• usd 468.56

  • eur 497.56

  • rub 7.3

  • cny 67.18

29 ناۋرىز, 12:54:03
الماتى
+35°

08 مامىر, 2019 ءتالىم مەن تاربيە

جالقاۋلىقپەن كۇرەسۋ جولدارى

ۋاقىت باردا, جاتپاۋ قاجەت. ۋاقىت – ءسىزدىڭ ەڭ اسىل قۇندىلىعىڭىز.

قازىرگى ۋاقىتتا كەز-كەلگەن ادامدى سويلەتىپ, ماقسات-مۇددەسىن سۇراساڭىز, وزىڭىزگە اقىل ايتارلىقتاي قاۋقارى بار. دەگەنمەن, سول ىسپەتتى ارمان-ايلاسىن جۇزەگە اسىرعاندار قاتارى تىم از. ارمانداردى جۇزەگە اسىرۋعا كەدەرگى بولاتىن نە قۇبىلىس؟ ول, ارينە, جالقاۋلىق, مويىننىڭ جار بەرمەۋى. وسى ءبىر جاعىمسىز قاسيەتتەن ارىلىپ, جەتىستىككە قالاي جەتۋگە بولادى؟

ادامدار ءاربىر قادامىن جانە بولاشاقتا اتقارىلۋى ءتيىس دۇنيەلەردىڭ بارلىعىن ويشا جوسپارلايدى. مىسالى, جاتار الدىندا ەرتە تۇرۋ جايلى ويلانۋىڭىز مۇمكىن. بۇل – ەرتەڭگى كۇنىڭىزگە عانا قاجەتتى, دەگەنمەن, جاسالىنۋى ءتيىس قادام.

"جالقاۋلىق" قاسيەتىن دە جاقسى باعىتقا قولدانۋعا بولادى. قالاي؟ ءبىر عانا جاعدايدا جوعارىدا اتالعان قادامدى ىسكە اسىرۋعا بولادى. ول جول – "جالقاۋلىقتى" تۇبەگەيلى جەڭۋ. وسى ارەكەتتى ءوز ىرقىڭىزدى جەڭىپ جاساي الساڭىز عانا جەتىستىككە جەتۋ ىقتيمالدىلىعىڭىز ارتا تۇسپەك.

بارلىق ماقساتتارىڭىزعا بىردەي ارەكەت ەتۋ ارقىلى عانا جەتەمىن دەسەڭىز, وڭباي قاتەلەسەسىز. ادامنىڭ العاشقى شەشىم قابىلدايتىن مۇشەسى – مي. ويشا قابىلدانعان شەشىم, ويشا جاسالعان جوسپار ىس-ارەكەتتىڭ ساپالى شىعۋىنا ايتارلىقتاي اسەر ەتەدى.

فيلوسوفتاردىڭ تۇجىرىمدامالارىنا سۇيەنسەك, ادامداردىڭ كوپشىلىگى ويشا جوسپاردى ورتا جولدا جاساپ, ناقتى شەشىمدى ورتا جولدا قابىلداپ جاتادى ەكەن. بۇل – ەڭ قاتە قاعيدا, ەڭ قيىن جول.

ىس-ارەكەتكە كىرىسپەس بۇرىن ويشا جوسپارىڭىزدى ناقتىلاپ, دۇرىس شەشىم قابىلداپ الماساڭىز, باستاعان باستامالارىڭىز كوزدەگەن تۇسىڭىزعا جەتپەي قالۋى مۇمكىن.

ادامدا تۇيسىك دەگەن دۇنيە بولادى. تۇيسىك كىسىنى ەشقاشان الداپ نەمەسە ورعا جىققان ەمەس. كەز-كەلگەن ءىستى باستاردا نەمەسە شەشىم قابىلداردا ىشكى داۋىستى تىڭداۋدى ۇيرەنىڭىز. بۇل ارقىلى ءسىز جەتىستىككە جەتۋدىڭ تۋرا جولىن تابۋىڭىز ىقتيمال.

فيلوسوفتار تاپسىرىنە قايتا ورالايىق. "ەشقاشان قيىندىقتارعا مويىماڭىز. تەك اربىرىنەن ساباق الۋدى ۇيرەنىڭىز. قيىندىقتاردىڭ ۋاقىتشا ەكەنىن ۇمىتپاڭىز" دەگەن ءتامسىل بار.

جالقاۋلىق تۋا بىتكەن قاسيەت ەمەس. ادامدار ءتۇرلى جولمەن كەرتارتپا مىنەزگە ۇشىرايدى. مىسالى, باستاعان ءىسى ءجۇرىپ, ويىنداعىداي ارەكەت ەتىپ جۇرگەن ادام ءبىر كۇنى داعدارىسقا ۇشىراسا, ودان كەيىن كاسىپ جاساۋعا دەگەن قۇلشىنىسى مۇلدە جوعالۋى مۇمكىن. تۋراسىن ايتقاندا, قيىندىققا توزبەي, سىنىپ كەتەدى. سىنعان ازاماتتىڭ قايتادان اياققا تۇرۋى وتە قيىن دۇنيە.

ەكىنشى ءبىر جاعداي – ادامنىڭ وز-وزىنە سەنىم بىلدىرمەۋى. ازامات بولىپ قالىپتاسقان ادام ءوز قاۋقارىنا, ءوز قابىلەتىنە, ءوز دارىنىنا سەنىم بىلدىرمەسە, ونىڭ كەز-كەلگەن تىرلىگى ونبەيتىنى انىق. سوندىقتان, قيىندىققا ۇرىنساڭىز دا, تاۋىڭىز شاعىلىپ, وزىڭىزگە سەنىمسىزدىك تانىتپاعانىڭىز ابزال.

"سىزدىڭ قولىڭىزداعى ىدىستىڭ جارتىلاي تولىق نەمەسە جارتىلاي بوس ەكەنى مۇلدە ماڭىزدى ەمەس. باستىسى – سىزدە سۋ بار", - دەپ جازعان ەكەن رۋدي فرانسيسكو. ايتىلۋى كوزدەلگەن باستى وي – قازىرگى جاعدايىڭا شاعىمدانا بەرمەي, ىدىستاعى سۋىڭدى ءىش تە, سونى تولتىرۋعا تالپىنىس جاسا.

ومىر ءسۇر

ادامداردىڭ كوپشىلىگى وزدەرىنىڭ كۇندەلىكتى ومىرلەرىنە ىرزاشىلىق تانىتا المايدى. قاناعاتسىزدىق دەگەن كەسىرلى قاسيەت – بۇل. قاناعاتسىز ادام ەشتەڭەگە قول جەتكىزە المايدى. ويتكەنى, ونىڭ ويىندا ءارقاشان ماتەريالدىق جاعدايدى دامىتۋ دەگەن يدەيا تۇرادى. ال بايلىققا تىكەلەي جۇمىس جاساعان ادامداردىڭ كوپشىلىگى وعان قول جەتكىزە بەرمەيدى.

ويلانىڭىز! ءسىز ءالى ءتىرىسىز! سىزدە ءالى مىڭداعان مۇمكىندىكتەر بار. سول مىڭنىڭ ءبىرىن نەگە ىس-ارەكەتكە اينالدىرماسقا, نەگە بىرەۋىنەن ناتيجە شىعارماسقا؟! ۋاقىت باردا, جاتپاۋ قاجەت. ۋاقىت – ءسىزدىڭ ەڭ اسىل قۇندىلىعىڭىز. ءوزىڭىزدى اياساڭىز, ءوزىڭىزدى اياماڭىز!

ادىلەت مادەنيەت

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر