ورتا ازيا پرەزيدەنتتەرى قايدا تۇرادى, قايدا جۇمىس ىستەيدى؟ (فوتو)

2015 جىلى تاجىكستان پرەزيدەنتىنىڭ رەزيدەنسياسى ەڭ ادەمى رەزيدەنسيا بولىپ مويىندالدى. بۇل تىزىمگە قازاقستان پرەزيدەنتىنىڭ اق ورداسى مەن تۇرىكمەنستان باسشىسىنىڭ «وعىزحان» سارايى دا ەنگەن بولاتىن. ولاي بولسا, ورتالىق ازيا پرەزيدەنتتەرىنىڭ رەزيدەنسيالارىنا توقتالىپ وتەلىك. پرەزيدەنتتەر ول جەردە جۇمىس ىستەيدى, كەيبىرى تۇرادى.

تاجىكستان

«كوحري ميلات» سارايىنىڭ قۇرىلىسى 2000 جىلى باستالىپ, 2008 جىلدىڭ تامىزىندا اياقتالدى. ول ۋاقىتتا دۋشانبەدە شانحاي ىنتىماقتاستىق  ۇيىمىنىڭ ءسامميتى ءوتىپ جاتقان. عيمارات 6 قاباتتان تۇرادى, ونعا جۋىق كونفەرەنسيا زالى بار.

عيمارات ىشىندە قالاعا قارايتىن بىرنەشە قىسقى باق بار. سونىمەن قاتار رەزيدەنسيا ىشىندە پرەزيدەنتكە ارنالعان بولمەلەر مەن جاتتىعۋ زالى بار.

عيمارات قۇرىلىسىمەن يتالياندىق rizzani de eccher كومپانياسى اينالىستى. سول سەبەپتى قۇرىلىس ماتەريالدارى كوبىنە يتاليادان اكەلىنگەن. ماسەلەن, ەدەن مەن قابىرعالار carrerf اتتى يتالياندىق مارمارمەن جاسالعان.

كاسري ميللاتقا تۋريستەر مەن قاراپايىم ازاماتتار كىرە المادى, تەك سىرتىنان باقىلاپ كەتە الادى. ونىڭ وزىندە اۋلاسىنان ەمەس, عيماراتقا قاراما قارسى تۇرعان رۋداكي ساياباعىنا كورە الادى.

قازاقستان

ەلباسى نۇرسۇلتان نازارباەۆتىڭ رەزيدەنسياسى الەمدەگى ەڭ ادەمى بەستىكتىڭ قاتارىنا كىرگەن.

رەزيدەنسيا قۇرىلىسى 2001 جىلى باستالىپ, 2004 جىلى اياقتالدى. بيىكتىگى – 80 مەتر, ءبىرىنشى قاباتىنىڭ بيىكتى – 10 مەتر. ىشىندە 1800 شارشى مەتردى قۇرايتىن ورتالىق سالتانات زالى, سونىمەن قاتار قىسقى باقتار مەن پرەسس-كونفەرەنسيالار وتەتىن زالدار بار. ال ەكىنشى قاباتىندا جۇمىس ىستەيتىن كەڭسەلەر ورنالاسقان.

ۇشىنشى قاباتىندا حالىقارالىق دارەجەدەگى ءتۇرلى شارالار وتەدى. سونىمەن قاتار, مەملەكەت باسشىلارى قۇجاتتارعا قول قوياتىن ءمارمار زالى, كەزدەسۋلەر وتەتىن التىن زال, كەلىسىمشارتتار جاسالاتىن سوپاقشا زال بار. بۇعان قوسا قوناقتار بولمەسى, قاۋىپسىزدىك كەڭەسىنىڭ زالى, شىعىس  جانە وزگە دە ءتۇرلى زالدار وسى ءۇشىنشى قاباتىندا ورنالاسقان.

سونىمەن قاتار ءتۇرلى مەملەكەتتەردىڭ باسشىلارىنا ارنالعان جينالىستار وتەتىن كۇمبەزدى زال دا بار. كىتاپحانا مەن وتىرىس ساعاتتارى وتەتىن زالدارى دا بار. اق وردانىڭ ءار زالىنىڭ وزىندىك ەرەكشەلىگى بار.

اق وردا – جابىق عيمارات. پرەزيدەنت رەزيدەنسيا ىشىندە بولماعان ۋاقىتتاردا ەكسكۋرسيالار بولىپ تۇرادى.

تۇرىكمەنستان

گۋربانگۋلى بەردىمۇۇحامەدوۆتىڭ «وعىزحان» سارايى العاشقى پرەزيدەنتتىڭ رەزيدەنسياسىنىڭ جانىندا ورنالاسقان.

رەزيدەنسيا قۇرىلىسى ءۇش جىلعا جالعاستى. bouygues فرانسۋز كومپانياسى قۇرىلىسىن 2011 جىلى اياقتادى.

ورتالىق زالى قۇرمەتتى قوناقتاردى قارسى الۋعا ارنالعان. ەكى جاقتى كەلىسىمدەر التىن زالدا وتەدى. ال كەڭ كولەمدەگى كەلىسىمدەر گوركۋ تاتا زالىندا, ۇكىمەتارالىق كەلىسىمدەر مەن قۇجاتتارعا قول قويۋ شارالارى سەلدجۋك حان زالىندا, باق-قا ارنالعان پرەسس-كونفەرەنسيالار بايران حان, مادەني شارالار ماحتۋمكۋلي زالىندا وتەدى.

وزبەكستان

وزبەكستان پرەزيدەنتى شاۆكات ميرزيەەۆتىڭ جاڭا رەزيدەنسياسى تاشكەنت وبلىسى بايتۇرعان اۋىلىندا ورنالاسقان. ونىڭ قۇرىلىسى ءۇشىن ونداعان ءۇي قيراتىلىپ, ءۇي يەلەرىنە كومپەنساسيا تولەنگەن. كوشەلەر كەڭەيتىلىپ, اينالاسىنا شىرشالار وتىرعىزىلدى.

شاۆكات ميرزيەەۆتىڭ جاڭا رەزيدەنسياسىنىڭ اۋماعى بىرنەشە گەكتاردان تۇرادى. عيماراتتىڭ ءىشى ارگەنتينالىق كوگىلدىر مارمارمەن ءارى swarovski كريستاللىنان جاسالعان. رەزيدەنسيانىڭ قۇرىلىسىمەن وزبەكستان پرەزيدەنتىنىڭ ۇلكەن كۇيەۋ بالاسى ويبەك تۋرسۋنوۆ اينالىستى.

ال رەزيدەنسيانىڭ اشىلۋى پرەزيدەنتتىڭ تۋعان كۇنىندە, ياعني 2017 جىلدىڭ 24 شىلدەسىندە ءوتتى. جاڭا رەزيدەنسيا ميرزيەەۆتىڭ جۇمىس ورنىنان 26,5 شاقىرىم قاشىقتىقتا ورنالاسقان.

قىرعىزستان

الا-ارچا رەزيدەنسياسى 2012 جىلى سالىندى. 2016 جىلى تمد ەلدەرى باسشىلارىنىڭ ءسامميتى ءۇشىن رەزيدەنسيا ىشىندە قابىلداۋ ءۇيى اشىلدى. ونىڭ ديزاينى كيىز ۇيگە ۇقساتىپ جاسالعان. اۋماعى 1,5 مىڭ شارشى مەتردى قۇرايدى.

عيمارات ەكى دەڭگەيدەن تۇرادى. عيماراتتىڭ تومەنگى قاباتى ەكى جاقتى كەزدەسۋلەرگە ارنالعان ۇلكەن زالدان تۇرادى. قابىلداۋ ءۇيى 500-گە جۋىق ادامعا ارنالعان. وندا ءتۇرلى شارالار وتكىزىلەدى. ماسەلەن, رەسمي قابىلداۋلار, جينالىستار, پرەسس-كونفەرەنسيالار. عيمارات 8 تىلدە سينحروندى اۋدارما جاسالاتىن كابينامەن جابدىقتالعان.

مەملەكەتتىك رەزيدەنسيا اۋلاسىندا قىرعىزستاننىڭ ەكس-پرەزيدەنتتەرى روزا وتىنباەۆا مەن المازبەك اتامباەۆ تا تۇرادى.