• usd 468.56

  • eur 497.56

  • rub 7.3

  • cny 67.18

28 ناۋرىز, 23:34:20
الماتى
+35°

26 ناۋرىز, 2019 ءداستۇر

تاماق – ارسىز...

ء

ار ۇستەلگە «يمام بيسميللا دەسىن دە؟» دەپ, بىلەكتى قاعىپ وتىراتىن ءبىر-بىر اجەدەن وتىرعىزىپ قويامىز با؟

بالا كەزىمىزدە ورتاعا بۋى بۇرقىراي كەلگەن تاماققا اسىعىستاپ قول سالا باستاسىڭ, اجەمىز بىلەگىڭدى قاعىپ: «الدىمەن «بيسميللا» دە, سوسىن نان ءۇز, تاماق قايدا قاشار دەيسىڭ؟» دەپ تىيىپ تاستايتىن. سول ادەت پە, قۇراندى جيىندارعا بارسام, يمام دۇعا باعىشتاماي داستارحانعا تۇرا ۇمتىلعان ادامداردىڭ ارەكەتىن ەرسىلەۋ كورەمىن. تاماققا شىدامسىزدىق – ءناپسىنىڭ ءبىر ءتۇرى.

قازىر ءولىم-جىتىم كوپ. ازالى اۋلەت باقيلىق بولعان جاقىنىنا اعايىن-تۋىسىن, جاقىن-جاماعايىنىن, قۇدا-جەگجاتىن شاقىرىپ, جەتىسىندە, قىرقىندا, جىلىندا اس بەرەدى. كوپشىلىك جيىلعان استى يماندىلىق اسحانالارىندا بەرگەن ىڭعايلى, ارينە. ءبىر مەزگىلدە كەلەدى, ءبىر مەزگىلدە قايتادى. ءبىر وكىنىشتىسى, باتاعا ەرتەلەۋ كەلگەن جاماعات داستارحانعا وتىرىسىمەن-اق, يمام دۇعاسىن كۇتپەي, قاسىق-شانىشقىلارىن تارەلكەلەرگە سۇيكەپ, ساقىرلاتا باستايدى. قايدا كەلدى؟ نە ماقساتپەن كەلدى؟ جايناعان داستارحاندى كورگەن سوڭ بارلىعى ءادىرام قالعان. قاتىرلاتىپ شايناپ جاتىر, سىلقىلداتىپ جۇتىپ جاتىر. بەينە دۋماندى تويعا كەلگەن سياقتى. الدەن ۋاق يمامنىڭ قۇران باعىشتاي باستاعان ءۇنى ەستىلەدى. بۇل كەزدە الگىلەر كەكىرىنىپ, تويىنىپ-اق قالعان. مايلى قولدارىمەن بەت سيپاپ الىپ, تاماق جەۋگە قايتا كىرىسەدى. «ۇيقى ارسىز, كۇلكى ارسىز, تاماق ارسىز» دەۋشى ەدىك, تىم بولماعاندا وسىنداي ازالى جيىنداردا اس ءناپسىسىن تىيۋعا ەرىك-جىگەر تابا الماعانىمىز با؟ الدە, ءار ۇستەلگە «يمام بيسميللا دەسىن دە؟» دەپ, بىلەكتى قاعىپ وتىراتىن ءبىر-بىر اجەدەن وتىرعىزىپ قويامىز با؟

بەكجىگىت سەردالى

gulim zhaqan

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر