قىزمەتكەرىن جۇمىستان قۋمايتىن جاپوندىق جۇيە — كايدزەن

qamshy.kz اقپارات اگەنتتىگى الماتىداعى kaizen ورتالىعىنىڭ جۇمىسى جايلى كوپ سەريالى ماقالالار بەرۋدى قولعا الدى. اتالمىش ورتالىقتىڭ باستى ميسسياسى – كايدزەن تۇسىنىگىنىڭ كەڭىرەك تارالىپ, قولدانىسقا ەنۋىنە سەپتىك ەتۋ.

قازاقستاندا "كايدزەن جوسپارلاۋدىڭ" نەيمبرەندينگى سوڭعى جىلدارى قارقىندى دامۋدا. ءىرى كومپانيالار, ءتۇرلى ۇيىمدار وسى باعىتقا بەت بۇرىپ, الەمدىك تاجىريبەدە باسشى مەن جۇمىسشىعا وراسان زور مۇمكىندىك سىيلاعان جوبانى تاجىريبەدە سىناپ كورۋدە.

"كايدزەن" ءسوزىنىڭ جالپى فيلوسوفياسى جاپون حالقىنىڭ ۇستانىمى ىسپەتتى. "كاي" ءسوزى جاپون تىلىندە "وزگەرىس" دەگەندى بىلدىرسە, "دزەن" ءسوزى "جاڭاشىلدىققا" دەگەن ماعىناعا سايادى. دەمەك, "كايدزەن جوسپارلاۋ" تەحنولوگياسىنىڭ نەگىزگى مۇددەسى – قوعامدىق باسقارۋدىڭ, ارىپتەستىك قارىم-قاتىناستىڭ جاڭاشىلدىققا باعىت الۋ, وزگەرۋ يدەولوگياسىن قولدانىسقا ەنگىزىپ, تاجىريبەدە قولدانۋ.

قىزىق!

كايدزەن فيلوسوفياسى ەجەلگى جاپون حالقىنىڭ جۇمىسقا دەگەن كوزقاراسىمەن ۇشتاسىپ جاتىر. ەستىگەن دە بولارسىز, بالكىم؟! جاپون ازاماتتارى ءبىر جۇمىس ورىنىندا ءومىر بويى جۇرە بەرۋگە دايىن. ويتكەنى, ولاردىڭ ۇردىسىندە جۇمىستى ءجيى اۋىستىرۋ تۇراقسىزدىق قاسيەتى دەپ ەسەپتەلەدى.

جاپوندار ۇعىمى جانە «كايدزەن» فيلوسوفياسى

كۇن شىعىس ەلىنىڭ ازاماتتارىنا ءبىر جۇمىسقا كىرىسكەننەن كەيىن ونى ەڭ بيىك شىڭعا شىعارۋ – ومىرلىك مۇددە. مۇمكىن, ءسىز تاماشا تابىسى بار قىزمەت اتقارماسسىز, ءبىراق وزىڭىزگە ءلاززات سىيلايتىن ىسپەن اينالىساسىز. دەمەك, شاعىم ايتۋعا قۇقىعىڭىز جوق. مىنە, وزدەرىن جۇمىسقا دەگەن وسىنداي كوزقاراستارى ارقىلى ولاردىڭ مەنتاليتەتى الەمگە ۇلگى بولارلىق دەڭگەيدە.

كايدزەن تەحنولوگياسى ءاربىر ءىستى ءوز مامانى جوعارى دارەجەدە اتقارىپ وتىرۋدى تالاپ ەتەدى. اسىرەسە بيزنەستەگى ىسكەرلىك ۇدەرىستەردى تياناقتى اتقارىپ وتىرۋعا تاپتىرماس تەحنولوگيا. سونىمەن قاتار, كايدزەن تەك جۇمىس بارىسىندا ەمەس, قىزمەتكەردىڭ جەكە ءومىرىنىڭ قۇقىقتارىن بۇزباۋعا, ناقتى ۋاقىتقا جۇمىس جاساۋعا باعىتتالادى.

كايدزەننىڭ باستى 5 قاعيداسى

كايدزەن تەحنولوگياسىنىڭ نەگىزگى فيلوسوفياسى تومەندەگىدەي بەس ەلەمەنتتەن تۇرادى:

جيناقى جانە مۇقيات بولۋ؛

بىرىزدىلىك (رەتتىلىك)؛

تازالىق؛

ستاندارتتى جۇيە؛

قارىم-قاتىناس.

كايدزەن يدەياسى مەنەدجەرلەر اراسىندا كەڭىنەن تانىمال. كايدزەن يدەياسى ارقىلى  toyota سىندى ءىرى كومپانيا جەتىستىكتىڭ شىڭىنا جەتىپ وتىر. كايدزەن ارقىلى قىزمەت اتقارعان ءتۇرلى كومپانيالاردىڭ تاريحى مەن بۇگىنگى تارتىپتەرى تۋرالى, جەتكەن جەتىستىكتەرى مەن قاتەلىكتەرى تۋرالى ورىس تىلىندە ءبىرقاتار ەڭبەكتەر دە بار. اسىرەسە ورىس تىلىندە جارىق كورگەن كەلەسى ەكى كىتاپتىڭ الار ورىنى بولەك:

"كايدزەن: جاپون كومپانياسىنىڭ جەتىستىككە جەتۋ كىلتى", ماسااكي يماي

"گەمبا كايدزەن: شىعىندى ازايتىپ, ساپانى ارتتىرۋدىڭ جولى", ماسااكي يماي

كايدزەن جۇيەسى مەن فيلوسوفياسى

وزگەرىستەر ءتىزىمى

كايدزەنگە سۇيەنسەك, شىعىن مەن ۋاقىت ءولتىرۋدى ازايتىپ, جۇمىس ساپاسى مەن ەڭبەك ونىمدىلىگىن ارتتىرۋ ءۇشىن وسى كەدەرگىلەردىڭ قايدان باستاۋ الىپ تۇرعانىن انىقتاۋ كەرەك.

جۇمىس جىلدامدىعىن ارتتىرۋ ءۇشىن ءبىرقاتار دۇنيەلەردەن دە باس تارتۋعا تۋرا كەلۋى مۇمكىن. مىسالى, ءسىز ەلەكتروندى پوشتاڭىزدى كۇنىنە 20 مارتە تەكسەرەتىن بولساڭىز, ونى ناقتى ءبىر ۋاقىتتاردا تاۋلىگىنە 2-3 رەت تەكسەرۋگە داعدىلانۋ قاجەت.

جوسپارلاۋ جانە ءتارتىپ

ادامنىڭ ۇيقىدان ويانعاننان كەيىنگى ەكى-ۇش ساعات ۋاقىتى – ەڭبەك ونىمدىلىگى دارەجەسىنىڭ جوعارى بولاتىن كەزەڭى. وسى ۋاقىتقا ەڭ ماڭىزدى دۇنيەلەردى شارت ەتىپ قويۋ كەرەك. ءبىرىنشى كەزەكتە جانە ودان كەيىن جاسالاتىن دۇنيەلەردى جوسپارلاپ, سول بويىنشا جۇرۋگە تىرىسۋ – كايدزەن تالاپ ەتەتىن ەڭ ءبىرىنشى ءتارتىپ.

ال جۇمىس ءتارتىبىن جازىپ جۇرۋگە جانە ۋاقىتپەن ساناسۋعا يكەمدەلۋ – زامان اعىمىنا يكەمدەلۋ دەسەك تە بولادى.

تازالىق, رەتتىلىك ءھام بىرىزدىلىك

كايدزەن يدەياسىنا سۇيەنسەك, ادام جۇمىستان ءلاززات الىپ, ءوزىنىڭ ماڭىزدى شارۋا تىندىرعانىن سەزىنۋى شارت. سونىمەن قاتار, تازالىقتى, بىرىزدىلىكتى قالىپتاستىرۋى كەرەك.

مىسالى, جۇمىس ۋاقىتى اياقتالعاننان كەيىن جاي عانا جۇمىس ۇستەلىڭىزدىڭ ءۇستىن رەتكە كەلتىرىپ, كومپيۋتەرىڭىزدەن كەرەكسىز قۇجاتتاردى ءوشىرىپ, بارلىعىن ءبىر جەرگە توپتاستىرساڭىز, كەلەسى جۇمىس كۇنىڭىزگە قاجەتتى ءبىرشاما ەنەرگيا جيناقتايسىز.

جۇمىس ستاندارتى

جۇمىس ستاندارتىنا قاتاڭدىق ەنگىزۋ ارقىلى ءوندىرۋشى تاراپ تاۋار ساپاسىن ارتتىراتىنىنا سەنىمدى. ال جاپون كاسىپكەرلەرى بۇل قاعيدانى بۇزۋدان قورقادى, ءتىپتى. ولاردىڭ بار ارمان-مۇددەسى – تاۋار قاپتاماسىندا "جاپونيادا جاسالعان" دەگەن جازۋ كورىنگەندە تۇتىنۋشىنىڭ ساناسىندا تاۋاردىڭ ساپالى ەكەندىگىنە كۇمان قالدىرماۋ.

pdca , sdca دامۋ سيكلى

plan (جوسپارلاۋ) / standard (ستاندارتتاۋ, بىرىزدىلىك)

do (ورىنداۋ, اتقارۋ)

check (تەكسەرۋ, قاداعالاۋ)

act (دامىتۋ)

كايدزەن جۇيەسىمەن ادامداردى باسقارۋ

جاپون مادەنيەتىندە اتقارۋشى جانە تومەنگى ساناتتاعى قىزمەتكەرلەرگە دەگەن قۇرمەت وتە جوعارى. ولارعا باسشىلىق تاراپىنان ءتۇرلى قولداۋلار مەن جىگەرلەندىرەتىن سوزدەر جولدانىپ, ماتەريالدىق تا كومەك بەرىلىپ تۇرادى.

مەنەدجمەنتتىڭ بۇل ءتاسىلى باسقا ادىستەرگە قاراعاندا جوعارى ناتيجە كورسەتەدى. ويتكەنى, وزگە تاراپتاردان قولداۋ كورگەن قىزمەتكەردىڭ ءوز جۇمىسىنا دەگەن قىزىعۋشىلىعى ويانىپ, ءوزىن-وزى دامىتۋعا تىرىسادى.

قىزىق ءارى پايدالى!

كايدزەن يدەياسىندا قىزمەتكەر قاتەلىگى ءۇشىن جازالانبايدى, كەرىسىنشە ودان ساباق الادى. دەمەك, ءسىزدىڭ جۇمىس ورىنىڭىز كايدزەن جوسپارلاۋ باعىتىندا بولسا, سىزگە جۇمىستان قۋىلۋ, قاتاڭ سوگىس الۋ, جالاقىدان ايىپپۇل الىپ قالۋ سىندى قاتەرلەر تونبەيدى.

كايدزەن ءاربىر ۇيىمدا, ءاربىر ورتادا قيىندىقتار مەن ماسەلەلەر بار ەكەندىگىن مويىندايدى. جانە سول كەلەڭسىزدىكتەردىڭ بولعانىن دۇرىس دەپ سانايدى. كورىنگەن قاتەلىكتى تۇزەۋگە بولادى. ال كوزگە كورىنبەگەن تۇيتكىل ورعا جىعۋى مۇمكىن.

كايدزەن – بۇل ەكونوميكالىق ماقساتتاردى قاداعالاۋمەن عانا جۇمىس جاسايتىن جۇيە ەمەس, قوعامدىق ساۋالداردى شەشىپ, جۇمىس پەرسونالىنىڭ تەڭ قۇقىعىن ساقتاۋعا كومەكتەسەتىن جانە مىندەتتەردى ناقتىلاپ, بىرىزدىلىككە قويىپ بەرەتىن جۇيە.

كايدزەن – اقشا مەن بيزنەستە عانا جۇرەتىن جۇيە ەمەس. كايدزەن – شەبەرلىكتى, ىسكەرلىكتى, تاتۋلىقتى, ۋاقىتتى باعالايتىن جۇيە.

اتالمىش جۇيە تۋرالى qamshy.kz جازعان وزگە دە ماتەريالداردى وقي وتىرىڭىز:

1. نۇرعالي قاناتۇلى: ءبىز قازاققا كايدزەننىڭ جات ەمەس ەكەنىن دالەلدەدىك

2. ورازاعا كايدزەن ادىسىمەن دايىندالۋ

3. جەلدەتكىش زاۋىتىنداعى كايدزەن جۇيەسى: بونۋس بەرەتىن بەرەكەلى بيزنەس

4. كايدزەن ورتالىعىنا كىردىڭ – عاجايىپقا ساپار شەكتىڭ (فوتورەپورتاج)

5. كايدزەننىڭ 6 قاعيداسى. جاپوندار ءومىرىن قالاي جەڭىلدەتتى؟

6. "وبەيا بولمەسى"— بيزنەستە ۋاقىتتى ءتيىمدى پايدالانۋدىڭ جولى

7. قازاقستاندىق كاسىپكەرلەردى جەتىستىككە جەتەلەگەن ەرەكشە ءادىس