ەلىمىزدەگى ءاربىر بەسىنشى اۆتوكولىك ايەل ادامعا تيەسىلى

2019 جىلدىڭ العاشقى ءۇش ايىندا قازاقستان رەسپۋبليكاسىندا 280 892 اۆتوكولىك تىركەلگەن. ەكىنشى رەتتىك تىركەلگەن تەمىر تۇلپارلار ۇلەسى بارلىق تىركەۋدىڭ 94 پايىزىن قۇرايدى. ال ءبىرىنشى رەت نارىققا شىققالى وتىرعان كولىكتەردەگى ەڭ سۇرانىسقا يە ءتۇس – اق, سۇر جانە قارا.

قازاقستان اۆتوبيزنەس اسسوسياسياسىنىڭ مالىمەتىنشە, ۇستىمىزدەگى جىلدىڭ العاشقى كۆارتالىندا ءىىد تىركەگەن اۆتوكولىكتەر سانى 280 892-گە جەتكەن. بۇل ساننىڭ ىشىنە جەڭىل كولىك, جۇك كولىگى, اۆتوبۋستار, موتوتەحنيكالار جانە تىركەمەلەر كىرەدى. سالىستىرمالى تۇردە قاراساق, بۇل كورسەتكىش 2018 جىلدىڭ العاشقى ءۇش ايىمەن سالىستىرعاندا 8,1 پايىزعا وسكەن.

ەكىنشى رەت تىركەلگەن تەحنيكالار سانى – 264 398 (94,13 پايىزى). بارلىق تىركەلگەن ترانسپورتتىڭ جارتىسىنا جۋىعىنىڭ جاسى 20-دان اسىپ كەتكەن. (118 594).

10-20 جاس ارالىعىنداعى كولىكتەردىڭ ۇلەس سالماعى – 71 590. 3-10 جاس اراسىنداعى كولىكتەر سانى – 65 866. 3 جاسقا دەيىنگى جاڭا كولىكتەر سانى – 24 772, ونىڭ ىشىندە 15 444 اۆتوكولىك ءبىرىنشى رەت تىركەلگەن.

ى كۆارتالداعى ءبىرىنشى رەت تىركەۋگە تۇرعان كولىكتەر سانى وتكەن جىلمەن سالىستىرعاندا, ءبىرشاما قۇلاعان. 2019 جىلى تىركەلگەن جاڭا كولىكتەر سانى – 16 394. 2018 جىلى تىركەلگەن جاڭا كولىكتەر سانى – 16 494. 100 كولىك ايىرماشىلىعى پايىزدىق كورسەتكىشكە ءبىراز اسەر ەتتى.

ەكىنشى رەتتىك نارىقتى قوسا ەسەپتەگەندە قازاقستاندا ساتىلىم جونىنەن جەڭىل كولىكتەر كوشىن toyota ماركاسى باستاپ تۇر. ءدال وسى ماركانىڭ ءتۇرلى مودەلدەرىنەن العاشقى ءۇش اي ىشىندە 41 671 كولىك ساتىلعان. ەكىنشى ورىندا - lada (ۆاز) – 39 353. ۇزدىك ۇشتىكتى 20 934 ساتىلىم مولشەرىمەن volkswagen تۇيىندەدى.

مودەلدەر تەكەتىرەسى

قازاقستانداعى كەز-كەلگەن جىلدا شىققان جالپى مودەلدەر اراسىندا toyota camry كوش باستاپ تۇر. ساتىلىم مولشەرى – 16 691.

90-جىلدارى شىققان volkswagen passat (9081) ەكىنشى ءورىندا.

ۇشىنشى ورىن volkswagen – golf (5 863) مودەلىنە بۇيىردى.

ال بەستىكتى daewoo nexia (5 349), audi 100 (5 098) مودەلدەرى تۇيىندەپ تۇر.

قالالار باسكە ءتۇستى:

1. الماتى وبلىسى – 42 295
2. الماتى ماڭى ايماقتارى (قالا) – 35 247
3. تۇركىستان وبلىسى – 26 989

قالالارداعى جاڭا كولىكتەردىڭ ۇلەس سالماعى:

1. الماتى – 3 346
2. نۇر-سۇلتان – 2407
3. اتىراۋ وبلىسى – 1349

ەسكەرتۋ!

اتالعان سانداردىڭ بارلىعى كەز-كەلگەن جولمەن (سىيعا, جالعا بەرۋ) تىركەلگەن اۆتوكولىكتەردىڭ قوسىندىسى.