• usd 468.56

  • eur 497.56

  • rub 7.3

  • cny 67.18

29 ناۋرىز, 13:07:12
الماتى
+35°

15 ءساۋىر, 2019 ساياسات

ترامپ قايتا سايلانۋ ءۇشىن 41 ميلليون دوللار جيناپ ۇلگەردى

دەموكراتيالىق پارتيانىڭ ۇلتتىق كوميتەتى وزدەرىنىڭ قانشا قارجى جيناعانىن اشىپ ايتقان جوق.

دونالد ترامپ 2020 جىلدىڭ 3 قاراشاسىندا وتەتىن پرەزيدەنتتىك سايلاۋعا ءقازىردىڭ وزىندە 41 ميلليون دوللار جيناپ ۇلگەردى. بۇل از اقشا ەمەس. بۇل تۋرالى  دەرەكتەردى  bloomberg باسىلىمى جاريا ەتىپ ۇلگەردى.

انىعىنا كەلسەك, بۇل سوڭعى ءۇش ايدىڭ ىشىندە جينالعان قارجى. ساراپشىلاردىڭ ايتۋىنا قاراعاندا, بۇل وزىمەن باسەكەلەس بولىپ وتىرعان ەكى كانديداتتان دا ەكى ەسە كوپ. ايتا كەتۋ كەرەك, دەموكراتيالىق پارتيادان ۇسىنىلىپ وتىرعان ەكى ۇمىتكەردىڭ ءبىرى بەرني ساندەرس 18,21 ميلليون, ال كامالا حارريس 12 ميلليون دوللار جيناعان. ەكى كانديداتتىڭ جيناعان اقشاسىنىڭ ءوزى ترامپقا جەتپەي وتىر. سوعان قاراعاندا, پرەزيدەنتتىك سايلاۋعا قايتادان ءتۇسۋ ءۇشىن ترامپ جارنا جيناۋ جاعىنان قارا ءۇزىپ كەتەتىن شىعار. ونىڭ ۇستىنە رەسپۋبليكالىق پارتيانىڭ ۇلتتىق كوميتەتى تاعى دا 45,5 ميلليون دوللار جينالعانىن ءمالىم ەتتى. دونالد ترامپتىڭ بارلىق جينالعان اقشاسى سونىمەن 86 ميلليون دوللاردان اسىپ وتىر. 

سوعان قاراعاندا, كەلەر جىلدىڭ 3 قاراشاسىندا وتەتىن اقش-تاعى پرەزيدەنتتىك سايلاۋ وتە قىزىقتى وتەتىن سىقىلدى.

ازىرگە ءوز ۇمىتكەرلەرىن ۇسىنىپ وتىرعان دەموكراتيالىق پارتيانىڭ ۇلتتىق كوميتەتى قانشا قارجى جينالعانىن اشىپ ايتقان جوق.

بۇل عانا ەمەس, دونالد ترامپ ەلدە ءارتۇرلى شارالار وتكىزۋ ارقىلى جارنا جيناۋدى جالعاستىرىپ جاتىر. ءساۋىر ايىنىڭ سوڭىندا ول  سان-انتونيو مەن لوس-اندجەلەستە ۇلكەن شارا وتكىزبەك. ونىڭ ەڭ قىمبات بيلەتى 150 مىڭ دوللار تۇرادى جانە بۇل ىسكەر ازاماتتار جينالاتىن جيىنعا پرەزيدەنتتىڭ ءوزى قاتىسىپ, ەركىن پىكىر الماسۋ الاڭى  بولادى.

2016 جىلىعى پرەزيدەنتتىك سايلاۋدا پرەزيدەنت دونالد ترامپ نەگىزىنەن ءوز قارجىسىن جۇمساعانى بەلگىلى. بۇل جولعى سايلاۋدا ونى جاقتاۋشىلاردىڭ قاتارى مەن مۇددەلەس كاسىپكەرلەر كوبەيىپ كەلەدى. ءقازىردىڭ وزىندە 82 ميلليون دوللار جينالىپ وتىرعانىنىڭ ءوزى ترامپتىڭ «وسال جاۋ» ەمەستىگىن كورسەتەدى.

بەرىك بەيسەنۇلى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر