22 مامىر, 2019 تاريح
ەينشتەيننىڭ 1,5 ميلليون دوللارعا ساتىلعان قولتاڭباسى
اۋكسيوندا 1,56 ملن دوللارعا ساتىلادى.
اتاقتى عالىم, نوبەل سىيلىعىنىڭ لاۋرەاتى البەرت ەينشتەيننىڭ ەسىمىمەن بايلانىستى تاريحي جادىگەرلەر الەمنىڭ ءار تۇكپىرىندە اۋكسيونداردا ساتىلعانىن بىلەمىز. ال, ايگىلى فيزيكتىڭ قولتاڭبالارىنىڭ قۇنى قانشاعا باعالانعانىن بىلەسىز بە؟
1922 جىلى فيزيك توكيو عالىمدارىنا ءدارىس وقۋ ماقساتىندا جاپون ەلىندە بولعان. سول ساپارىندا قاسىندا ءجۇرىپ, قىزمەت كورسەتكەن حابارشى جىگىتكە كەتەرىندە العىس رەتىندە اقشا ۇسىنادى. ءبىراق, قارت عالىم قانشا قيىلىپ ۇسىنعانىمەن جالشى جىگىت جەرگىلىكتى جەردىڭ ءداستۇرىن العا تارتىپ, سىيدى الۋدان باس تارتادى. سوندا ەينشتەين جاس جىگىتكە ءوز قولىمەن جازىلعان 2 حات قالدىرىپ, ساقتاپ قويۋىن سۇرايدى.
"بارلىق ۋاقىتتا جەڭىس قۋالاپ, قاربالاستا وتكەن ومىرگە قاراعاندا, تىنىش, قاراپايىم عانا ءومىر كوبىرەك باقىت سىيلايدى" دەگەن سويلەمنەن تۇراتىن العاشقى حات جازىلعانىنان 2 جىل وتكەننەن كەيىن يەرۋساليمدەگى اۋكسيوندا 1,56 ملن دوللارعا ساتىلادى.
"ەركىندىك بار جەردە, جول دا بولادى" دەگەن قىسقا سويلەمدى ەكىنشى قولجازبا 240 مىڭ دوللارعا باعالانادى.
وسىدان سوڭ ساتىلىمعا عالىمنىڭ ۆالتەر راتەناۋدىڭ ولىمىنە بايلانىستى بەرليننەن كەتۋگە ءماجبۇر بولعان شاعىندا قارىنداسى ماياعا جازعان حاتى شىعارىلدى. بۇل حاتتا ەينشتەين قارىنداسىنا ءوز ءومىرى جايلى, گەرمانيانى الدا كۇتىپ تۇرعان "قاراڭعى كۇندەر" تۋرالى باياندايدى. حاتتىڭ باستاپقى قۇنى – 12 مىڭ دوللارعا باعالانعان.
اۋدارعان: داۋرەن سىبانباي
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر