• usd 468.56

  • eur 497.56

  • rub 7.3

  • cny 67.18

29 ناۋرىز, 14:26:43
الماتى
+35°

19 ناۋرىز, 2019 car news

كولىكتىڭ تەز توزۋىنا «كومەكتەسەتىن» جۇرگىزۋشىلەردىڭ 5 زياندى ادەتى

بۇل قاتەلىكتەردى ءاربىر كولىك جۇرگىزۋشى ءبىلىپ, ءتيىستى شارا قولدانىپ جۇرگەنى ابزال.

qamshy.kz اقپارات اگەنتتىگى كولىك جۇرگىزۋشىلەرىنە بىرنەشە پايدالى كەڭەس ۇسىنادى. بۇل قاتەلىكتەردى ءاربىر كولىك جۇرگىزۋشى ءبىلىپ, ءتيىستى شارا قولدانىپ جۇرگەنى ابزال. 

تىپتى ەڭ تاجىريبەلى كولىك جۇرگىزۋشى دە كولىكتىڭ جاعدايىن «ايانىشتى» كۇيگە تۇسىرەتىن قاتەلىكتەرگە ءجيى ۇرىنىپ جاتادى. جۇرگىزۋشى كولىگىن بارىنشا ۇقىپتى ايداپ, «قامقور» بولاتىنداي كورىنەدى. الايدا كەي بىلمەستىگىنىڭ كەسىرىنەن كولىگىنىڭ ءومىرىن «قىسقارتاتىنان» حابارسىز. ماسەلە مىنادا. ءاربىر كولىك جۇرگىزۋشى ءبىلۋى ءتيىس بىرنەشە قاتىپ قالعان قاتەلىكتەر بار. ەندەشە, سول قاتەلىكتەردى بىلە جۇرىڭىزدەر.

1.قىرعىش ششەتكالار

كولىك

مۇنداي ادىسپەن كولىك شاناعىنا زاقىم كەلتىرمەۋ مۇمكىن ەمەس.

كوپتەگەن جۇرگىزۋشى كولىك شاناعىن تازالاۋعا ششەتكا مەن قىرعىشتاردى پايدالانادى. مۇنىڭ ءبارى – ۇلكەن قاتەلىك. مۇنداي قۇرالداردى پايدالانۋ كولىكتىڭ لاك-بوياۋ قاپتاماسىنا كەرى اسەرىن تيگىزۋى مۇمكىن. ەگەر ول ءتىپتى قار نەمەسە بالشىق بولسا دا, كولىككە ارنالماعان قۇرالدارمەن تازالاماعان ابزال. كولىك تازالاۋعا ارنالماعان ششەتكالار مەن قىرعىشتار كولىكتىڭ سىرتىنا «ورنى تولماس» ءىز قالدىرۋى  مۇمكىن.

2.قوسىمشا تىرەۋىش

كولىك

ەسىكتەر ءبىز ويلاعانان دا ءالسىز, بوس بولادى.

كوپتەگەن كولىك جۇرگىزۋشىلەر كولىكتىڭ ەسىگىن تىرەنۋگە, سۇيەنۋگە, اسىلىپ تۇرۋعا ارنالماعاندىعىن ءجيى ۇمىتىپ كەتەدى. اسىرەسە, سالماعى اۋىر جۇرگىزۋشىلەردىڭ ەسىكتى سۇيەنىش رەتىندە ءجيى پايدالانۋى - «عۇمىرىن قىسقارتادى». ءدال وسى ەسكەرتۋ كولىكتىڭ رولىنە دە قاتىستى. ونى دا سۇيەنىش رەتىندە ءجيى پايدالانۋ - ءرولدىڭ «تۇبىنە جەتەدى».

3.رولدى بوستان-بوسقا اينالدىرۋ

كولىك

بۇلاي ىستەۋدىڭ كەرەگى جوق.

تىپتى كەيبىرەۋلەر كولىك توقتاپ تۇرعاندا ءرولىن اينالدىرۋ وتە جامان ادەت ەكەنىن بىلمەيدى دە. مۇنداي ارەكەت ءرولدىڭ توراپتارىن بوساتىپ, زاقىمداپ, ءرولدىڭ جۇيەسىنە ايتارلىقتاي زيان كەلتىرەدى. مۇنداي تاجىريبە ءرول كۇشەيتكىشكە دە, سونىمەن قاتار, دوڭگەلەكتىڭ رەزەڭكەسىنە دە كەرى اسەرىن تيگىزەدى. بىلايشا ايتقاندا, قاراپايىم بولماشى ارەكەت وتە قىمبات جوندەۋ جۇمىستارىنىڭ سەبەبى بولۋى مۇمكىن.

4.ورىندىققا تىزەمەن وتىرۋ

كولىك

بۇل ادەت ءوز ءىزىن قالدىرماي قويماسى انىق.

دال بۇل ارەكەتتى ءاربىر جۇرگىزۋشى ومىرىندە ءبىر رەت بولسا دا جاساپ كورگەنى ايدان انىق. ورىندىعىنا تىزەمەن وتىرۋ كولىككە قانداي زيان كەلتىرۋى مۇمكىن؟ وعان قوسا, ونداي ارەكەتتى ءتىپتى جولاۋشىلار دا جاسايدى, اسىرەسە, بالالار. ءبىراق بالالارعا قاراعاندا ەرەسەكتەرىڭ سالماعى اۋىر بولادى. مۇنداي اڭقاۋ ارەكەتىمەن ورىندىققا, اسىرەسە, ونىڭ جىلىتۋ جۇيەسىنە ايتارلىقتاي زيان كەلتىرۋى مۇمكىن.

5.قولمەن رەتتەۋ

كولىك

ارنايى مەحانيزم بار.

بۇيىردەگى اينالاردىڭ پايدالانۋ نۇسقاۋلىعىندا اينانى قولمەن جىلجىتۋعا بولمايدى دەپ ەرەكشەلەپ تۇرىپ جازىلعان. «رەسمي» ەسكەرتۋگە قاراماستان, كوپتەگەن جۇرگىزۋشى جازىلعان ەرەجەنى بارىنشا ەلەمەۋگە تىرىسادى. مۇنىڭ قانداي زيان بولۋى مۇمكىن؟ تىم قاتتى نەمەسە ەبەدەيسىز قوزعالتۋدىڭ ناتيجەسىندە اينالاردىڭ ەلەكترسىمدارىنا زاقىم كەلتىرىپ, ءتىپتى ىستەن شىعارىپ تاستاۋ وپ-وڭاي.

قاي زاتتى بولماسىن ءوز تارتىبىمەن, ەرەجەسىنە ساي پايدالانسا, ءوز اقىسىن وتەيتىندەي مەرزىم قىزمەت ەتەرى انىق. 

دەرەككوز: prikolno.cc

ۇسىنعان: ماقپال سەمباي

 

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر