ادامدار ءوز قولىمەن جويعان تابيعي ەسكەرتكىشتەر

ادامزات قاي زاماندا دا جەر-جەردى تانىپ بىلۋگە قۇمار. اسىرەسە قازىرگى تاڭدا ءتۋريزمنىڭ وتە تانىمال ەكەندىگى بەلگىلى. ساياحاتشىلاردىڭ اسەرىنەن زيان شەككەن كورىكتى جەرلەر مەن تاريحي ەسكەرتكىشتەردى ەشقانداي قارجىلىق جانە تەحنيكالىق رەسۋرستار قالپىنا كەلتىرە المايدى. qamshy.kz اقپارات اگەنتتىگى ادامدار ءوز قولىمەن جويعان تۋريستىك جەرلەردى وقىرمان نازارىنا ۇسىنادى.

1. تايلاندتاعى پحي-في ارالدارىنداعى ماييا شىعاناعى

بۇل ورىن لەوناردو دي كاپريونىڭ «جاعاجاي» ءفيلمى شىققاننان كەيىن تۋريستەر اراسىندا وتە تانىمال بولدى. سودان باستاپ كۇنىنە 5 مىڭعا جۋىق ادام جاعاجايدى كورۋگە كەلگەن.  ناتيجەسىندە, 2018 جىلدىڭ ماۋسىم ايىندا ەكولوگيالىق جاعدايعا بايلانىستى مۇندا ساياحاتشىلاردىڭ كەلۋىنە تىيىم سالىندى.

2. پاراگۆاي مەن برازيليا شەكاراسىنداعى گۋايرا سارقىراماسى

 

بۇل سارقىراما كورىكتى جەردە ورنالاسقان. ادامدار 1982 جىلى گيدروەلەكتروستانسيا سالىپ, سۋ قويماسى ءۇشىن سارقىرامانى بوگەپ تاستادى. جارتاستاردى ارنايى ديناميتتەردىڭ كومەگىمەن قۇلاتتى.

3. يسپانياداعى التاميرا ۇڭگىرى

 

بۇل ۇڭگىر 2002 جىلى كەلۋشى تۋريستەر ءۇشىن تولىق جابىلدى. جارتاستاعى سۋرەتتەرگە ادامنان تىنىس الۋ كەزىندە بولىنەتىن بۋ مەن كومىرتەگى ديوكسيدى قاتتى اسەر ەتكەن. سونىڭ سالدارىنان تاستاعى سۋرەتتەر كوگەرە باستاعان. 2001 جىلى ۇڭگىردىڭ تولىق كوشىرمەسى قايتا جاسالىنىپ, تاپسىرىلدى. ەندى ساياحاتشىلار سۋرەتتەردى تەك قانا مۇراجايدان تاماشالايدى.

4. بوليۆياداعى چاكالتاي مۇزدىعى

 

وڭتۇستىك امەريكانىڭ ەڭ بيىك شىڭدارىنىڭ ءبىرى بولعان بۇل مۇزداق 18 مىڭ جىل بۇرىن تايدا بولعان. 1980 جىلدان باستاپ ول الاسارا باستادى, ال 2009 جىلى جاھاندىق جىلىنۋدىڭ ناتيجەسىندە مۇزداق تولىعىمەن جويىلدى.

5. بەليزدەگى نوحمۋل پيراميداسى

 2,2 مىڭ جىل بۇرىن ماييا ۇندىلەرى سالعان بۇل پيراميدانى 2013 جىلى d-mar قۇرىلىس كومپانياسىنىڭ قىزمەتكەرلەرى بۋلدوزەرلەرمەن قيراتتى. پيراميدادان قالعان قالدىقتاردى كورشى قالاداعى جولدى جوندەۋگە قولداندى. تەرگەۋدىڭ ناتيجەسىندە ەكسكاۆاتور جۇرگىزۋشىسىنە, قۇرىلىسشىعا جانە ەكى باسقارۋشىعا ايىپپۇل سالىندى.

