23 ءساۋىر, 2019 it
samsung كومپانياسى galaxy fold مودەلىن شىعارۋدى ۋاقىتشا شەگەردى
galaxy fold مودەلى جاساۋشىلاردىڭ ءوزىن تاڭ قالدىردى ءارى ۇلكەن قىزىعۋشىلىق تۋعىزدى.
بىرشاما ۋاقىت بۇرىن samsung كومپانياسى مۇلدە وزگەشە, ەشكىمدى قايتالامايتىن ۇيالى تەلەفون جاسادى. وتە جۇقا ديسپلەي جاساۋ ءۇشىن ينووۆاسيالىق ماتەريالدار مەن تەحنولوگيالار قولدانىلدى. galaxy fold مودەلى جاساۋشىلاردىڭ ءوزىن تاڭ قالدىردى ءارى ۇلكەن قىزىعۋشىلىق تۋعىزدى.
كوپتەگەن ادامداردىڭ پىكىرىنشە, بۇل گادجەتتىڭ نارىقتا سۇرانىسقا يە بولارىنا كۇمان جوق. ال كەيبىرەۋلەر قولدانۋ مۇمكىندىگىن جاقسارتۋ ءۇشىن سمارتفوندى ءالى دە دامىتا ءتۇسۋ قاجەتتىگىن ايتادى. كەرى بايلانىستىڭ بەرەر باعاسى تولىق جاقسى بولۋى ءۇشىن samsung كومپانياسى galaxy fold ءونىمىنىڭ نارىققا, جالپى ساتىلىمعا شىعارىلاتىن ۋاقىتىن شەگەردى. قولجەتىمدى ساۋدا اينالىمىنا شىعاتىن ۋاقىت الداعى كۇندەردە بەلگىلى بولماق.
العاشقى تەكسەرۋ جۇمىستارى ديسپلەيدەن ءبىرقاتار اقاۋلار تاپتى. سىرت ءپىشىنى وتە جۇقا بولعاندىقتان, ىشكى مەحانيزمدەر ءبىرشاما قىسىلىپ قالعان. سونداي-اق, قۇرىلعىنىڭ باسقا بولىكتەرى ەكرانعا اسەر ەتەتىنى انىقتالعان.
"بىز سمارتفون ديسپلەيىنىڭ قورعانىسىنا تاعى دا كۇش سالامىز. سونىمەن قاتار, قولدانۋشىلارعا ەكراندى قورعايتىن قوسىمشا قورعانىش جاپسىرماسىن پايدالانۋدى ەسكەرتەمىز", - دەلىنگەن كومپانيا مالىمدەمەسىندە.
تۇتىنۋشىلار سەنىمى – كومپانيانىڭ ەڭ باستى قۇندىلىعى. كومپانيا قىزمەتكەرلەرى ءوز تۇتىنۋشىلارىنا ءاردايىم دامۋ ۇدەرىسىندە بولاتىندارىن, ساپالى ءونىم شىعارۋعا تىرىساتىندارىن جەتكىزدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر