"؛انانىڭ كوڭىلى بالادا..."؛ انالاردىڭ ومىرىنەن 11 شىنايى يلليۋستراسيا (فوتو)

ەكى بالانىڭ اناسى يلليۋستراتور ماريا گوربۋنوۆا ءوزىنىڭ كۇندەلىكتى تىرشىلىگىن قاعاز بەتىنە ءتۇسىرىپتى. سۋرەتتەردىڭ شىنايى شىققانى سونشا وزگە انالار اربىرىنەن وزدەرىن كورەدى ەكەن. شىندىق پەن يۋموردى قاتار بەينەلەگەن ماريانىڭ يلليۋستراسيالارىن qamshy.kz اقپارات اگەنتتىگى نازارلارىڭىزعا ۇسىنادى. مۇنى كورگەن انالار ءبىر كۇلىپ, ءبىر جىلاپ الار.

ال كەتتىك...

«دارەتحانا ەسىگىنىڭ قۇلپى بۇزىلىپ قالعاندىقتان ىشتەن قولمەن بار كۇشىڭمەن ۇستاپ وتىرۋىڭ كەرەك. الايدا 13 كەلىلىك قىزىم ميرا ءۇشىن ول ەسىكتى اشۋ تۇك تە ەمەس. ءدال مەن كىرگەن ۋاقىتتا قولىمەن ارى-بەرى جۇلقىلاپ, دارەتحانامىزدىڭ ەسىگىن اشىپ الادى. مەن ەڭ كوبى 3 مينۋت قانا وتىرىپ ۇلگەرەمىن. سىزدەر شە, انالار؟

جانە كەلەسى سۇراعىم اكەلەرگە: ول جاقتا ساعاتتاپ قالاي وتىرۋعا بولادى؟»

«مەنىڭ كارتينالارىمدى كورىپ, بالالارىم ايقايعا باسقاننان تۇك بىلمەيدى دەپ ويلايتىن شىعارسىزدار؟ جوق, ولاي ەمەس. جارايدى, كەيدە بولىپ تۇرادى. ميرا ءوسىپ كەلەدى, تۇندە ۇيقىسى تىنىش. يۋرا عوي ءۇيدى شۋلاتىپ جۇرەتىن.

بەسىك جىرى, تەربەتۋ, ويناتۋ, كوتەرىپ ءجۇرۋ, جاتقىزۋ, قايتادان تۇرۋ, بەسىك جىرى, تەربەتۋ, ويناتۋ... ءبىر ءتۇنىم تاڭعا وسىلاي ۇلاسادى. ءجا, ەشتەڭە ەتپەس, بالالارىمىز بوي جەتىپ, ەر جەتكەن سوڭ ۇيقىمىزدى قاندىرارمىز, ءيا, انالار؟»

«بالالارمەن ساپارعا شىعۋدىڭ ءوزى ءبىر جۇمىس. سەرەجانىڭ تازا شالبارىنا ميرانىڭ جەگەن تاماعى جابىسىپ قالعان. ول نەگىزى ۇشاقتا بالالاردىڭ شۋىن كوتەرە المايدى. ەندى قايتەمىز؟ ۇيرەنۋگە تۋرا كەلەدى, سەبەبى ءوز بالالارى تىنىمسىز».

«بۇگىن تاڭعى اسقا بروككولي, كەسپە جانە مۇزدالعان جيدەكتەن كومپوت ازىرلەدىم. جاعداي وسىلاي...»

«بالالارىم ءۇشىن دەپ قىمبات, ساپالى, ماقتادان جاسالعان, ارنايى يتاليادان اكەلىنگەن جورگەكتىڭ 10 داناسىن الدىم. تانىستارىم بىرەۋىنىڭ ءوزىن ۇزاققا شىدايدى دەگەن. ءبىراق ونى مەنىڭ بالالارىم كيدى عوي, جوق-جوق شىدامادى. ءتىپتى جورگەكتەردىڭ قايدا جاتقانىن تاپپاي قالدىم. اقىر سوڭىندا كۇيەۋىم دۇكەنگە بارىپ, ادەتتەگى جورگەكتەردى ساتىپ اكەلدى. تۇسىنگەنىم – ۇستىنە نە كيىلىپ تۇرسا دا بالاعا ءبارىبىر. ەڭ باستىسى, كەبۋلى بولسا بولعانى».

«بالالارمەن دۇكەنگە بارعاندا».

«فۋتبولدان الەم چەمپيوناتى باستالعاندا ءۇيىمىز كادىمگى بارعا اينالادى. ال مەن – بارمەنمىن».

«كەيدە ەكى بالانى كيىندىرۋگە شارشاپ قالامىن دا, بۇل ءىستى كۇيەۋىمە تاپسىرا سالامىن. ناتيجەسى – وسىنداي».

«ۇيدە سىنعان ىدىستار, شاشىلعان كيىمدەر... كۇدىكتى قاشان دا – ۇشەۋ. ءبىراق ۇشەۋىنە دە ۇرسا المايمىن. ەح...»

«مەنىڭ ەڭ كوپ ەنەرگيام بالالاردى جۋىندىرعاندا كەتەدى. يۋرا مەن ميرا ءوزىمشىل ەمەس, ولار ءيتتى دە ويلاپ جۇرەدى».

«5 مينۋت تىنىشتىق نەمەسە دارەتحانانىڭ ەسىگىن جابۋدى ۇمىتىپ كەتكەندە...»

دايىنداعان: گۇلىم جاقان