6. بوليۆياداعى پويۆو كولى

كول 2016 جىلى كليماتتىڭ وزگەرۋىنە بايلانىستى تولىعىمەن تارتىلىپ كەتتى. كولدىڭ بۇلاي قۇرعاۋىنا ادامداردىڭ اۋىل شارۋاشىلىعى جانە سول ايماقتا تاۋ-كەن جۇمىستارىن جۇرگىزۋى اسەر ەتكەن. ايتا كەتۋ كەرەك, بۇل كولدىڭ وسىمەن ەكىنشى رەت تارتىلۋى. تۇڭعىش رەت پويۆو كولى 1994 جىلى قۇرعاپ قالعان. سودان سوڭ, جاڭبىر سۋىمەن قايتا تولىققان.

7. اۆسترالياداعى توي تورتى جارتاسى

 

بۇل جارتاس 2015 جىلى وتە تانىمال بولعان. بۇگىنگى كۇنى كەلۋشىلەرڭ كوپتىگىنە بايلانىستى جارتاستىڭ قۇلاۋ ءقاۋپى تۋىنداپ, ارتىنان جول جابىلدى. ءبىراق شەكتەۋلەرگە, ايىپپۇلدارعا, ءتىپتى پوليسيانىڭ ەسكەرتۋىنە قاراماستان  اسەرلى سۋرەتتەر مەن ۆيدەولار ءتۇسىرۋ ءۇشىن كەلەتىن تۋريستەردىڭ سانى ءالى دە كوپ. 

8. يندونەزياداعى رادجا امپات ارالىنداعى كورال ءريفى

 

2017 جىلى كرۋيزدىك كەمەلەردىڭ كەسىرىنەن اۋدانى 1,6 شارشىمەتر كورال ءريفى جويىلدى. ونى قالپىنا كەلتىرۋ ءۇشىن ونداعان جىل قاجەت بولادى. بۇل جەرگە كەلتىرىلگەن زيان 18,6 ميلليون دوللارعا باعالانعان.

9. ورەگون شتاتىنداعى داكبيلل جارتاسى

 

بۇل جارتاس 2016 جىلدىڭ 29 تامىزىنا دەيىن تانىمال تۋريستىك كورىكتى جەرلەردىڭ ءبىرى بولدى. وسى جارتاستا اياعىن سىندىرعان دوسىنىڭ كەگىن الۋ ءۇشىن ءبىر توپ ادام تابيعي ەسكەرتكىشتى ءوز قولدارىمەن جويعان.

11. پاريجدەگى ونەر كوپىرى

 

بۇل اتاقتى كوپىردە سالماعى 45 تونناعا جۋىق قۇلىپ ءىلىنىپ تۇرعان. كوپىردىڭ مۇنداي اۋىر سالماقتى كوتەرە المايتىن اپاتتى جاعدايىنان قورىققاندىقتان, ۇكىمەت ون مىڭداعان قۇلىپتاردى كەسىپ, الىپ تاستادى. ونىڭ ورنىنا ەشكىم قۇلىپ ىلمەۋى ءۇشىن اينەك پانەلدەرىن ورناتتى.

جالپى الەمدە مۇنداي جويىلىپ بارا جاتقان كورىكتى مەكەندەر كوپ. ءتىپتى ءسىز قىتايدىڭ ۇلى قورعانى جاقىن ارادا جويىلۋى مۇمكىن ەكەنىن بىلگەندە تاڭ قالۋىڭىز مۇمكىن. قورعانىستىق ماقساتتارعا ارنالىپ تۇرعىزىلعان ەسكەرتكىش مىڭداعان تۋريستەردىڭ كەلۋىنەن ەلەۋلى زارداپ شەكتى. سونداي-اق, كوليزەيدىڭ, ءولى تەڭىزدىڭ, ۆەنەسيانىڭ, ءتىپتى بۇكىل انتاركتيكانىڭ ءوزى  قۇرۋ الدىندا تۇر.

ادامدار تۋريستىك جەرلەرگە قوقىس تاستاپ, ءارتۇرلى سۋرەتتەر سالىپ, قۇندىلىقتاردى قيراتىپ, بارعان جەرلەرىنىڭ تاعدىرى تۋرالى ويلاي قويمايدى. ارينە ءبىز ەشكىمدى ساياحاتتاۋدى توقتاتۋعا شاقىرمايمىز, تەك بارلىعىمىز دا بارعان جەرىمىزگە قامقورلىقپەن قاراپ, قۇرمەتتەۋ كەرەكتىگىن ۇمىتپاعانىمىز ءجون.