• usd 468.56

  • eur 497.56

  • rub 7.3

  • cny 67.18

29 ناۋرىز, 13:42:53
الماتى
+35°

27 ناۋرىز, 2019 ءداستۇر

گلۋبوكوە كەنتىندە ناۋرىز مەيرامى ايرىقشا اتالىپ ءوتتى

ەلباسىنىڭ «ۇلى دالانىڭ جەتى قىرى» ماقالاسىمەن بايلانىستىرىپ, سيمۆوليكالىق ءمانى بار شارا ۇيىمداستىردى.

شىعىس قازاقستان وبلىسىنداعى گلۋبوكوە اۋدانىنىڭ جۇرتشىلىعى ۇلىستىڭ ۇلى مەيرامىن ەرەكشە اتاپ ءوتتى. كوكتەم كەلىپ, كۇننىڭ جىلىپ, ادامداردىڭ جادىراڭقى كوڭىل كۇيىنە ءدوپ كەلەتىن ناۋرىز قازىرگى ۋاقىتتا بار جۇرتشىلىقتىڭ اسىعا كۇتەر مەرەكەسىنە اينالدى.

اۋدان ورتالىعىندا عانا ەمەس, ناۋرىز شاراسى  گلۋبوكوە اۋدانىنىڭ اۋىلدىق وكرۋگتەرىندە دە ەرەكشە ءوتتى.  ەجەلدەن جاڭارتۋ مەن جاسامپازدىقتىڭ باستاۋى, ىرىس پەن بەرەكەنىڭ ارقاۋى بولعان ءاز - ناۋرىز كوپشىلىككە ء سويتىپ, مەرەكەلىك كوڭىل كۇي سىيلادى.

گلۋبوكوە كەنتىندە ناۋرىز مەيرامىنا ارنالعان "كوكتەم ارۋى" اتتى سايىس تا ءوتتى. جەڭىمپازدار ماراپاتتالدى, جۇلدەلەر تاراتىلىپ بەرىلدى. حالىق شات-شادىمان كۇيگە بولەندى.

گلۋبوكوە كەنتى ناۋرىز

ەڭ ءبىر ايرىقشا اتاپ وتەرلىگى, گلۋبوكوە اۋدانىنىڭ اكىمشىلىگى ناۋرىز مەيرامىنداعى مەرەكەلىك شارالاردى تۇڭعىش پرەزيدەنتىمىز, ەلباسىنىڭ «ۇلى دالانىڭ جەتى قىرى» ماقالاسىمەن بايلانىستىرىپ, سيمۆوليكالىق ءمانى بار شارا ۇيىمداستىردى.

وسىعان بايلانىستى اۋدان ورتالىعىنا ارنايى  7 كيىز ءۇي تىگىلدى. ولارعا «اتقا ءمىنۋ مادەنيەتى», «ۇلى دالاداعى ەجەلگى مەتاللۋرگيا», «اڭ ءستيلى», «التىن ادام», «تۇركى الەمىنىڭ بەسىگى», «ۇلى جىبەك جولى», «قازاقستان – الما مەن قىزعالداقتىڭ وتانى» دەگەن اتاۋ بەرىلدى. 7 اتقا مىنگەن جىگىت شەرۋدى باستاپ, ورتاعا شىقتى. وتىزدان استام ەتنوس وكىلدەرى مەكەندەيتىن اۋدان تۇرعىندارى 7 كيىز ءۇيدى ارالاپ, قازاق حالقىنىڭ سالت-داستۇرلەرىمەن تانىستى. ءارتۇرلى ۇلتتىق تاعامداردان ءدام تاتتى. ءان سالدى, بي بيلەدى. التىباقان تەپتى. ءارتۇرلى سپورتتىق شارالار ءوتتى. قىسقاسى, ەجەلدەن كەلە جاتقان ناۋرىز مەيرامى اۋدان تۇرعىندارىنا مەرەكە سىيلادى.

–ناۋرىز 5 مىڭ جىلدىق تاريحى بار جەر جۇزىندەگى ەڭ كونە مەيرامداردىڭ ءبىرى. شىعىس حالىقتارى ناۋرىز مەرەكەسىن قالاي قارسى الساڭ, جىل سولاي وتەدى دەپ ىرىمدايدى. كوكتەم مەرەكەسى ءار شاڭىراققا شاتتىق, ىرىس-ىنتىماق اكەلسىن. بيىلعى جىل ناۋرىز داستارحانىنداي ىرىستى, بەرەكەلى جىل بولسىن», - دەپ اق تىلەگىن ايتتى  اۋدان اكىمى قاليقان بايعونىسوۆ.

سونداي-اق,  7 كيىز ۇيدە «قورجىن اشۋ», «بەسىككە بولەۋ», «قۇيرىق باۋىر اساتۋ», «بەتاشار», «قازان جارىس», ء«تىلاشار», «قۇدالىق» سەكىلدى قازاقتىڭ ادەت-عۇرىپتارى كەلۋشىلەر نازارىنا ۇسىنىلدى.

سونىمەن, دوستىق پەن تاتۋلىقتىڭ, ىرىس-بەرەكە, بىرلىكتىڭ مەيرامى ناۋرىز شىعىس وڭىردەگى گلۋبوكوە اۋدانىندا وسىلاي سالتاناتتى جاعدايدا ايرىقشا اتالىپ وتتى.

ەركىن قالدان

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر