مالايزيا ەكس-پرەمەرىنىڭ "؛ميلليوندارىنا"؛ قازاقستاننىڭ قانداي قاتىسى بار؟

قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ تۋعان ءىنىسى بولات نازارباەۆ سوڭعى ۋاقىتتاردا ءارتۇرلى جانجالداردىڭ بەلسەندى قاتىسۋشىسىنا اينالدى. ەلباسىنىڭ ىنىسىنە قاتىستى بۇل جولعى داۋلى ماسەلە الىستاعى مالايزيا ەلىمەن بايلانىستى بولىپ وتىر.

بولات ءابىشۇلى 2001-2011 جىلدار ارالىعىندا مايرا قۇرمانعاليەۆامەن نەكەدە بولعان. سول كەزدە ول ايەلىنىڭ ءبىرىنشى نەكەدەن قالعان بالاسى دانيار كەسىكباەۆتى ءوز تاربيەسىنە الدى.

ال 2012 جىلدىڭ ساۋىرىندە نيۋ-يورك شتاتىنداعى مانحەتتەندىك جوعارى سوت بولىمشەسىنە بولات نازارباەۆتان ارىز ءتۇستى. ارىزىندا ول مايرا قۇرمانعاليەۆا بالاسىمەن بىرگە الاياقتىقپەن ونىڭ "پلازا" قوناق ۇيىندەگى پاتەرىن تارتىپ الدى" دەپ جازعان. ەلباسىنىڭ ءىنىسى پاتەردى 20 ميلليون اقش دوللارعا باعالادى. سونىمەن قاتار ول بۇرىنعى ايەلىن 75 ميلليون دوللار تۇراتىن اسىل اشەكەيلەر مەن نيۋ-يوركتە ورنالاسقان تاعى 4 ميلليونعا باعالانعان 2 پاتەردى يەمدەنىپ الدى دەپ ايىپتاعان. سونىمەن مايرا قۇرمانعاليەۆا ءوزىنىڭ بۇرىنعى كۇيەۋى بولات نازارباەۆقا جاساعان ماتەريالدىق شىعىنى 100 ميلليون دوللاردان استى.

2015 جىلى بولات نازارباەۆتىڭ بۇرىنعى "وگەي بالاسى" دانيار كەسىكباەۆ مالايزيا پرەمەر-مينيسترىنىڭ قىزىنا ۇيلەندى. سودان بەرى مايرا قۇرمانعاليەۆا بالاسىمەن بىرگە مالايزياداعى ەڭ قۋاتتى وتباسىلاردىڭ ءبىرىنىڭ قورعاۋىمەن ءومىر ءسۇردى. ءبىراق قۇرمانعاليەۆا مەن ونىڭ بالاسى ءۇشىن ەرتەگى ۇزاققا سوزىلمادى. 2018 جىلدىڭ مامىر ايىندا نادجيب رازاك ءوزىنىڭ پرەمەر-مينيستر تۇعىرىنان ءتۇسىپ قالدى. ونىمەن قوسا, ونىڭ ۇستىنەن قىلمىستىق ءىس قوزعالدى. جەمقورلىقتان بولەك, رازاك پەن ونىڭ جۇبايى تەرروريزمدى قارجىلاندىرۋ مەن اقشانىڭ اعىلۋى بويىنشا ايىپتالدى. نادجيب رازاكتىڭ ۇيىنە ءتىنتۋ جاساۋ كەزىندە پوليسەيلەر اقشا مەن اسىل زاتتار تولعان 72 چەمودان, اتاقتى برەندتەردىڭ 284 سومكەسىن تاركىلەدى.

قازىرگە كەزگە دەيىن نادجيب رازاك ءوزىنىڭ ميللياردتىق قاراجاتى تۋرالى تۇسىندىرە المادى. جۋىردا مالايزيانىڭ ەكس-پرەمەرى facebook ارقىلى  ؛وسى جاعداي تۋرالى تۇسىنىك بەردى. رازاكتىڭ ايتۋىنشا, اقشا مەن اسىل زاتتار تولعان چەموداندار وعان تيەسىلى ەمەس. ولار ونىڭ قىزى - دانيار كەسىكباەۆتىڭ ايەلىنە تيەسىلى ەكەن. سونىمەن قاتار ريزاك ءوز تۇسىنىكتەمەسىندە "كۇيەۋ بالاسىنىڭ اناسى مايرا قۇرمانعاليەۆا قازاقستاننىڭ ەڭ باي ادامداردىڭ ءبىرى &ndash؛ بولات نازارباەۆتىڭ ايەلى بولعان" دەدى. دالەل رەتىندە ول بۇرىنعى ەرلى-زايىپتىلاردىڭ اراسىنداعى سوت ءىسى تۋرالى سىلتەمەنى سالىپ قويدى. وسىنداي قيمىلىمەن نادجيب رازاك وعان قارسى اشىلعان قىلمىستىق ىسكە بولات نازارباەۆتى دا قوسىپ وتىر.

ەندى مالايزيالىق قۇقىق قورعاۋ ورگاندارى نادجيب رازاك ايتقان اقپاراتتىڭ انىق-قانىعىن تەكسەرمەك. بۇل جاعداي بويىنشا بولات نازارباەۆ ادەتتەگىدەي ۇندەمەي وتىر. ەگەر نادجيب رازاك ءوز دەگەنىنە كوندىرسە, ەلباسىمىزدىڭ ءىنىسى مالايزياداعى قىلمىستىق ءىستىڭ قاتىسۋشىسى بولىپ كەتەدى. مالايزيا پوليسياسى بولات ءابىشۇلىنان كۇدىكتەنسە, ونى interpol جەلىسىمەن حالىقارالىق قىلمىسكەر رەتىندە ىزدەيدى.