• usd 468.56

  • eur 497.56

  • rub 7.3

  • cny 67.18

29 ناۋرىز, 13:36:23
الماتى
+35°

21 ناۋرىز, 2019 ساياحات

كارىم ءماسىموۆ نۇرسۇلتان نازارباەۆ جايلى كىتاپ جازباق

تاعى دا قايتالاماقپىن: نۇرسۇلتان ءابىشۇلى, مەن ءسىزدىڭ كومەكشىڭىز بولدىم, كومەكشىڭىز بولىپ قالا  بەرەم جانە بارلىق ۋاقىتتا دا ءسىزدىڭ كومەكشىڭىز بولامىن

قر ۇلتتىق قاۋىپسىزدىك كوميتەتىنىڭ باسشىسى كارىم ءماسىموۆ رەسپۋبليكالىق باق وكىلدەرىنە بەرگەن سۇحباتىندا قازاقستاننىڭ تۇڭعىش پرەزيدەنتى نۇرسۇلتان نازارباەۆ تۋرالى كىتاپ جازۋ نيەتى بار ەكەنىن ايتتى, دەپ حابارلايدى qamshy.kz اقپارات اگەنتتىگى.

«نۇرسۇلتان ءابىشۇلى - ۇلى ادام. ول جايىندا «ەلباسى كومەكشى كوزىمەن» دەپ اتالاتىن كىتاپ جازامىن. ول «جابىق» بەتتەرى بار كىتاپ قىزىقتى بولادى», - دەدى قر ۇقك ءتوراعاسى.

ايتا كەتەيىك, كارىم ءماسىموۆ 2016 جىلدىڭ 8 قىركۇيەگىندە ەلىمىزدىڭ ۇلتتىق قاۋىپسىزدىك كوميتەتىنىڭ ءتوراعاسى بولىپ تاعايىندالعان ەدى.

كارىم قاجىمقانۇلى 2003-2006 جىلدارى نۇرسۇلتان نازارباەۆتىڭ كومەكشىسى, پرەمەر-مينيستردىڭ ورىنباسارى بولعان ەدى. سونىمەن قاتار ول 2007-2012 جانە 2014-2016 جىلدارى ەكى رەت ەل ۇكىمەتىن باسقاردى. قر پرەزيدەنتى اكىمشىلىگىنە جەتەكشىلىك ەتتى.

ول بىرنەشە مارتە ءوزىن پرەزيدەنتتىڭ كومەكشىسى دەپ اتاعان بولاتىن.

«2007 جىلى قاڭتاردا, نۇرسۇلتان ءابىشۇلى, مەنى العاش رەت پرەمەر-مينيستر ەتىپ تاعايىندادىڭىز. سول كەزدە قانداي قىزمەتتە بولسام دا, ءسىزدىڭ ادال كومەكشىڭىز بولامىن دەپ ۋادە بەرگەن ەدىم. نۇرسۇلتان ءابىشۇلى, بۇگىن قايتا ايتقىم كەلىپ تۇر: مەن ءالى دە ءسىزدىڭ كومەكشىڭىزبىن, ءالى دە شاكىرتىڭىزبىن. قازاقستاندى دامىتۋ بويىنشا ۇلكەن ىستەردى جۇزەگە اسىرۋعا مەنىڭ دە قاتىسۋىما مۇمكىندىك بەرگەنىڭىزبەن ماقتانامىن», - دەگەن ەدى كارىم ءماسىموۆ 2011 جىلى.

2014 جىلدىڭ 2 ساۋىرىندە قايتا پرەمەر-مينيستر بولعان كارىم ءماسىموۆ ەلباسىنىڭ كومەكشىسى ەكەندىگىن تاعى دا ايتقان ەدى.

«نۇرسۇلتان ءابىشۇلى, ءسىز 2007 جىلى مەنىڭ كانديداتۋرامدى ۇسىنعان كەزدە مۇنى العاش رەت ايتقان ەدىم. بۇل جولى تاعى دا قايتالاماقپىن: نۇرسۇلتان ءابىشۇلى, مەن ءسىزدىڭ كومەكشىڭىز بولدىم, كومەكشىڭىز بولىپ قالا  بەرەم جانە بارلىق ۋاقىتتا دا ءسىزدىڭ كومەكشىڭىز بولامىن», - دەگەن بولاتىن ك.ماسىموۆ.

ۇسىنعان: ماقپال سەمباي

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر