يا, بىلەمىن

بۇرىن بۇلاي باقىتسىز ءبولماعانمىن,

قازىر نەگە جۇرەكتى تورلاعان مۇڭ.

قىزعانىشتان ءسوزىڭدى ەسكەرمەگەن,

يا, ءيا, بىلەمىن وڭباعانمىن.

...سورلى اداممىن

 

سەزىمدەگى ءدامىن بىلمەي باق-ىرىستىڭ,

شىرعالاڭدا شارشاپ كوپ ءشاتىلىستىم.

سۇيىپ تۇرىپ سۇيمەيمىن دەگەن ەدىم,

يا, ءيا, بىلەمىن ناقۇرىسپىن.

...مەن سولاي سورلاعانمىن

 

قىزىق ەد(ى) وزىڭمەن كەشى الاڭنىڭ,

جوعالۋشى ەد سەن دەسە ەسى ادامنىڭ.

ەركەلەگەن كەزىڭدى ەلەمەگەن,

يا, ءيا, بىلەمىن ەسالاڭمىن.

...مەن كىمدى قورلاعانمىن؟

 

اش مىنەزىن كورسەتىپ ايۋاننىڭ,

كوڭىلگە تار داستارحان جايىپ الدىم.

حاتتارىڭدى وقىمادىم كۇندە ءجازعان,

يا, ءيا, بىلەمىن ءحايۋانمىن

...قادىرى جوق قولدا باردىڭ.

 

اۆتورى: بەك بايتاس