• usd 468.56

  • eur 497.56

  • rub 7.3

  • cny 67.18

28 ناۋرىز, 22:05:18
الماتى
+35°

17 مامىر, 2019 كاسىپكەر

جاڭا جوبا باستاعان كاسىپكەردىڭ 7 قاتەلىگى

العاشقى جارنا سالۋشىلاردىڭ كوپشىلىگى "؛قىمبات ءارى ءساندى"؛ عيمارات تابۋدى كوزدەيدى. ءبىراق كوپشىلىگىندە وسى دۇنيە دۇرىس شىقپاي جاتادى.

جاڭا جوبانى قولعا العان كاسىپكەر قانداي قاتەلىكتەرگە بوي الدىرادى؟ نەلىكتەن دۇكەندەر مەن مەيرامحانالار اشىلعانىنا ءبىر جىل تولماي جاتىپ داعدارىسقا ۇشىرايدى؟ كاسىپ سالاسىندا تاجىريبەسى بار دميتريي پوتاپەنكو بۇل ساۋالداردىڭ جاۋابىن بەردى.

  1. "بۇل جەردە مىناداي نارسە جوق" قاعيداسى

كاسىپ سالاسىنداعى ەڭ اقىماق ءارى جەتىستىككە الىپ بارمايتىن ەكى جول بار. ولار: "ماعان قالاي ۇناسا, سولاي جاسايمىن" جانە "بۇل جەردە مىناداي نارسە جوق" قاعيدالارى. اسىرەسە بۇل قاعيدالار قوعامدىق تاماقتانۋ ورىندارىن اشۋدا كوپ ورىن الادى. قاراپايىم قاتەلىك تۋدىراتىن ويلار – "بۇل جەردە ەرەكشە كافە جوق, ال مەنىڭ كەلىنشەگىم تاماقتى جاقسى پىسىرە الادى, دەمەك, مەن بۇل كاسىپتى باستاپ, دوڭگەلەتىپ كەتە الامىن" دەگەن قيالدان تۋادى. سونداي-اق, "بۇل جەردە جاپون اسحاناسى جوق" دەپ, سونى اشىپ, ارتىنان داعدارىسقا ۇشىراپ جاتاتىندار كوپشىلىك. ەگەر ول جەردە جاپون اسحاناسى بولماسا, ول بولۋعا مىندەتتى دە ەمەس. مۇمكىن جەرگىلىكتى حالىق رامەن ەمەس, جاي عانا جىلدام دايىندالاتىن لاپشا جەي سالعاندى ءجون كورەتىن شىعار.

جالعان قيالدىڭ جەتەگىندە ءجۇرىپ جاسالعان كاسىپ 90 پايىز مۇمكىندىكتە داعدارىسقا ۇشىراپ, قۇلدىرايدى.

بىر نىساندى, كاسىپتى اشپاس بۇرىن بارلىق تۇرعىدان ساراپتاپ, زەرتتەۋ قاجەت. "بۇل دۇنيە بۇل جەرگە قاجەت پە؟" دەگەن سۇراقتى وزىڭىزگە قويىپ, مىقتاپ ويلانساڭىز, جاۋابىن تاباسىز. ءوز ويىڭىزدى ءوزىڭىز سىناڭىز, ارتىنان سونى ناقىت فاكتىلەرمەن اقتاپ شىعۋعا تىرىسىپ كورىڭىز.

باسەكەلەستەردى زەرتتەڭىز. ءسىز قوعامدىق تاماقتانۋ نىسانىن اشاتىن بولساڭىز, جاقىن ماڭداعى وسىنداي ورىندارعا مونيتورينگ جۇرگىزىپ, ساراپتاڭىز. بۇل نىسانعا جاقىن ورنالاسقان حالىقتىڭ شوعىرلانۋ دەڭگەيىن انىقتاڭىز.

باسەكەلەستەردىڭ تۇتىنۋشىسى مول بولسا, ءبىراق ول جەر سىزگە جانە ءسىزدىڭ وتباسىڭىزعا ۇنامايتىن بولسا, "ادامدار بۇل جەرگە تاڭداۋدىڭ جوقتىعىنان كەلەدى مە؟" دەگەن سۇراققا جاۋاپ ىزدەڭىز. ەگەر جاۋاپ ء"يا" بولسا, وندا ءسىز باسەكەگە قابىلەتتى كاسىپ باستاپ جاتىرسىز.

  1. اسپازدىڭ اتىن جامىلماڭىز

وزىڭىز دە بايقايتىن بولارسىز, "وسىنداي دا وسىنداي باس-اسپاز مەيرامحانا اشىپتى" دەگەن سوزدەردى كۇندەلىكتى ەستىپ جاتامىز. وسى جاڭالىقتار بىزگە "ەگەر اياق كيىم ساتاتىن دۇكەن اشۋ قاجەت بولسا, ونى دا كەزىندە اياق كيىم تىگەتىن شەبەر بولعان بىرەۋ اشۋ كەرەك پە؟" دەگەن سۇراقتى ەرىكسىز ويعا ورالتادى.

قىزمەت كورسەتەتىن نىسانداردى اشۋ دا, ونىڭ جۇمىسىن جۇرگىزىپ, قىزمەتكەرلەردى تارتۋ دا – مەنەدجەردىڭ جۇمىسى. ال اسپاز نەبارى سول نىسانعا كەلەتىن تۇتىنۋشىلاردىڭ كوڭىلىنەن شۆعۋدى ماقسات تۇتادى.

كەز-كەلگەن قيىندىقتا بارلىق قاتەلىكتىڭ شەشىمىن اسپازدىڭ قىزمەتىنەن تاۋىپ, ونى تىقسىرا بەرمەڭىز. ول مەزى بولسا, باسقا نىسانعا اۋىسا سالادى دا, ءسىزدىڭ باسەكەلەس تاراپقا قىزمەت ەتە بەرەدى.

  1. جوسپارلى جۇمىس

كوپ جاعدايدا جاڭا كاسىپ اشقان ادامدار قۇجاتقا, جوسپارلاۋ تەورياسىنا ءجىتى كوڭىل اۋدارمايدى. ولار بارلىعىن ىس-ارەكەت ارقىلى شەشەمىز دەپ ويلايدى. ءبىراق تۇتىنۋشىعا ۇسىناتىن ءاربىر قىزمەتتىڭ وزىندىك مادەنيەتى, ىڭعايلى تۇسى بولادى. وسىنداي كىشكەنتاي دۇنيەلەر تۇراقتى تۇتىنۋشىلار تارتۋدا ۇلكەن جۇمىس جاسايدى.

كوشىرمە دۇنيەلەردى ەمەس, الابوتەن نارسەلەردى جاساۋعا ۇمتىلىڭىز. ءبىرىنشى كورگەن ادام تاڭ قالىپ, ءسىزدىڭ قىزمەتىڭىزدىڭ كرەاتيۆ دەڭگەيىن باعالايتىنداي بولۋى ءتيىس.

  1. كەڭەسشىلەرگە كوڭىل ءبولۋ

بۇگىندە سىزگە كاسىپ سالاسىنان اقىلى كەڭەس بەرەتىن ادامدار تىم كوپ. ولاردىڭ اراسىندا شەشەندىگىمەن اقشا تاۋىپ جۇرگەندەر دە جوق ەمەس. مىسالى, كەڭەسشىلەردىڭ كوبى سىزبەن اقىسىنا كەلىسكەننەن كەيىن اڭگىمە بارىسىندا بار تۇراعى مەن ۇستەلدەردىڭ ورنالاسۋىندا قاتەلىكتەر بار ەكەنىن عانا ايتىپ, تايىپ تۇرۋى مۇمكىن. ويتكەنى, ولار دۇرىس كاسىپ جاساۋ جولىن وزدەرى دە بىلمەيدى.

كەڭەسشى تاڭدار الدىندا ولاردىڭ جەكە كاسىبىنە كوڭىل ءبولىڭىز. ەسىڭىزدە بولسىن, سىزگە دۇرىس كەڭەستى تەك ءوزىنىڭ جەكە مەيرامحاناسى نەمەسە فرانشيزاسى بار جانە ءۇش جىلدىق كاسىپ سالاسىنداعى تاجىريبەسى بار ادامدار عانا بەرە الادى.

مۇنداي ادامداردان ءبىر نارسەلەردى كوڭىلگە تۇيۋگە بولادى, ال قالعاندارىنا جۇگىنبەگەن ابزال.

  1. قاراجاتتى باسقارۋ

كاسىپتىڭ قۇلدىراۋىنا الىپ كەلەتىن نەگىزگى فاكتورلاردىڭ ءبىرى – قاراجاتتى دۇرىس باسقارماۋ. بۇل ماسەلە جاڭادان جوبا باستاعان كاسىپكەرلەردىڭ ءبىرقاتارىن تۇتقيىلعا تىرەيدى.

ويتكەنى, بارلىعى ء"بىر رەت العاشقى جارنا سالدىم, ەندى ماعان بۋما-بۋما اقشا ءتۇسىپ وتىرادى" دەگەن ويمەن ءومىر سۇرەدى. ال نەگىزىندە جاڭا كاسىپ 12-16 اي بويى ءوز شىعىنىن ءوزى وتەپ تۇرادى. وسىدان كەيىن بارىپ قانا پايدا جايىن ويلاستىرا باستاۋ كەرەك.

العاشقى جارنا سالۋشىلاردىڭ كوپشىلىگى "قىمبات ءارى ءساندى" عيمارات تابۋدى كوزدەيدى. ءبىراق كوپشىلىگىندە وسى دۇنيە دۇرىس شىقپاي جاتادى. مىسالى, قىمبات ءارى ءساندى عيماراتتىڭ ىشىندەگى ۇستەلدەردىڭ ورنالاسۋى نەمەسە سەرۆيس جاعدايى وتە قاراپايىم بولىپ شىعادى.

"مەن ءبىر ارگەنتينالىق اسحانانى بىلەمىن. ولار وزدەرىنىڭ شىنايىلىعىمەن, ارگەنتينالىق ەلشىلىكپەن بايلانىسى بار ەكەندىگىمەن, ۆوكزالعا جاقىن ماڭدا ورنالاسقاندىعىمەن ماقتانادى. سول عيماراتتى قايتا جوندەۋ ءۇشىن 18 ميلليون رۋبل قاجەت بولدى. جوندەۋ جۇمىسىنان كەيىن مەن سول جەرگە باردىم. جوندەۋدەن كەيىن عيماراتقا جول ءتۇستى. كىرەبەرىستە قاراپايىم پلاستيك ەسىك تۇر. بارلىق اقشاسى كىرەبەرىستە تاۋسىلىپ قالعانداي اسەر قالدىرادى", - دەيدى دميتريي پوتاپەنكو.

  1. ادام تىعىزدىعى

قوعامدىق تاماقتانۋ ورىنىن اشاردا كاسسا مەن قىزمەت كورسەتۋشى ورىنداردىڭ كەڭ بولۋىن قاداعالاۋ كەرەك.

ادامداردىڭ تاپسىرىس بەرۋ نەمەسە تاپسىرىستى الۋ بارىسىندا بىر-بىرىمەن سىيىسپاي جاتۋى ءسىزدىڭ تۇراقتى تۇتىنۋشىلارىڭىزدان ايىرىلۋىڭىزعا الىپ كەلەدى.

قوزعالىستى باقىلاپ, قولايلىلىق جاساۋ ءۇشىن بارىڭىزدى سالىڭىز.

  1. كەرەمەتتى كۇتۋ

جاڭا جوبانى قولعا العان جاس كاسىپكەرلەردىڭ بارلىعى ءىسىنىڭ ناتيجەسىن كورۋگە اسىعادى. ءوزىن قالتالى ادام سەزىنىپ, قىمبات كولىك مىنۋگە ۇمتىلادى. ءالى اياققا تۇرماعان كاسىبىنىڭ اينالىمداعى قاراجاتىن جەكە قۇندىلىقتارىن بايىتۋعا جۇمسايدى. ويتكەنى, ونىڭ ساناسىندا الدان ءبىر كەرەمەت تۇرعانداي اسەر قالدىراتىن ويلار بار.

اينالىمداعى قاراجاتقا زيان كەلگەننەن كەيىن ءبىرقاتار قيىندىقتار تۋىندايتىنى انىق.

سول كەزدە دە ۋاقىتىلى شارا قولدانىلماسا, وندا ءسىز قۇلدىراۋ دەڭگەيىنىڭ ءبىرىنشى ساتىسىنداسىز.

مىنە, الداعى بۇلىڭعىر ۋاقىتتاردان كەرەمەت كۇتۋ وسىنداي قيىندىقتارعا اكەلىپ سوعۋى مۇمكىن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر