• usd 468.56

  • eur 497.56

  • rub 7.3

  • cny 67.18

28 ناۋرىز, 16:02:15
الماتى
+35°

24 مامىر, 2019 news

توقاەۆ موراتوريي جاريالادى

قيىن-قىستاۋ زاماندا مەملەكەت ەكونوميكالىق ءوسىمدى قولداۋدىڭ اۋىرتپالىعىن ءارقاشان ءوز موينىنا الدى.

قازاقستان پرەزيدەنتى قاسىم-جومارت توقاەۆ جاڭا مەملەكەتتىك كومپانيالار قۇرۋعا موراتوريي جاريالادى, دەپ حابارلايدى qamshy.kz اقپارات اگەنتتىگى اقوردانىڭ دەرەگىن نەگىزگە الىپ.

"قيىن-قىستاۋ زاماندا مەملەكەت ەكونوميكالىق ءوسىمدى قولداۋدىڭ اۋىرتپالىعىن ءارقاشان ءوز موينىنا الدى. ەكونوميكانىڭ جۇيەلى باسەكەگە قابىلەتتىلىگى جەكە بيزنەس ەسەبىنەن قالىپتاساتىنىن ەستەن شىعارماعان ابزال. ءدال وسى سەبەپتەن مەملەكەتتىڭ ەكونوميكاداعى ۇلەسىن ەىدۇ ەلدەرىنىڭ ستاندارتتارىنا دەيىن جەتكىزۋ مىندەتى قويىلدى. بۇل جەكە ينۆەستيسيالار مەن شاعىن جانە ورتا بيزنەستىڭ دامۋىنا سەرپىن بەرەدى", - دەدى توقاەۆ ۇلتتىق ينۆەستورلار كەڭەسىنىڭ وتىرىسىندا.

مەملەكەت باسشىسى ۇكىمەتكە 1 قىركۇيەككە دەيىن مەملەكەتتىك كومپانيالار ءۇشىن رۇقسات ەتىلگەن بارلىق قىزمەت تۇرىنە رەۆيزيا جۇرگىزىپ, ولاردى قىسقارتۋعا قاتىستى ۇسىنىستار ەنگىزۋدى تاپسىردى.

"بۇگىن ەكونوميكادا جاڭا مەملەكەتتىك كومپانيالار قۇرۋعا موراتوريي جاريالايمىن", - دەدى پرەزيدەنت.

ايتا كەتسەك, بۇگىن قازاقستان پرەزيدەنتى قاسىم-جومارت توقاەۆ ۇلتتىق ينۆەستورلار كەڭەسىنىڭ وتىرىسىن وتكىزدى. جيىنعا ۇلتتىق ينۆەستورلار كەڭەسىنىڭ مۇشەلەرى, پرەزيدەنت اكىمشىلىگى مەن مەملەكەتتىك ورگانداردىڭ باسشىلىعى, "اتامەكەن" ۇلتتىق كاسىپكەرلەر پالاتاسى پرەزيديۋمىنىڭ مۇشەلەرى, ۇلتتىق كومپانيالار مەن ەلىمىزدىڭ بيزنەس وكىلدەرى قاتىستى.

وتىرىس تاقىرىبى "كاسىپكەرلىكتى دامىتۋ – ەل ەكونوميكاسىن جاڭعىرتۋدىڭ نەگىزى" دەپ اتالدى.

ۇسىنعان: اسەل بولاتقىزى

اسەل بولاتقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر