تەڭىز جاعاسىنداعى ۇيدەن ميلليوندار تاپقان كاسىپكەر

بىزدىڭ قوعامداعى "مۇمكىندىك جوق" دەپ كوز جاسىن كولدەتىپ جۇرگەندەر ءۇشىن ۇلگى بولسىن.

دميترييدىڭ ءۇيى تەڭىزدىڭ ءدال جاعاسىندا ورنالاسقان. كوبىگى بۇرقىراپ, تولقىندارى تۋلاپ جاتقان تەڭىزگە قاراي 240 مەتر جۇرسەڭىز تابانىڭىز سۋعا تيەدى. ءدميترييدىڭ ءۇيىنىڭ ماڭىندا جەكە باسپانالار جوق. بارلىعى ۇلكەن قوناق ۇيلەر مەن الپاۋىت دۇكەندەر, مەيرامحانالار.

وڭتۇستىك جاقتا جەر تەلىمىنىڭ باعاسى تەڭىزگە جاقىنداعان سايىن قىمباتتاي تۇسەدى. دميتريي ءوزىنىڭ يەلىگىندەگى جەر تەلىمى مەنۇيدى مۇراعا الىپ قالعان. ال ەگەر بۇل جەردى ساتىپ الار بولسا, وندا ءاربىر سوتىعىنا 2,5 ميلليون رۋبلدەن 5 ميلليون رۋبلگە دەيىن تولەۋگە تۋرا كەلەر ەدى. تەڭىزدەن ءجۇز مەتر عانا الشاقتىقتا ورنالاسقان جەرلەردىڭ سوتىعىنا, ءتىپتى, 20 ميلليون رۋبلگە دەيىن سۇرايدى.

جەر تەلىمىنىڭ تەڭىزدەن الشاقتىعىنا قوسا, ونىڭ ساپاسى مەن قولدانۋ اياسىنىڭ كەڭدىگى ۇلكەن ءرول وينايدى. جەر كاتەگوريالارىنىڭ سانى – جەتەۋ, ال قولدانۋ كەڭدىگىنىڭ تۇرلەرى 3000-نان اسىپ جىعىلادى. بۇل مالىمەتتەردىڭ, تالاپتاردىڭ بارلىعى ەكونوميكا جانە دامۋ مينيسترلىگىنىڭ بۇيرىعىندا جازىلعان.

ادەتتە جەر تەلىمدەرىن ءۇش كاتەگوريا بويىنشا ساۋدالاپ جاتادى. ولار:

جەكە باسپانا سالۋ ءۇشىن؛

كوممەرسيالىق ەمەس ساياجاي سالۋ ءۇشىن؛

كوممەرسيالىق ەمەس باقشا سەرىكتەستىگىن سالۋ ءۇشىن.

جەر تەلىمىن ساتىپ الىپ, ءۇي سالىپ, ونى تۋريستەرگە جالعا بەرۋ ءۇشىن سىزگە ءبىرىنشى كاتەگوريا قاجەت. ال ەكىنشى جانە ءۇشىنشى كاتەگوريالاردىڭ يەلەرى كوبىنە جەكەجاي سالىپ, سول جەردە كوكونىستەر مەن جەمىستەردى وسىرۋمەن اينالىسادى.

بىرىنشى كاتەگوريا ارقىلى دا تابىس تابۋ وڭاي ەمەس. تالاپ بويىنشا, بۇل جەردە سالىنعان ءۇيدىڭ بيىكتىگى ءۇش قاباتتان اسپاۋى ءتيىس جانە بۇل جەردە تەك ءبىر عانا وتباسى ءومىر ءسۇرۋى شارت. سوندىقتان, قۇجاتتار بويىنشا دۇرىس جۇمىس جاساپ, تۇراقتى تىركەۋدەن وتكىزەتىن باسپانا رەتىندە تىزىمگە قويعان ءجون.

بىرىنشى كاتەگوريانى كوممەرسيالىق باعىتتاعى نىسان رەتىندە وزگەرتۋگە بولادى. مىسالى, تۋريستەرگە قىزمەت كورسەتەتىن نەمەسە قوناق ءۇي تيپىندەگى عيمارات دارەجەسىندە. بۇل ءىستىڭ بىرنەشە قوراپ قۇجاتى مەن الاتىن ۋاقىتى, ودان بولەك ءوز شىعىندارى بار. دەگەنمەن, بۇل دۇنيەنى دە ىسكە اسىرۋعا ابدەن بولادى. وسى سەبەپتەرگە سايكەس ءبىرىنشى كاتەگورياداعى جەر تەلىمدەرى ەكىنشى مەن ۇشىنشىگە قاراعاندا, الدەقايدا قىمبات تۇرادى.

بۇل ايماقتاعى ۇيلەردىڭ دە ءوز تاريحى بار. جەر تەلىمدەرىن جيىرما جىلدان بۇرىن سالىنعان باسپانالارمەن بىرگە ساتاتىندار تابىلادى. بوس تيپتەگى ۇيلەردىڭ جوندەۋ جۇمىستارىمەن, ەلەكتر جەلىسىمەن جانە كارىز جۇيەسىمەن وزىندىك ماسەلەلەرى بار. سوندىقتان, ەسكى ءۇيدى سىرىپ تاستاپ, ورىنىنا جاڭا نىسان تۇرعىزعان ابزالىراق. ادلەردە جاڭا ۇيلەردى ءتۇرلى بلوكتار مەن كىرپىشتەن تۇرعىزادى. ەڭ ارزانى 3-4 ميلليون ءرۋبلدى, قىمباتى 20-40 ميلليون ءرۋبلدى شىعىندايدى.

دميترييدىڭ ءۇيى تولىعىمەن اعاشتان تۇرعىزىلعان. مۇنداي ءۇيدى 5-6 ميلليون رۋبلگە سالۋعا بولادى.

دميتريي 800 000 ءرۋبلدى نىسان شىعىندارىنا جۇمسادى

دميتريي قوناق ءۇيدى اشار الدىندا عيماراتتى جوندەۋدەن وتكىزدى جانە ونىڭ ىشكى, سىرتقى جاعدايىن جاسادى. جوندەۋ جۇمىستارىن ءوز كۇشىمەن اتقارىپ, سونىڭ ارقاسىندا 200 مىڭ رۋبل كولەىندەگى قاراجاتتى ۇنەمدەپ قالدى.

ىشكى جانە سىرتقى جاعدايلاردى قامتاماسىز ەتۋ ءۇشىن 800 مىڭ رۋبل جۇمسالدى. دميتريي بولمەلەرگە جيھازدار, تەحنيكالار, جاتىن ورىندارىن, كارىز جۇيەلەرىن جانە وزگە دە قاجەتتىلىكتەردى ساتىپ الدى. قوناقتار وزدەرىنە اس دايىندايتىن جانە كيىم جۋاتىن ورىنداردى جالپىعا ورتاق ەتىپ قويدى. جەتكىزۋ قىزمەتىنەن ۇنەمدەۋ ءۇشىن قاجەتتىلىكتەردىڭ كورشىلىگىن ول جەرگىلىكتى وندىرۋشىلەردەن ساتىپ الدى. ال قالعانىن "يكەادان" ساتىپ الدى.

كىرىستەر

دميترييدىڭ قوناق ۇيىندە التى بولە جانە جالپىعا ورتاق اسحانا بار. ەڭ ۇلكەن جانە قىمبات نومەر ءتورت ادامعا ارنالعان. ونىڭ ىشىندە جەكە كارىز جۇيەسى مەن جەكە اسحاناسى بار. بولمەدە ەكى توسەك, ديۆان, اسحانا جيھازدارى, شكافتار بار. بۇل تيپتەگى نومەردى كوبىنە بالالارى بار وتباسىلار جالعا الادى.

