galaxy s10 ۇيالى تەلەفونىنىڭ ەكو-قورابى نەدەن جاسالعان؟

samsung electronics كومپانياسى galaxy s10 مودەلىنە پلاستماسسا مەن ۆينيل ماتەريالدارىن قوسپاي, ەكولوگيالىق ءقاۋىپسىز زاتتاردان قاپتاما قوراپ جاساپ شىعاردى.

سمارتفون قورابى جانە ونى قۇرايتىن زاتتار قايتا وڭدەۋدەن وتكەن ماتەريالداردان جاسالعان. باستى ارتىقشىلىعى – سىرتقى قۇبىلىستارعا بەيتاراپ اسەر كورسەتۋ.

بىراز ۋاقىت بۇرىن ۇيالى تەلەفوندار قورابى قاپتاما, ىشكى قوراپتار جانە نەگىزگى بولىمنەن تۇراتىن. ال galaxy s10 سمارتفونىنىڭ قورابى نىعىزدالعان قاعازدان جاسالعان امبەباپ تۇردە. سونىمەن قاتار, قوراپ ىشىندە قۋاتتاعىش پەن باسقا دا اكسەسسۋارلارعا ورىن قاراستىرىلعان.

پلاستماسسالى استار قاعاز ماتەريالدارمەن الماستىرىلعان. ال قۋاتتاعىش جىلتىر قالپىن كۇڭگىرت تۇرگە اۋىستىرىپتى. سونداي-اق, بىرنەشە جىلدار بويى شىعىپ كەلە جاتقان سمارتفوندى سوققىدان قورعاۋ فۋنكسياسىن اتقاراتىن پلاستماسسا جاپسىرما دا الىنىپ تاستالدى.

samsung electronics كومپانياسى ءوز ونىمدەرىندە ەكولوگيالىق تازا ءارى ءقاۋىپسىز ماتەريالداردى پايدالانۋ شەڭبەرىن ارتتىرىپ كەلەدى. العاش رەت 2013 جىلى ءجۇز پايىز قايتا وڭدەلگەن, ەكىنشى رەتتىك پايدالانىلۋعا ۇسىنىلعان قاعاز شيكىزاتتارىنان جاسالعان ءونىم جارىققا شىقتى. ال 2015 جىلى اتالعان دۇنيەنىڭ ديزاينىنا كوڭىل بولە باستادى.

2017-2018  جىلدارى كومپانيا سمارتفون قورابىن دا نىعىزدالعان قاعازداردان جاساۋدى قولعا العان. ال ۇستىمىزدەگى جىلى galaxy s10 مودەلىمەن بىرگە نارىققا شىققان قوراپ تا, قاپتاما دا, قۋاتتاعىش پەن باسقا اكسەسسۋارلار دا تولىققاندى ەكولوگيالىق ماتەريالداردان. وسىلايشا الپاۋىت كومپانيا پلاستماسسالىق ونىمدەردەن ءبىرجولا باس تارتتى.

"galaxy s10 مودەلىنەن باستاپ, ءبىز ەكو-قوراپتاردى جاساۋعا مىقتاپ بەكىندىك, باعىت الدىق", - دەيدى samsung electronics كومپانياسىنىڭ  قۇرىلعىلاردىڭ بەرىكتىگىن قامتاماسىز ەتۋ (mobile communications) ءبولىمىنىڭ ۆيسە-پرەزيدەنتى پەك يل سوب. – ءبىز ەكولوگيالىق ونىمدەردى ءوزىمىزدىڭ بارلىق ونىمدەرىمىزدى جاساۋدا قولدانۋعا تىرىسامىز جانە وسى باعىتتىڭ اۋقىمىن كەڭەيتۋگە تىرىسامىز".