پسيحولوگيالىق تەست: وزىڭىزگە ۇناعان سۋرەت ارقىلى مىنەز-قۇلقىڭىزدى انىقتاڭىز

1. كوشباسشى. ءسىز ءاردايىم ءوز قالاۋىڭىزعا قول جەتكىزەسىز. ەشقاشان ويىڭىزدى جاسىرمايسىز جانە ادامدارعا تۋراسىن ايتقاندى جانىڭىز سۇيەدى. ءسىز وتىرىك ايتۋعا ۇيرەنبەگەنسىز. اشىقتىعىڭىز بەن تۋراشىلدىعىڭىزدىڭ ارقاسىندا اينالاڭىزداعى ادامدار ءسىزدى سىيلايدى. قانداي باستامانى قولعا الساڭىز دا سىزگە شىنايى قولداۋ بىلدىرەتىن دوستارىڭىز وتە كوپ.

2. قورعاۋشى. ءسىز اينالاڭىزداعى ادامدارعا ۇنەمى قامقورلىق تانىتىپ جۇرەسىز. جانە جانىڭىزداعى جولداسىڭىزدى ەشقاشان قيىن جاعدايعا قالدىرىپ كەتپەيسىز. مەيىرىمدىلىك پەن جاقسىلىق ەرتە مە, كەش پە جەڭىسكە جەتەتىنىنە سەنەسىز. ال ءوزىڭىزدىڭ مۇددەڭىزدى ءاردايىم سوڭعى ورىنعا قوياسىز. قولىڭىزداعى سوڭعى اسىڭىزدى تانىمايتىن ادامعا بەرۋگە دايىنسىز.

3. دانىشپان. الەمنىڭ قۇپياسىن تانۋعا ۇمتىلاسىز. وسى سۋرەتتى تاڭداعان بولساڭىز, ءسىز ءاردايىم بولعان جايتتىڭ اقيقاتىن اشۋعا تىرىساسىز. تەز شەشىم قابىلدايسىز. ۋاقىتىڭىزدىڭ كوپ بولىگىن ءوزىڭىزدى دامىتۋعا جۇمسايسىز. جانىڭىز تىنىشتىقتى سۇيەدى. تابيعات اياسىندا سەرۋەندەگەندى ۇناتاسىز. قالانىڭ قىم-قۋىت تىرشىلىگى ءسىزدى تەز جالىقتىرادى.

4. ارمانشىل. ءسىز قيالعا ەرىك بەرەسىز. سونىمەن قاتار ىشكى تۇيسىگىڭىز ءسىزدى الدامايدى دەپ سەنەسىز. شەشىم قابىلداردا ەشقاشان قاتەلەسپەيسىز. كەيدە اينالادا بولىپ جاتقان وقيعالارعا شىنايى كوزقاراسپەن قاراۋدى ۇمىتىپ كەتەسىز. كەيدە ءوز الەمىڭىزگە ەنىپ, وزگەلەردى كوزگە ىلمەيتىن ساتتەرىڭىز بولادى. ءسىزدى ءتۇسىنۋ وتە قيىن.

5. ۇستاز. ءسىز ءۇشىن تەك قانا ءسىزدىڭ دۇرىس پىكىرىڭىز بەن وزگەلەردىڭ بۇرىس پىكىرى عانا بار. ءسىز ءوزىڭىزدىڭ اقيقاتىڭىزعا عانا سەنەسىز. وزگەلەردىڭ پىكىرى ءسىز ءۇشىن ماڭىزدى ەمەس. سونىمەن قاتار ءوز ويىڭىزدى وزگەلەرگە جەتكىزۋگە, ولاردى ءوزىڭىزدىڭ مۇددەڭىز بويىنشا تاربيەلەۋگە قۇمارسىز. كەيدە پىكىرتالاستارعا ارالاسىپ, ولار ءسىزدىڭ ويىڭىزبەن كەلىسپەسە رەنجىپ تە قالاسىز.

6. كوڭىلدى جان. قانداي ورتادا بولماسىن ءوزىڭىزدى ەركىن ۇستايسىز. كوڭىلدى مىنەزىڭىز بارلىعىنا دا ۇنايدى. كەز كەلگەن اداممەن وڭاي ءتىل تابىسىپ كەتەسىز. جانىڭىزداعى ادامنىڭ بويىنداعى شىنايىلىعىن جوعارى باعالايسىز. ءسىزدىڭ جانىڭىزدىڭ تازالىعى مەن ومىرگە دەگەن قۇشتارلىعىڭىز ءۇشىن ادامدار ۇنەمى جانىڭىزدان تابىلادى.

دەرەككوز: ؛prelestno24.ru

اۋدارعان: مارجان سابەت