قالعان نومەرلەر ءۇش ادامعا ارنالعان. ولاردا دا كارىز جۇيەسى بار, ءبىراق جەكە اسحاناسى جوق. توسەكتەر ءبىر ادامعا جابدىقتالعان. ويتكەنى, بۇل نومەرلەردە ەكى ادامدىق توسەكتى الاتىندار سيرەك كەزدەسەدى. ءار بولمەدە شكاف پەن سۋىرمالى شاعىن جيھازدار بار. وزگە جيھازداردى تۋريستەر قاجەت ەتپەيدى. ويتكەنى, ولار كۇندەرىنىڭ ۇلكەن بولىگىن جاعاجايدا وتكىزىپ, قوناق ۇيگە تەك تۇنەۋگە كەلەدى.

بولمە كولەمىنەن بولەك قوناق ءۇي باعاسىنا قوناقتار سانى دا اسەر ەتەدى. ءبىر ادامعا بولمە العان 30 پايىزعا دەيىن ارزان. ءبىراق ماۋسىم كەزىندە جالعىز-جارىم جۇرگەندەر وتە سيرەك كەزدەسەدى. كوپ جاعدايدا قوناقتار 2-3 ادام بولىپ كەلەدى. ۇنەمدەۋدىڭ تاعى ءبىر جولى – بولمەنى ۇزاق ۋاقىتقا جالعا الۋ. ەكى اپتادان ۇزاق مەرزىمگە جالعا الۋشىلارعا دميتريي 5 پايىزدان باستالاتىن جەڭىلدىكتەر جاسايدى.

قوناق ءۇي مامىر ايىنان قازان ايىنا دەيىنگى ارالىقتا جۇمىس جاسايدى. قاراشادان ساۋىرگە دەيىنگى ارالىقتا دميتريي عيماراتتى جاۋىپ تاستايدى. ويتكەنى, بۇل ارالىقتا جاعاجايعا كەلەتىن قوناقتار از. سونىمەن قاتار, اعاشتان سوعىلعان نىساندى جىلىتۋدىڭ دا ءوز قيىندىقتارى بار.

قوانق ءۇي تەك ماۋسىم جانە قىركۇيەك ايلاىنىڭ ارالىعىندا تىنىمسىز جۇمىس جاسادى.مامىر مەن قازان ايلاىندا دا كەلۋشىلەر قاراسى تىم كوپ بولا بەرمەيدى. تەڭىز ماۋسىمى ۋاقىتىندا دا ءتۇرلى كەلەڭسىزدىكتەر ورىن الىپ جاتادى. مىسالى, اۋا-رايىنىڭ قولايسىزدىعى ورىن الادى. تولىق جۇكتەمەمەن جۇمىس جاساسا, ءدميترييدىڭ قوناق ءۇيى جىلىنا 2,1 ميلليون رۋبل تابۋعا قاۋقارلى. دەگەنمەن, 2017 جىلى ول نەبارى 1,3 ميلليون رۋبل پايدا تاپتى.

كوممۋنالدىق شىعىندار

كوممۋنالدىق تولەمدەرگە كەتەتىن شىعىن كولەمى ماۋسىمعا قاراي وزگەرىپ وتىرادى. دميتريي شىلدە-ماۋسىم ايلارىندا كوممۋنالدىق شىعىندارعا 40 مىڭ رۋبلگە دەيىن تولەدى. ال ءبىر جىلدىق شىعىنداردى ەسەپتەسەك, كوممۋنالدىق تولەمدەرگە 220 000 رۋبل جۇمسالادى.

جارناما

قوناق ءۇيدىڭ جەكە سايتى جوق. ءدميترييدى قوناقتار وزدەرى ىزدەپ تابادى. ۇزىنقۇلاق قوناق ءۇي ءۇشىن قىزمەت جاساپ تۇر.

دميتريي قوناق ءۇي فوتولارىن ءتۇرلى سايتتارعا ورنالاستىرىپ قويعان.

رازى بولعان قوناقتاردان ارتىق جارناما جوق. ولار كەزكەلگەن جەردە كەز-كەلگەن ادامعا ۇسىنىس جاساي جۇرەدى. ال وسى ۇگىتتىڭ ناتيجەسىندە كەلەتىن قوناقتار ءدميترييدىڭ ەلەكتروندى پوشتاسىنا تىكەلەي جازىپ, حابارلاسا الادى. سوندىقتان, دميتريي ءاردايىم بايلانىستا بولۋعا كوڭىل بولەدى.

ۇي سىرتىنداعى تاقتايشا. وزگە قوناق ءۇي يەلەرى عيمارات سىرتىنا تاقتايشا ءىلىپ, سوندا بولمەلەر باعاسى تۋرالى, قانداي بولمەلەردىڭ بوس ەكەندىگى تۋرالى مالىمەتتەردى جاريالاپ وتىرادى.

دميتريي مۇنداي تاقتايشا ءىلۋدى جوسپارلامايدى. ويتكەنى, ونى تۇتىنۋشىلارى تاقتايشا ارقىلى ىزدەمەيدى.

ۇنەمدەۋ جولدارى

دميتريي قوناقتارىنا تاڭعى اس بەرمەيدى جانە كوپ قىزمەتكەردى جۇمىسقا المايدى. تاڭعى اس بەرۋ ءۇشىن ازىق-تۇلىك, اسپاز قاجەتتىلىگى تۋىندايدى جانە تازالىق ساقتاۋ ورگاندارىنىڭ تەكسەرىسى جۇرەدى. وسى قيىندىقتاردان قاشقان دميتريي نومەردى تاڭعى اسسىز ۇسىنادى جانە بۇل وزگە قوناق ۇيلەرگە قاراعاندا 100-200 رۋبلگە ارزان بولادى.

اكىمشىنىڭ قوناق ۇيدەگى قىزمەتى – قوناقتاردا تۋىنداعان ماسەلەلردى شەشۋ, ولارعا بولمەنى تانىستىرۋ جانە تۇندە ەسىك اشىپ تۇرۋ. ءبىراق ونىڭ ءبىر اۋىسىم قۇنى – 2000 رۋبل. دميتريي ارتىق شىعىنعا بوي الدىرماس ءۇشىن قوناق ۇيدە ءوزى ءاردايىم بولۋعا تىرىسادى. ال شۇعىل شاۋالارمەن باسقا جەرگە بارۋ قاجەت بولسا, تۋىستارىنان ءوزىن اۋىستىرا تۇرۋىن وتىنەدى.

دميتريي بولمەلەرگە تازالىق جۇمىسىن دا ءوزى جۇرگىزەدى. ەدەندى جۋۋ, تەرەزە جاقتاۋلاىن ءسۇرتىپ, توسەك جابدىقتارىن اۋىستىرۋ سەكىلدى جۇمىستار ءار قوناق بولمەنى بوساتقان سايىن مىندەتى تۇردە جۇرگىزىلەدى.

دميترييدىڭ ايتۋىنشا, بۇل جۇمىس تەك جازعى ماۋسىمدا دا عانا ءوتىمدى. ال قالعان ۋاقىتتا وزگە تىرلىكپەن اينالىسۋعا تۋرا كەلەدى. نەمەسە ءبىر جىلدىق قاجەتتىلىكتەردى وتەيتىن قاراجاتتاردى ماۋسىم كەزىندە شىعارىپ الۋ قاجەت.

دميتريي 2017 جىلعى ماۋسىمدا تەك ءتورت رەت قانا وزىنە دەمالىس جاريالاعان.

جىل بويى قوناق ۇيگە كەتكەن شىعىن – 252 000 رۋبل.

ماۋسىمعا دايىندىققا كەتكەن شىعىن – 220 000 رۋبل.

جارناما مەن كوميسسيا – 32 000 رۋبل.

ادلەردەگى كىشكەنتاي قوناق ۇيدەن 2017 جىلى تۇسكەن تازا پايدا كولەمى – 1 048 000 رۋبل.

اۋدارعان: ادىلەت مادەنيەت