16 ناۋرىز, 2019 ءتالىم مەن تاربيە
«قىزعا قىرىق ۇيدەن تىيىم» دەيدى قازاق. ءقازىر ءبىز قازاق قىزىنىڭ بەينەسىن, بولمىسىن ۇمىتىپ بارا جاتقاندايمىز.
جالپى, قازاق قىزى قانداي بولۋى كەرەك؟ ول جايلى ويلاي بەرمەيمىز دە. ولاي بولسا, ءوز بويىمىزداعى قاسيەتتەر مەن مىنەز-قۇلىقتى سارالاپ, قازاق قىزىنىڭ بولمىسىنداعى قاسيەتتەرمەن سالىستىرىپ كورەلىك!
قازاقتا قىز بالاسىنىڭ ءجۇرىس-تۇرىسى سالماقتى بولىپ, سىزىلىپ, ۇياڭ دا يناباتتى, سىپايى بولعان.ورىنسىز جىرتىڭداپ, كۇلمەگەن. ۇلكەن كىسىلەردىڭ ءسوزىن بولمەگەن.ەتەگى ۇزىن, كەڭ كويلەك كيگەن. ەشكىمنىڭ الدىن كەسىپ وتپەگەن. داۋىس كوتەرمەي, باسەڭ داۋىسپەن سويلەپ, باسقالارعا قول تيگىزبەگەن.كەشكىلىك جالعىز جۇرمەگەن.وتىرىك, وسەك ايتپاعان. تالتايىپ وتىرماعان.
تاماقتى اساپ جەمەگەن. بۇراڭداپ, قىلىمسىماعان. سالت-داستۇردەن اتتاماعان. ىشىمدىك ىشپەگەن, شىلىم شەكپەگەن. ۇلكەن-كىشىنى سىيلاعان.
ارينە, مۇنىڭ ءبارى ەسكىلىكتىڭ ەمەس, تەكتىلىكتىڭ بەلگىسى.
ال بۇگىنگى كۇنگى قازاق قىزدارىنىڭ بەينەسى قانداي؟ كوپكە توپىراق شاشۋ جاراماس, ايتسە دە قازاق قىزدارىنىڭ كوشەدە تۇتىندەتىپ شىلىم شەگىپ, الەۋمەتتىك جەلىگە جارتىلاي جالاڭاش سۋرەتىن جۇكتەپ, وزگە ۇلت وكىلدەرىنىڭ قۇشاعىندا كەتىپ بارا جاتقانىن كورگەندە, شاراسىزدىقتان نە ىستەرىڭدى بىلمەي, ىشتەي قىنجىلاسىڭ. وسى تۇرعىدا «قىزىم ۇيدە – قىلىعى تۇزدە» دەمەكشى, قىز بالانىڭ ءجۇرىس-تۇرىسى مەن كيىم-كيىسى تاربيەنىڭ نەگىزى بولىپ سانالادى. ارينە اسەمدىكككە, ادەمىلىككە قۇمار جاندار ساندەنگەندى ۇناتادى. تەك ول وزىڭە ساي جاراسىپ, سىرت كەلبەتىڭدى اشىپ تۇرسا.
قازىرگى كۇنى «قىرىق ۇيدەن تىيىم» كورگەن, گۇلدەي نازىكتىگى مەن قوس بۇرىمدى قازاق ارۋلارىنىڭ ازايعانى قالاي؟ جوق, ولاي ەمەس, قازاق قىزدارىنىڭ جۇرەكتەرى يماندىلىق پەن يبالىلىققا تولى دەيىن دەسەڭ, ارزان سىيعا ءتانىن جالاڭاشتاپ, ارىن اياققا تاپتايتىن قىلىقتارى وعان كەدەرگى.
قاشاندا يماندى دا, يبالى قالپىنان تايماعان قازاق ارۋلارىنىڭ يناباتتىلىعى بيىك بولعاي!
جانسايا احتاي
ۇسىنعان: اقەركە دۇيسەنباي
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر