• usd 468.56

  • eur 497.56

  • rub 7.3

  • cny 67.18

29 ناۋرىز, 09:30:42
الماتى
+35°

16 مامىر, 2019 كاسىپكەر

بالالار بانكىن قۇرعان 7 جاسار بيزنەسمەن

حوسە ادولفو كۆيسوكالا كوستوري – بالا كەزىنەن ءوز بيزنەسىن باستاعان پەرۋاندىق بالا.

بارلىق بالالار وسكەندە باي جانە اتاقتى بولۋدى ارماندايدى. ءبىراق ارمانىن كىشكەنتاي كەزىندە جۇزەگە اسىرا باستايتىندارى از. حوسە ادولفو كۆيسوكالا كوستوري – بالا كەزىنەن ءوز بيزنەسىن باستاعان پەرۋاندىق بالا دەپ جازادى qamshy.kz اقپارات اگەنتتىگى.

ادولفو كۆيسوكالا كوستوري بالا 7 جاسىندا پەرۋدە العاشقى بالالار بانكىن قۇردى. ال بۇگىن, حوسە – 13 جاستا. ونىڭ bartselana bank كومپانياسى قارجى قىزمەتتەرىنىڭ ءارتۇرلى تۇرىمەن اينالىسادى جانە 2 000-نان استام ادام كليەنتى بار.

مۇنداي بيزنەستى قۇرۋ يدەياسى حوسەگە دوستارى مەن باسقا كىشكەنتاي بالالاردى باقىلاعاندا كەلگەن. كوپتەگەن بالالار مەن جاسوسپىرىمدەر سوڭعى اقشالارىنا ءتاتتى تاعامدارعا, ويىنشىقتارعا جانە باسقا دا زاتتارعا جۇمسايدى. بالالار ءۇشىن قارجى ماسەلەسى جابىق تاقىرىپ. ولار ءۇشىن قارجىلىق جانە الەۋمەتتىك ماسەلەلەردى ءارقاشان ۇلكەندەر شەشەدى. ال حوسە كىشكەنتاي بالالاردىڭ اتا-اناسىنىڭ كومەگىنسىز ءوزى اقشا تابۋدىڭ جولىن ويلاپ تاپتى.

بالالار وزدەرى پايدالانعان زاتتاردان قالعان قوقىستاردى بانككە وتكىزىپ, قاجەتتى سوما جينالعاندا اقشاسىن الادى.  وسىلايشا, 2012 جىلى حوسە تاريحي ارەكيپا قالاسىندا bartselana اتتى بالالار بانكىنىڭ نەگىزىن قالادى. بالالار بانكتىڭ كليەنتى بولا وتىرىپ, كەم دەگەندە 5 كەلى قايتا وڭدەۋگە بولاتىن ماتەريالداردى جيناپ, وتكىزەدى. مىسالى: شىنى, پلاستيك, قاعاز نەمەسە مەتالل سىنىقتارىن. قاجەتتى سومانى الۋ ءۇشىن ايىنا كەم دەگەندە 1 كەلى قالدىق جيناۋعا مىندەتتى.

7 جاسار بانكير جەرگىلىكتى قالدىقتاردى قايتا وڭدەيتىن كومپانيالارمەن كەلىسىپ, جينالعان قالدىقتاردان كوپ مولشەردە اقشا تاپتى. بانكتىڭ ارنايى سحەماسى بويىنشا تەك بانك كليەنتتەرى عانا جينالعان ءوز اقشالارىن پايدالانا الادى. ءتىپتى اناسى مەن اكەسى بالانىڭ اقشاسىن الا المايدى.

العاشقى جىلدا 1 توننا ءارتۇرلى قالدىقتار جينالعان. جوبانىڭ باستاپقى تابىسى ايتارلىقتاي جوعارى بولدى. ءىرى بانكتەردىڭ ءبىرى حوسەمەن كەلىسىم شارتقا وتىردى. وسىلاي بانكتىڭ قىزمەتى كۇشەيە ءتۇستى. ەلدىڭ بارلىق اۋماعىنداعى بالالار بانكتىڭ قىزمەتىن پايدالانا الادى. دەگەنمەن كەلىسىمشارت بۇزىلىپ, حوسە ءوزىنىڭ بيزنەسىن دەربەس دامىتۋدى جالعاستىردى.

 جىل سايىن bartselana بانكى ءوسىپ, جاڭا مۇشەلەردى قوسىلۋدا. بۇگىنگى كۇنى ول 10 جانە 18 جاس ارالىعىنداعى 2000-نان استام تۇتىنۋشىعا يە. حوسە كوستوري جاقىن ارادا تاعى ءبىر جەرگىلىكتى banco de la nación بانكىمەن مامىلە جاساعان. جاس بيزنەسمەن كورپوراتيۆتىك كەلىسسوزدەردەن جانە باسقا كومپانيالارمەن بىرلەسىپ جۇمىس ىستەۋدەن قورىقپايدى.

 "مەن باسقا بانكتەر مەن كاسىپورىنداردىڭ باسشىلارىمەن كەزدەسۋدەن قورىقپايمىن. شىنىمدى ايتسام, ەرەسەكتەرمەن ءوزىمدى ىڭعايلى سەزىنەمىن, سەبەبى ولار مەن ۇسىناتىن جوبالاردى تۇسىنەدى", - دەيدى 13 جاسار كاسىپكەر.

ول شەتەلدىكتەرگە جاس كاسىپكەرلەر تۋرالى فيلمدەر ءۇشىن بىرنەشە سۇحبات بەرىپ, كوپتەگەن ەلدەردەن ءتۇرلى ءىس-شارالارعا قاتىسۋعا شاقىرتۋ الادى. بىرنەشە قۇرمەتتى ماراپاتتارعا يە حوسە كوندوري وسىلاي اتاقتى بولدى.

 

 

اقەركە دۇيسەنباي

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر