100 ايەلى, 500 بالاسى بار بيلەۋشى

قازىرگى ۋاقىتتا كوپ ايەل الۋ ۇدەرىسى قايتا جاندانىپ جاتىر. كەي-كەيدە عالامتوردان تورت-بەس ايەلى بار اتقامىنەر ازاماتتاردى كورىپ قالساڭىز, بەت شىمشيتىنىڭىز انىق. ول تۇك ەمەس ەكەن. كامەرۋنداعى بافۋ دەگەن ايماقتىڭ بيلەۋشىسى ءابۋمبيدىڭ ءىى 100 ايەلى بار بولىپ شىقتى دەپ جازادى qamshy.kz اقپارات اگەنتتىگى.

كوپ ايەل الۋشىلىق كامەرۋندا زاڭمەن شەكتەلگەن. ءبىراق بۇل تىيىمدار بافۋ دەپ اتالاتىن كىشىگىرم ايماقتىڭ كورولىن الاڭداتپايتىن سياقتى. ءجۇز ايەل!

بارلىعىن الىپ قاشان ۇلگەرىپ ءجۇر دەگەن سۇراق تۋادى وزدىگىنەن. سويتسەك, ماسەلە ءبىز ويلاعاننان وڭايلاۋ ەكەن. اتالمىش ايماقتا اكەدەن بالاعا مۇرا بولىپ, تاق پەن مال-مۇلىكتەن بولەك ايەل دە قالادى ەكەن. ياعني, اكەسىنىڭ ۇلكەندى-كىشىلى بارلىق ايەلى مۇراگەردىڭ ايەلىنە اينالادى.

ابۋمبي ءىى اكەسى قايتىس بولعاننان كەيىن ءوزىنىڭ بىرنەشە جۇبايىنا قوسا اكەسىنىڭ 72 ايەلىنىڭ جاۋاپكەرشىلىگىن جۇكتەدى. ايەلدەرىنىڭ جاستارى ءارتۇرلى بولعانىمەن, ولار ءوزارا وتە تاتۋ تۇرادى. ۇلكەندەرى كىشىلەرىنە ءداستۇر جارعىلارىن ۇيرەتىپ, اقىل ايتىپ جۇرەدى. ال كىشىلەرى شەت تىلدەردى مەڭگەرىپ, ۇلكەندەر ايتقانىمەن مۇلتىكسىز ءجۇرىپ-تۇرۋعا تىرىسادى.

"اربىر جەتىستىككە جەتكەن ەر ادامنىڭ ارتىندا كەمەڭگەر ايەل تۇرادى. جانە ول جالعىز بولماۋى كەرەك. ءبىزدىڭ سالتىمىز بويىنشا, ۇلكەن ايەلدەر تەك كىشىلەرگە اقىل ۇيرەتىپ قانا قويماي, كۇيەۋىمىزدىڭ ناعىز كورول بولۋىنا كومەك جاسايدى", - دەيدى ءابۋمبيدىڭ ءىى ءۇشىنشى ايەلى جۋرناليستكە بەرگەن سۇحباتىندا.

بافۋ بيلەۋشىسى دە ءوزىنىڭ وسىنشاما تىلەكشىسى مەن قامقورشىسى, قىزمەت قىلار جۇبايلارى بار ەكەنىنە قۋانىشتى.

"مەنىڭ ماقساتىم – ەسكى داستۇرلەردى ساقتاپ, زاماناۋي قۇندىلىقتاردى ىشكەرىلەندىرۋ", - دەيدى ابۋمبي ءىى.

ايتا كەتەيىك, ونىڭ تاربيە بەرۋ جاۋاپكەرشىلىگىندە ءوزىنىڭ كىندىگىنەن, الگى 100 ايەلدىڭ قۇرساعىنان تاراعان 500 بالاسى بار.

دەرەككوز: microsoft news

اۋدارعان: ادىلەت مادەنيەت