21 مامىر, 2019 الەم
قادىروۆ: ەگەر ءبىز قالاساق, كيەۆ رەسەيدىڭ ءبىر وبلىسىنا اينالادى!
"؛سىزگە رەنجۋگە ءماجبۇرمىن. ءبىرىنشى كۇننەن-اق ولاي ەتكىم كەلمەپ ەدى», - دەپ جازدى كادىروۆ ءوزىنىڭ جازباسىندا.
شەشەنستان رەسپۋبليكاسىنىڭ باسشىسى رامزان قادىروۆ ۋكراينانىڭ جاڭا پرەزيدەنتى ۆلاديمير زەلەنسكييگە رەنىشىن ءبىلدىردى دەپ حابارلايدى qamshy.kz اقپارات اگەنتتىگى. بۇل تۋرالى رامزان كادىروۆ تەلەگرام ارناسىندا جازدى.
ەستەرىڭىزدە بولسا, زەلەنسكيي ۇلىقتاۋ راسىمىندە سويلەگەن سوزىندە پرەزيدەنتتىك قىزمەتىندەگى باستى ماقساتى – قىرىم مەن دونباسستى ۋكراينا قۇرامىنا قايتارۋ ەكەنىن باسا ايتقان-دى.
"مەن ءسىز تۋرالى مۇلدە باسقا پىكىردە بولعانمىن. تاجىريبەلى, تانىمال شوۋمەننەن كەمەڭگەر جانە تەرەڭ ويلاناتىن ساياساتكەرگە اينالادى دەپ ويلادىم. ال ءسىز مۇلدە باسقاشا ارەكەت ەتتىڭىز. جاقسى كورشىلەر ولاي جاسامايدى! سىزگە رەنجۋگە ءماجبۇرمىن. ءبىرىنشى كۇننەن-اق ولاي ەتكىم كەلمەپ ەدى", - دەپ جازدى قادىروۆ ءوزىنىڭ جازباسىندا.
شەشەنستان باسشىسىنىڭ پىكىرىنشە, زەلەنسكيي دە جانە ودان كەيىن كەلەتىن ءىزباسارلارى دا "قىرىم سان عاسىرلاردان بەرى رەسەيدىڭ ءبىر بولىگى بولىپ كەلگەنىن جانە ءارقاشان سولاي بولىپ قالاتىنىن" ەستە ساقتاعاندارى دۇرىس.
وسى تۇستا, قادىروۆ زەلەنسكييگە ورىندالمايتىن ۇمىتتەردەن ارىلۋ ءۇشىن تاريحتى وقۋعا كەڭەس بەردى.
"ەگەر رەسەيگە بوتەن مەملەكەتتىڭ جەرى قاجەت بولسا, كيەۆ الدەقاشان رەسەي فەدەراسياسىنىڭ باتىسىنداعى وبلىس ورتالىعىنا اينالار ەدى. ءبىراق, رەسەي ەشقاشان بۇلاي جاسامايدى. ءبىز باۋىرلاس ۋكراين حالقىنىڭ مەملەكەتتىك اۋماقتىق تۇتاستىعىن قۇرمەتتەيمىز. ءبىز بوتەن جەرگە قىزىققان ەمەسپىز, ءبىراق ءوز جەرىمىزدى ەشكىمگە بەرمەيمىز!" - دەدى قادىروۆ ءوز جازباسىندا.
دايىنداعان: داۋرەن سىبانباي
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر