• usd 468.56

  • eur 497.56

  • rub 7.3

  • cny 67.18

29 ناۋرىز, 11:38:13
الماتى
+35°

06 مامىر, 2019 car news

نەگە كولىكتىڭ قۋاتىن ات كۇشىمەن ولشەيدى؟

"؛ات كۇشى"؛ تەرمينى اۆتوموبيلدەر ءوندىرىسى قولعا الىنعاننان بەرى ارا-تۇرا قولدانىلا باستاعان.

ات كۇشى – بۇل ءبىر سەكۋندتا 30,48 سم بيىكتىككە 247,5 كەلى سالماقتى كوتەرۋ ەنەرگياسى. xix عاسىردىڭ سوڭىندا شوتلاند ينجەنەرى دجەيمس ۋاتت (1736—1819) ءوزى قۇراستىرعان بۋ قوزعالتقىشىنداعى سۋ اينالىمىنىڭ قۋاتىن ولشەۋگە ات كۇشىن الادى. سەبەبى قوزعالتقىشقا دەيىن سۋ تارتۋ جۇمىستارىندا جىلقىلار پايلانىلاتىن بولعان.

دجەيمس ات كۇشىن انىقتاۋ ماقساتىندا بىرنەشە جىلقىنى تاجىريبەدەن وتكىزەدى. سونىمەن ورتا قۋاتتى جىلقى مۇمكىندىگىنشە ءبىر مينۋتتا 67,5 كەلىنى 66,7 مەترگە جەتكىزە الىپتى. وسىلاي ءبىر اتتىڭ كۇشى سەكۋندىنا 745,2 دجوۋل ەسەبىنە تەڭەستىرىلەدى.

"ات كۇشى" تەرمينى اۆتوموبيلدەر ءوندىرىسى قولعا الىنعاننان بەرى ارا-تۇرا قولدانىلا باستاعان. قازىرگى كەزدە دە كولىك نەمەسە اۆياسيا قوزعالتقىشتارىنىڭ قۋاتىن انىقتاۋ ءۇشىن قولدانىلىپ كەلەدى. ورتا قۋاتتى كولىكتىڭ قوزعالتقىشى ساعاتىنا 80 شاقىرىم جىلدامدىققا جەتۋى ءۇشىن كەم دەگەندە 20 ات كۇشىنە يە بولۋى كەرەك.

كولىك ءوندىرىسى ىلگەرىلەپ دامي باستاعان كەزدە, العاشقى تولىققاندى جۇمىس ىستەيتىن بەنزيندى قوزعالتقىشتى كارل بەنس پەن گوتتليب دايملەر ويلاپ تابادى. وزدەرىنىڭ اتسىز جۇرەتىن ارباسىن قۇراستىرعاننان كەيىن بەنس پەن دايملەر ەكى بولەك جۇمىس ىستەي باستايدى. ەكەۋى دە ىشتەن جانعىش قوزعالقىشتاردى ارى قاراي دامىتىپ, كولەمىن دە ءبىرشاما كىشىرەيتە الدى.

بەنس ءوزىنىڭ ءۇش دوڭگەلەكتى كولىگىن 1885 جىلى, ال دايملەر ءتورت دوڭگەلەكتى كولىگىن 1887 جىلى شىعارادى. دەگەنمەن ولار العاشقىدا ات كۇشىمەن ولشەنبەدى. سەبەبى بۋ قوزعالقىشىنىڭ تەحنولوگياسى ەكى نەمىس وتەرتاپقىشىنىڭ جاساعان قۇرىلىمىنان مۇلدە وزگەشە بولاتىن. دەگەنمەن, بۇعان دەيىن 1826 جىلى لوندوندىق سامۋەل براۋن بەنزين قوزعالتقىشىنا شامالاس بولاتىن قۇرىلعىمەن جۇرەتىن كولىكتى شىعارىپ, ونىڭ قۋاتىن 4 ات كۇشىنە تەڭەگەن. ودان كەيىن دە اتالعان تەرمين ءبىرشاما ۇمىتىلىپ, قولدانىستان شىعىپ ءقالادى.

بىراق نە بولعانمەن العاشقى قوزعالتقىشتى قۇراستىرۋشىلاردىڭ يدەياسى كەيىن قولداۋعا يە بولىپ, “ات كۇشى” كولىك قۋاتىنىڭ ءبىر ولشەمى رەتىندە تىركەلەدى.

دەرەككوز: ماسساگەت

ۇسىنعان: ادىلەت مادەنيەت

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر