كاسىپكەر ءۇشىن قاجەت بولاتىن ماڭىزدى قوسىمشالار

بىز وتاندىق كاسىپكەرلەرگە ءبىر پايداسى تيەر دەگەن ويمەن ماڭىزى زور سمارتفون, پلانشەت نەمەسە نوۋتبۋكتە پايدالانىلاتىن قوسىمشالار ءتىزىمىن جاسادىق. ءبىزدىڭ تىزىمگە قاراپ, ءوز گادجەتىڭىزدى ماڭىزدى دۇنيەلەرمەن تولىقتىرىڭىز!

1. anۋ.dو

تىزىمدى must-have (بولۋى ءتيىس) قوسىمشالاردان باستايىق. كاسىپكەر ءۇشىن بارلىق ارەكەت ماڭىزدى ءرول ويناۋى مۇمكىن. ولاردى ەلەمەۋ مۇمكىن ەمەس. ال بارلىعىن بىردەي جاتتاپ الۋعا ادام جادىنىڭ قابىلەتى جەتكىلىكسىزدەۋ. دەمەك, وعان سەنىم ارتىپ, تاۋەكەلگە بەل بۋۋدىڭ قاجەتى شامالى. ويتكەنى, ءبىز ۇسىنىپ وتىرعان بۇل قوسىمشا – كۇندى ءساتتى ءارى جوسپارداعىداي وتكىزۋگە جاردەم بەرەتىن بىردەن-بىر كومەكشى قۇرال.

2. دىبىستى ەسكەرتپە

الەمدە ەرتەدەن بەرى وزگەرمەي ءارى جوعالماي كەلە جاتقان مىناداي قاعيدا بار: "ەگەر باسىڭا ءبىر يدەيا كەلسە, ونى تەز ارادا جازىپ قوي. مەيلى ول يدەيا ساعان ءتۇن ىشىندە كەلسە دە". ال ءبىز ۇسىنىپ وتىرعان بۇل قوسىمشا ءسىزدى ءتۇن ورتاسىندا نەمەسە مەزگىلسىز ۋاقىتتا قاعاز-قالام ىزدەپ جۇرۋدەن قۇتقارادى. ويتكەنى, بۇل قوسىمشاعا جازىلعان ءسىزدىڭ داۋىسىڭىز اۆتوماتتى تۇردە ءماتىن قالپىنا كوشەدى. مىنە, بارلىق ماسەلە شەشىلدى. ايتپاقشى, قوسىمشانىڭ اتى "دىبىستى ەسكەرتەپەلەر" ("گoلوسوۆىە زامeتكي") دەپ اتالادى.

3. lاstpass جانە وزگە قاۋىپسىزدىك

بۇگىنگى كۇنى ۇرلانعان نەمەسە جوعالعان سمارتفون تەك ونىڭ قارجىلاي عانا باعاسىمەن ەمەس, سونىمەن قاتار, وندا جازىلعان اقپاراتتارىمەن قۇندى. سوندىقتان, سمارتفون قاۋىپسىزدىگىن ساقتاۋ ءۇشىن ءبىز ۇسىنىپ وتىرعان قوسىمشانى جۇكتەپ الىڭىز. قوسىمشا سىزگە جالعىز شيفر ۇسىنادى. ءسىز ونى جاقسىلاپ ەستە ساقتاپ الساڭىز جەتكىلىكتى. قاۋىپسىزدىككە نەمقۇرايلى قاراماڭىز.

4. wundەrlist

بىز ۇسىنىپ وتىرعان كەزەكتى قوسىمشا كوماندالىق قىزمەتتەگى ادامدار ءۇشىن, اسىرەسە كوماندانى باسقاراتىن تۇلعا ءۇشىن وتە قاجەت دۇنيە. اتالمىش قوسىمشا بارلىق پلاتفورمالارمەن جۇمىس جاسايدى. سونداي-اق, بەرىلگەن تاپسىرمانىڭ ورىندالۋ ۋاقىتىن, قايتالانۋى ءتيىس ارەكەتتىڭ پەريودىن, تاپسىمانىڭ ورىندالۋ بارىسىن قاداعالايدى. دەمەك, بۇل قوسىمشا ساپالى ەڭبەك پەن دۇرىس باسقارۋدى قامتاماسىز ەتەدى.

5. money lover. قارجى مەنەدجەرى

قارجى مەنەدجمەنتى – وتە ماڭىزدى باسقارۋ ءتۇرى. ءوز شىعىندارىڭدى قاداعالاپ وتىرۋ – پايدالى تاجىريبە. ال كىرىس مولشەرىن ءاردايىم نازاردا ۇستاپ وتىرۋ – كاسىپكەرگە موتيۆاسيا بەرۋى مۇمكىن. بۇل قوسىمشادا ەكى ارەكەت تە قاراستىرىلعان. وسىعان ۇقساس كوپتەگەن قوسىمشالار چەكتى سۋرەتكە ءتۇسىرىپ جۇكتەۋدى نەمەسە تۇبىرتەكتى ەنگىزۋدى تالاپ ەتەدى. ال بۇل ارەكەتتەر ادامنىڭ ۋاقىتىن الارى ءسوزسىز.

بىز ۇسىنعان "قارجى مەنەدجەرى" شەكتەۋلى قاراجاتتى ءتيىمدى پايدالانۋعا, قاجەت دۇنيەلەرگە جۇمساۋعا ۇيرەتەدى.

6. gymbووm

بۇل قوسىمشا سپورتپەن شۇعىلدانىپ, ءجيى زالعا بارىپ تۇراتىن جاندارعا ارنالعان. قوسىمشادا جاتتىعۋ بارىسىن قاداعالاۋ, سالماق ولشەۋ, كەلەسى جاتتىعۋدا قانداي ارەكەتتەردى قايتالاۋ كەرەكتىگى تۋرالى اقپارات سەكىلدى ماڭىزدى دۇنيەلەر قاراستىرىلعان. سونىمەن قاتار, جاتتىعۋ تىزىمدەرى مەن ولاردى ورىنداۋ تەحنيكالارى تۋرالى نۇسقاۋلىق بار.

كاسىپكەر ءۇشىن تۇراقتى زالعا بارىپ تۇرۋ مىندەتتى ءىس ىسپەتتى. ويتكەنى, ءوز دەنساۋلىعىڭدى مۇمكىندىك بار بولا تۇرا كۇتپەۋ – اقىماقتىق.

7. bووkmate. كىتاپتار جانە اۋديوكىتاپتار

كىتاپ – ءبىلىم جەتىلدىرۋ كىلتى. ال اۋديوكىتاپتار – ءبىلىمدى قولايلى تۇردە جەتىلدىرۋگە كومەك بەرەتىن قوسىمشالار. ءارقاشان كىتاپ ساتىپ الا بەرۋگە, ونى وزىڭمەن بىرگە الىپ جۇرۋگە, وقيتىن قولايلى ورىن تابۋعا مۇمكىندىك بولا بەرمەيدى. وكىنىشتى مە؟ جوق! ويتكەنى, ءبىز ۇسىنعان قوسىمشا ارقىلى قالاعان كىتابىڭىزدى قالاعان ورىندا, قالاعان ۋاقىتتا وقي الاسىز. قوسىمشا ارقىلى ءماتىن تۇرىندەگى كىتاپتى وقۋعا جانە اۋديوكىتاپتاردى تىڭداۋعا مۇمكىندىك بار.

زامان كوشىنىڭ الدى ءتورتىنشى يندۋستريالىق رەۆوليۋسيا كەزەڭىنىڭ ەسىگىن قاققاندا, ءبىزدىڭ كوشتەن كەيىن جۇرگەنىمىز جاراسپايدى. ۋاقىت تاپشى كەزەڭدە بارلىعىن قولايلى پايدالانا بىلگەن ءجون.

ال ءسىزدىڭ گادجەتىڭىزگە ارنالعان ارنايى قوسىمشالار – قولايلى ءومىر سۇرۋىڭىزگە كومەكتەسەتىن كەرەمەت دۇنيەلەر.