جۋرناليست: ەۋرووداق رەسەيدىڭ اسكەرىنەن ەمەس, ساياسي ىقپالىنان قورقادى

چەحيالىق جۋرناليست باتىس ەلدەرىنىڭ رەسەيدى نە سەبەپتى جەك كورەتىندەرىن تالداپ جازدى دەپ حابارلايدى qamshy.kz اقپارات اگەنتتىگى. بۇل تۋرالى جۋرناليست parlamentní listy باسلىمىندا جازعان.

جۋرناليست ييرجي كوبزانىڭ ويىنشا, باتىس ەلدەرىنىڭ رەسەي ساياساتىن قۇپ كورمەۋىنىڭ باستى سەبەپتەرىنىڭ ءبىرى - ەۋروپا ەلدەرى مەن اقش جويىپ جىبەرۋگە كۇش سالىپ جۇرگەن ءداستۇرلى قۇندىلىقتاردىڭ رەسەيدە ساقتالىپ قالۋى. رەسەي حالقى ءالى كۇنگە سوعىس قۇرباندارىن ەسكە الۋدى, جەڭىس كۇنىن تويلاۋدى ۇمىت قالدىرعان ەمەس. حالىق ۇلتتىق داستۇرگە بەرىك ءارى جاس ۇرپاقتى بارىنشا ۇلتتىق قۇندىلىقتاردى باعالاۋعا باۋليدى. سونىمەن قاتار, رەسەيلىكتەر گەي-پارادتار مەن ەسىرتكىنى زاڭداستىرۋ تۋرالى شەرۋلەرگە شىققان ەمەس.

جۋرناليست ەۋروپالىق تەلەارنالار مەن باق-تان "رەسەيدەن تونەتىن ءقاۋىپ" تۋرالى, رەسەيدىڭ قوعامدىق ساناعا كەرى اسەر ەتەتىنى تۋرالى كوپتەگەن ماقالالار مەن ۇندەۋلەردى كوپ كەزدەستىرەتىنىن اتاپ ءوتىپ, باتىس ەلدەرىنىڭ رەسەيگە قاراعاندا الدەقايدا ورىنسىز ساياسات جۇرگىزەتىنىن, تەك بۇعان ەشكىمنىڭ باسا نازار اۋدارمايتىنىن دا تىلگە تيەك ەتتى.

باتىس ەلدەرى شىن مانىندە ماسكەۋدىڭ ءاردايىم تاريحي سانا مەن وتانسۇيگىشتىكتى قولدايتىن ساياسات جۇرگىزۋىنەن قورقىتادى. بۇل يدەولوگيا ەۋرووداق پەن اقش ءۇشىن قولايسىز.

"وتان, بارلىعى بەيبىتشىلىك ءارى كەلىسىم نەگىزىندە تاۋ-تاتتى ءومىر ءسۇرىپ جاتقان حالىقتار فەدەراسياسى, رەسەيدىڭ قاراپايىم حالقى ءۇشىن ۇلكەن مانگە يە", - دەپ جازدى جۋرناليست.

رەسەيدە شەت ەلدەر ارقىلى قارجىلاندىرىلاتىن, ساياسي باعدارلامالارىمەن "قوعام اراسىنا ىرىتكى" سالاتىن باعدارلامالاردىڭ بولماۋى دا ەلدىڭ ءبىر جاقتى ساياسات جۇرگىزۋىنە دە ىقپال ەتەدى.

"ماسكەۋ باتىس ەلدەرىنە كوپتەگەن ساياساتكەرلەر قايتالاۋدان جالىقپايتىن اسكەري قۋاتىمەن ەمەس, ساۋاتتى جۇرگىزىلەتىن ۇلتتىق يدەولوگياسىمەن, تاريحي ساناعا قاتاڭ بەكىنگەن ساياساتىمەن قورقىنىش تۋعىزادى. سول سەبەپتى دە, باتىس ەلدەرىندە انتيرەسەيلىك ساياسات جۇرگىزىلەدى, شەتسىز-شەكسىز سانكسيالار سالىنادى. بۇل ۇدەرىسكە قارسى شىعىپ, باسقاشا پىكىر بىلدىرگەن ادامنىڭ  اۆتوماتتى تۇردە "كرەمل تىڭشىسىنا" اينالىپ كەتەتىندەرىنىڭ باستى سەبەبى دە وسىدا جاتىر", - دەپ اتاپ كورسەتەدى كوبزا.

دايىنداعان: داۋرەن سىبانباي