مەيرامحانا اشقىڭىز كەلسە...

qamshy.kz اقپارات اگەنتتىگى "كاسىپكەر" ايدارىندا ەلىمىزدەگى كاسىپ سالاسىندا جۇرگەن جانە وسى باعىتقا ەندى عانا قادام باسىپ جاتقان وقىرماندارعا قارلىعاشتىڭ قاناتىمەن سۋ سەپكەندەي بولسا دا, ءبىر پايداسى تيەر دەگەن ويمەن الەمدىك دەڭگەيدەگى كاسىپكەرلەردىڭ ومىرلىك ۇستانىمى, قاعيدالارى, تاجىريبەلىك ۇسىنىستارى سىندى دۇنيەلەرىن ۇسىنۋدى قولعا العان.

بۇل ماتەريالدا اركاديي نوۆيكوۆ مەيرامحانانى تاجىريبە مەن بايلانىسسىز قالاي اشۋعا بولاتىنىن ايتادى. 

قازىرگى ۋاقىتتا كەز-كەلگەن جوسپاردى جۇزەگە اسىرۋ ءۇشىن ءبىرىنشى كەزەكتە اقشا قاجەت. ماسكەۋدە ارەكەت ەتۋ ءۇشىن كەم دەگەندە $1 ملن كولەمىندەگى قاراجاتىڭ  بولۋى قاجەت.

ماسكەۋدەگى ەڭ اتاقتى جانە ەڭ تابىستى مەيرامحانا بيزنەسىنىڭ باسشىسى اركاديي نوۆيكوۆ ءوز ويىمەن ءبولىستى.  ونىڭ مەيرامحانالارىنا: vogue café, "سىروۆارنيۋ", "#farش", "سارسكۋيۋ وحوتۋ", "كامچاتكۋ" ي "ёلكي-پالكي"  جاتادى. ءوز جۇمىسىنىڭ باستاماسىن ايتقاندا, ول اۆتوماتتى تۇردە "بومبورا" باسپاسىنان شىققان "نەپراۆيلنىي بيزنەسمەن" اتتى كىتاپتى  ەسىنە الادى.  اۆتوردىڭ رۇقساتىمەن فراگمەنتتى جاريالايمىز, وندا ول جاڭا باستاعان كاسىپكەرلەرگە تۇجىرىمدامانى, ورنالاسۋىن جانە ديزايندى قالاي دۇرىس تاڭداۋعا, باعا بەلگىلەۋدى انىقتاۋعا, پەرسونالدى تاڭداۋعا جانە قولايلىلىق جاعدايىن تۇسىندىرەدى.

ماعان: "مەن مەيرامحانا اشقىم كەلەدى. ماعان نەدەن باستاۋ كەرەك؟" دەگەن سۇراقتارمەن كوپ ادامدار جولىعادى. مۇنداي ديولوگ ء اردايىم داميدى:

— ءسىز ءبىر كەزدەرى مەيرامحانادا جۇمىس ىستەدىڭىز بە؟

— جوق.

— تاماق ازىرلەۋ بىلەسىز بە؟

— جوق.

— قولىڭىزدان نە كەلەدى؟

— مەن مەيرامحانالارعا ءجيى بارامىن, مەنىڭ ويىمشا, بۇل  مەنىڭ قولىمنان كەلەدى.

— مەيرامحانا جۇمىسىن, جەتكىزۋدى ۇيىمداستىرۋدى, تاماق دايىنداۋدى, باقىلاۋدى, باسقارۋ پروسەستەرىن بىلەسىز بە؟

— جوق, بىلمەيمىن.

— مۇنداي جاعدايدا نە ءۇشىن مەيرامحانا بيزنەسىن تاڭدادىڭىز؟

— مەنىڭ ويىمشا, بۇل – تاماشا تابىس تابۋ امالى.

— ال مەنىڭ ويىمشا, بۇل دۇرىس ەمەس. ءسىز ءوز ءجۇمىسىڭىزدىڭ ىشكى پروسەسسىن بىلمەي, كوزدەگەن ماقساتقا جەتە المايسىز.

تۇجىرىمداما

مەيرامحانا اشۋ ءۇشىن نەگىزگى نارسە — يدەيا. بىرىنشىدەن, مەن يدەيا ىزدەۋدە نە باعىتتايمىن, بۇل ەلدە نە بولىپ جاتىر, قالادا نە بولىپ جاتىر, قانداي مەيرامحانالار سۇرانىسقا يە, ال قانداي جوق. وسىنى ەسكەرە وتىرىپ, ءسىز ساتۋعا بولاتىن تۇجىرىمداما مەن ءونىمدى تاڭداۋ كەرەك. ءقازىر ەلدەگى جاعداي ارزان ازىق-تۇلىككە يە. ادامدار سوڭعى ۋاقىتتا كوپ تابىس تابا المادى, كەرىسىنشە, حالىقتىڭ تابىسى, وكىنىشكە قاراي, ازايدى.

قازىر  ادامداردى تاڭقالدىرۋ وتە قيىن. بۇرىن اقشانى وڭدى-سولدى جۇمساۋ ءساندى  بولدى, باي ادامدار  اقشانى اۋاعا جىبەردى دەسەك تە بولادى. ال بۇگىن, قاراجاتى بار ادامدار, ارتىق شىعىننان ساقتانىپ, شاشىلماۋعا تىرىسادى. جاقىن ارادا يتالياندىق جانە  فرانسۋز اسحاناسى, سونداي-اق, بەلگىلى اتاۋمەن بايلانىستى كونسەپتۋالدى مەيرامحانالار سۇرانىسقا يە بولىپ وتىر.

سوڭعى ۋاقىتتا بالىق مەيرامحانالارى كوبىرەك  تانىمال بولا باستادى. مەنىڭ ويىمشا, ادامدارعا تەك فۋا-گرا نەمەسە كراب ۇسىنۋ مىندەتتى ەمەس. كەز-كەلگەن مەيرامحاناداعى ادام, ءتاتتى تاماق پەن قىزمەت ساپاسىنا ءمان بەرەدى. بۇل - ەڭ باستى جانە قاراپايىم ەرەجە.

لوكەيشن (الاڭ)

كەلەسى ماسەلە - مەيرامحانانىڭ ورنالاسقان ورنى. لوكاسيا  وتە ماڭىزدى, ءبىراق ءوزى ەمەس, مەيرامحانا اشقان ادام ءۇشىن. شىن مانىندە, ادامدارى بار كەز-كەلگەن جەردە ءارقاشان تابىستى مەيرامحانا جاساۋعا بولادى.

لوكەيشن - بۇل  جاي عانا ورىن ەمەس, تۇتىنۋشىعا قىزىقتى جوبا جاساۋ ءۇشىن جانە وعان ۇناۋ ءۇشىن دۇرىس پايدالانۋ. تيىسىنشە,  ويىڭىزدى جۇزەگە اسىرۋ ءۇشىن ىڭعايلى ورىن ىزدەۋىڭىز كەرەك. نەمەسە  قولدا بار ورىنعا ءوز جوسپارىڭىزدى جاساۋ ءۇشىن بار جۇمىس ىستەلۋى ءتيىس. ءوزىڭىزدىڭ جەكە ءستيلىڭىز بەن ەرەكشەلىگىڭىز بولۋى قاجەت. بۇدان باسقا, مونيتورينگ جانە تالداۋ جاساۋ كەرەك, بۇل اۋداندا قانداي كاسىپورىندار كوپ, قانداي ورىندار از جانە ولار تۇتىنۋشىعا نە ۇسىنادى.

اسا قيىن جۇمىسسىز-اق جاقسى تابىستى مەيرامحانالار بار ەكەنى ءمالىم. ماسەلەن, امبەباپ دۇكەندەردە, كەيبىر ساۋدا ورتالىقتارىندا نەمەسە ورتالىق كوشەلەردە بەلگىلى ءبىر باعىتتارسىز نەمەسە قاراپايىم اس ۇيمەن ءدامحانا جاساۋعا بولادى. ول تابىستى بولۋى ابدەن مۇمكىن. باستىسى, ءتاتتى تاعام بولسا بولعانى, ياعني, ساپالى ءونىم. اركىم ءوزى ءۇشىن كەلەتىندەي جاعداي جاسالۋى ءتيىس, بىرەۋلەر سۇيىكتى تاعامىنا كەلسە, ەندى بىرەۋلەرى سۇيىكتى سۋسىنىن تابا الادى.

ديزاين

تاڭدالعان جوسپارعا  بايلانىستى سىزگە ديزاين-جوبا قاجەت بولۋى مۇمكىن نەمەسە سوعان بايلانىستى  جوندەۋ جاساۋ كەرەكسىز. ءسىز بولاشاق مەيرامحانا قانداي بولۋى كەرەك ەكەنىن ەلەستەتەسىز, سودان كەيىن قۇرىلىسشىلاردى جالعا الىپ, پروسەستى ءوزىڭىز باسقاراسىز. ەگەر سىزدە بيۋدجەت شەكتەلگەن بولسا نەمەسە ءسىز جۇمىسپەن قامتىلعان ادام بولساڭىز, وندا ءارقاشان ديزاينەردى جالداۋعا مۇمكىندىك بار. ەگەر ءسىز كاسىبي ادال ماماندى تاپساڭىز, جوندەۋ شىعىندارىن بىرنەشە ەسەگە قىسقارتۋعا بولادى. ديزاينەرگە نە قاجەت ەكەنىن ءتۇسىندىرۋ وتە ماڭىزدى جانە ءاربىر كەزەڭدە پروسەستى باقىلاۋ ماڭىزدى. قاجەتتى اۋا كولەمىن, تەمپەراتۋرانى جانە باسقا دا پارامەترلەردى قامتاماسىز ەتەتىن تەحنولوگيالىق جانە ينجەنەرلىك جابدىقتار بولۋى كەرەك. بۇل قولايلىلىقتى ارتادى.

قىزمەتكەرلەر

كەز-كەلگەن بيزنەس ءۇشىن ەڭ ماڭىزدىسى - جاقسى باسشىلىق پەن ىنتالى جۇمىسكەرلەر. مەيرامحانا بيزنەسىندە وتە ماڭىزدى وبەكتىلەر – اسپازدار مەن ديرەكتور. شەف-اسپاز باس اسپازشىلاردى, رەجيسسەر-مەنەدجەرلەردى, داياشىلار مەن تاعى باسقالاردى تاڭدايدى. 

جوعارىدا ايتىلعان قاعيدالاردى رەتىمەن قولدانا بىلسەڭىز, ءسىز اشقان مەيرامحانانىڭ تابالدىرىعىنان كىسى ۇزىلمەۋى ءتيىس. 

اۋدارعان: ادىلەت مادەنيەت