16 مامىر, 2019 ساياحات
قارا تەڭىز نەگە "؛قارا"؛ اتالعان؟
تاريحي ەڭبەكتەر مەن دەرەكتەردە قارا تەڭىزدىڭ 300-دەن اسا كونە اتاۋى كەزدەسەدى ەكەن.
اتلانت مۇحيتىنىڭ الابىنا ەنىپ, كىشى ازيا مەن ەۋروپا قۇرلىعىن بايلانىستىرىپ جاتقان بۇل تەڭىز "قارا تەڭىز" اتاۋىن بىردەن الماعان. تاريحي ەڭبەكتەر مەن دەرەكتەردە قارا تەڭىزدىڭ 300-دەن اسا كونە اتاۋى كەزدەسەدى ەكەن. جاعاسىندا ءومىر سۇرگەن تايپالار اتاۋىمەن سارماتتىق, سكيفتىك, كييمەرلىك, سپەرمدىك, فراكييلىك, ريمدىك تەڭىز دەپ اتالعان كەزدەرى دە بولعان.
ارابتار سولتۇستىك تەڭىز دەپ اتاسا, گرەكتەر مەن ريمدىكتەر – شىعىستىق تەڭىز دەگەن ات بەرگەن. ال العاشقى گرەكيالىق جاۋلاپ الۋشىلار بۇل تەڭىزدى ءجيى سوعاتىن داۋىلدى اۋا-رايى ءۇشىن جانە جاعاسىندا تۇراتىن جاۋىنگەر حالىق ءۇشىن پونت اكسينسكيي دەپ تە اتاعان.
كەيىننەن, تەڭىز جاعاسىنان كوپتەگەن قالالار سالىپ, ابدەن ورنىعىپ العان سوڭ تەڭىزدىڭ اتاۋىن پونت ەۆكينسكيي, ياعني "قوناقجاي تەڭىز" دەپ وزگەرتكەن. ەجەلگى پارسى دەرەكتەرىندە, قارا تەڭىز اتاۋى – "احشاينا" دەگەن اتاۋمەن كەزدەسەدى. "احشاينا" پارسى تىلىندە قارا-كوك نەمەسە قاراڭعى دەگەن ماعىنانى بىلدىرەدى.
قارا تەڭىزبەن ەجەلگى تۇرىك تايپالارى 13-14 عاسىرلارداعى سوعىس جورىقتارى كەزىندە تانىسقان. جەرورتا تەڭىزىن "اك دەنيز" دەپ اتايتىن تۇرىكتەر, قارا تەڭىزدى "كارا دەنيز" دەپ اتاعان.
ال تەڭىزدىڭ قازىرگى اتالۋىندا تەڭىزدىڭ وزىندىك تابيعي ەرەكشەلىكتەرى مەن تەڭىزدىڭ قارا ءتۇسى نەگىزگە الىنعان. تەڭىز سۋىندا كۇكىرتتى سۋتەكتىڭ مولشەرى شامادان تىس كوپ بولعاندىقتان سۋعا تاستالعان زاكىر نەمەسە تاعى باسقا زاتتار قارايىپ كەتەتىن بولعان. سوندىقتان تەڭىزشىلەر تەڭىز تۇڭعيىعى قاپ-قارا ءتۇستى دەپ ەسەپتەگەن. وسىلايشا, ونسىز دا قارا تەڭىز رەسمي تۇردە "قارا تەڭىز" دەگەن اتاۋ العان.
دايىنداعان: داۋرەن سىبانباي
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر