقش-تىڭ سالىق جۇيەسى جىل وتكەن سايىن شاتاسىپ, حالىقتىڭ سەنىمىنەن ايىرىلدى. ولار وسى كەمشىلىكتى تۇزەتۋدىڭ ورىنىنا قاتەلىكتەرىن حالىقتان جاسىرۋمەن اينالىستى. بۇل كەمشىلىكتى تۇزەتۋدىڭ جالعىز جولى - بارلىعىن قايتادان اسىنان باستاۋ ەدى.

1959 جىلعى texas gulf كومپانياسىنىڭ قۇلدىراۋ ساباعى

ادامدار تابيعاتىنان تەك قانا وزگەرگىش ەمەس, سونداي-اق, مەنمەن, تاكاپپار بولىپ كەلەدى. ناقتىراق ايتساق, texas gulf كومپانياسىنىڭ باسشىلارى جاڭا مينەرالدىق قوردى تاپقاننان كەيىن كومپانيا ونى وندىرۋدەن باس تارتتى. ءبىراق كومپانيانىڭ باسشىلىعىنداعى بازبىرەۋلەر كومپانيا اكسياسىن ساتىپ الىپ, بارلىق تۋىستارىنا بىردەي باعىتتا جۇمىس جاساۋعا ءامىر بەردى. ويتكەنى, ولاردىڭ ويىنشا, مينەرالدىق قوردان كوپ اقشا تابۋعا بولاتىن ەدى. اقىر سوڭىندا ينسايدەرلىك ساۋدانىڭ كەسىرىنەن كومپانيا قۇلدىرادى. سودان كەيىن بارىپ, اتالعان ساۋدا تۇرىنە تىيىم سالۋ تۋرالى زاڭدار پايدا بولدى.

xerox-تىڭ جىلدام دامۋى مەن قۇلدىراۋىنان ساباق

ەشقاشان جەدەل ارادا جەتىستىككە جەتۋدى كوزدەمەڭىز. xerox 1959 جىلى العاش رەت ءوز ءونىمىن جاريالاعاندا ەشكىم ونى سۇرانىسقا يە بولادى دەپ كۇتپەدى. ءبىراق ارادا بەس جىل وتپەي-اق كومپانيانىڭ ءداۋىرى اسپانداپ كەتتى. ولاردىڭ قارجىلىق قورىنىڭ ۇلعايعانى سونشالىق, 1964 جىلى بۇۇ-عا كومەك رەتىندە 4 ميلليون دوللار ءبولدى. 1965 جىلى-اق كومپانيادا ەونوميكالىق ماسەلەلەر بوي كورسەتە باستادى. كومپانيا مۇقتاجدارعا كومەك كورسەتۋمەن اۋرە بولىپ جۇرگەندە, كوشىرىپ باساتىن ماشينا جاساۋ باعىتىنداعى باسەكەلەستەرى بۇلارعا جەتىپ الىپ, ساۋدا نارىعىنان ءبىرجولا ىسىرىپ تاستادى.

piggly wiggly دۇكەندەر جەلىسىندەگى ينۆەستيسيالىق اپاتتىڭ ساباعى

قىزعانىش پەن كەكشىلدىك &ndash؛ جاقسى قاسيەتتەر قاتارىنا كىرمەيدى. piggly wiggly دۇكەندەر جەلىسىنىڭ قىزعانشاق باسشىسى كلارەنس سوندەرس ادامدارعا كاسىپ بويىنشا ساباق بەرۋ ءۇشىن سەنىمسىز دەپ سانالعان ۇلەسكەرلەردىڭ بارلىعىنان كومپانيا اكسيالارىن ساتىپ الادى. قورىتىندىسىندا ول كومپانيانى داعدارىسقا ۇشىراتىپ تىندى.

بۇل جەردەن كاسىپكەر ازاماتتار قىزعانشاقتىق پەن مەنمەندىكتىڭ قانداي جارعا سوعارىن بايقاپ, وسىنداي قاتەلىكتى ءوز مانساپتارىندا قايتالاماۋ تاجىريبەسىن الۋعا بولادى.

1944 جىلعى برەتتون-ۆۋد كونفەرەنسياسىنىڭ ساباعى

بىرتۇتاس ادامداردىڭ شاعىن توبى وزدەرىنەن ۇلكەن جانە كۇشتى جاۋدان ارتىق بولۋى مۇمكىن. وعان دالەل &ndash؛ كەلەسى جاعداي. بىلگىر قارجىگەرلەر كومانداسى ۇلىبريتانيانىڭ تۇراقتى ايىرباس باعامىن ۇستاي المايتىندىعىنا سەنىمدى بولعان كەزدە, نارىقتا بريتاندىق فۋنتقا قارسى شىقتى. تەڭدەستىرىلگەن كۇشتەرگە قاراماستان (ولارعا قارسى تۇرعان ورتالىق بانكتەردىڭ كۇشتى اليانسى) ولار جەڭىپ شىقتى.

بۇل ساباقتان الاتىن تاعىلىم &ndash؛ توپتىڭ كۇشتىلىگى ەمەس, باسەكەگە تۇسكەندە اۋىزبىرشىلىگى مەن بىلىكتىلىگى ماڭىزدى ءرول وينايدى.