جىلاعان بالانى جۇباتۋ ءتاسىلى

كىشكەنتاي بالالاردىڭ ءبىر نارسەگە كوڭىلى تولماعاندا, ۇيقىسى كەلگەندە, قارىنى اشقاندا, قورىققاندا جەر تەپكىلەپ جىلايتىنى بالا وسىرگەن كەز-كەلگەن اتا-اناعا تانىس جاعداي بولار. مۇندايدا بارىنەن مازا كەتەدى. ەركەلەتىپ, ءتاتتى بەرىپ جۇباتپاق بولسا دا, ۋانباعان بالاعا كوپشىلىگى قارسى ايقايلاپ جاتادى.

جىلاپ جاتقان بالاعا ايقايلاۋ – ەڭ تومەنگى جانە زياندى ءتاسىل. دۇرىسى – بۇل ادىستەن باس تارتۋ, اشۋىڭىزدى اۋىزدىقتاپ ۇستاۋ. ەگەر ءسىز ايقايلاي بەرسەڭىز, بالاڭىزدىڭ ەركىندىگى ازايىپ, جاسقانشاقتىعى باسىم بولماق.

بىز عالىمداردىڭ ءتۇرلا تاجىريبەلەر ارقىلى دالەلدەگەن كەلەسى ءتاسىلىن سىزگە ۇسىنباقپىز. ايتۋلارىنشا, بۇل ءادىستى قولدانساڭىز, ەشكىمدى تىڭداماي جىلاپ جاتقان ءسابي العاشقى سەكىندتا-اق جۇبانا قويادى ەكەن.

بىز كوپشىلىگىنە بالاعا قاراۋدى ۇمىت قالدىرامىز. اناسى اس بولمەدە تاماق دايارلاپ نەمەسە تەلەفونمەن سويلەسىپ دەگەندەي, بالاعا نازار سالماي قويادى. اكەسى بولسا دا كەشكە ءبىر-اق كەلەدى. ونىڭ دا بالا قاراۋعا مۇرشاسى بولا قويۋى ەكىتالاي.

وزىن جالعىز سەزىنگەن بالا ايقايعا باسادى. وكسىپ جىلاعان بالانىڭ دا بار سۇرايتىنى وزىنە نازار اۋدارۋ شىعار مۇمكىن؟!

ەگەر بالاڭىز قاتتى جىلاپ جاتسا, ونىڭ جانىنا كەلىپ, قۇشاقتاپ نەمەسە ارقاسىنا قولىڭىزدى قويىپ, كوزىنە تۋرا قاراڭىز. مەيىرىممەن! ماحابباتپەن!

مىنە, وسى كەزدە الگى ۋانباي جاتقان كىشكەنتايىڭىز جىلاعانىن ساپ قويادى. ءاربىر وتباسى, ءاربىر ءسابي باقىتتى بولۋعا ءتيىس.