• usd 468.56

  • eur 497.56

  • rub 7.3

  • cny 67.18

29 ناۋرىز, 17:10:49
الماتى
+35°

اپتا اياعىنا جاقىنداپ قالدى. كۇندەلىكتى كۇيبەڭ تىرىشىلىكتىڭ قامىمەن ءجۇرىپ دەمالىسقا جەتكەنشە جۇيكەمىزگە ءبىراز سالماق ءتۇسىپ, پسيحولوگيالىق تۇرعىدان شارشاۋىمىز زاڭدىلىق. سونىڭ ناتيجەسىندە اشۋشاڭدىق, مازاسىزدىق پايدا بولىپ, ەڭبەك ونىمدىلىگىنە كەرى اسەر ەتەدى. مۇنداي جاعدايدا نە ىستەۋ كەرەك؟ qamshy.kz اقپارات اگەنتتىگى وقىرمان نازارىنا اتاقتى امەريكالىق پسيحولوگ دەيل كارنەگيدىڭ سابىرلى بولىپ, سىندارلى ويلاۋعا كومەكتەسەتىن قاعيدالارىن ۇسىنادى.

وتباسىلىق ءومىردىڭ قۇپياسى مەن ءوزارا ءتىل تابىسۋدىڭ تەورياسىن ويلاپ تاپقان پسيحولوگتىڭ ءومىرى جايلى دەرەكتەردى وسىعان دەيىن دە جازعان بولاتىنبىز.

♦باقىتتى ءومىردى زەرتتەگەن تانىمال پسيحولوگتىڭ "باقىتسىز" ءولىمى

مازاسىزدىقتى جەڭۋدىڭ جولى – جاعدايدى تولىق سارالاۋ دەپ تۇسىندىرگەن دەيل كارنەگي بويىڭىزداعى جاعىمسىز سەزىمدەردى جويىپ, وزىڭىزگە دەگەن سەنىمدىلىكتى قالىپتاستىرۋ ءۇشىن تومەندەگى قاعيدالاردى ۇسىنادى: 

  1. سىزدى مازالاعان ماسەلەگە بايلانىستى فاكتىلەردى جيناقتاڭىز.
  2. كوڭىل كۇيىڭىزگە كەرى اسەر ەتكەن جاعدايلار جايلى ويلانىپ, شەشىم قابىلداڭىز.
  3. ىشتەي قابىلداعان شەشىمىڭىزدەن كەيىن ىسكە كوشىڭىز.
  4. مىنا سۇراقتارعا جاۋاپ ىزدەپ كورىڭىز:
  • ماسەلەنىڭ نەگىزگى ءمانى نەدە؟
  • ماسەلەنىڭ پايدا بولۋىنا نە اسەر ەتتى؟
  • قانداي شەشىمدەرى بولۋى مۇمكىن؟
  • سىز ءۇشىن ەڭ ءتيىمدى شەشىم قايسىسى؟
  1. كەز كەلگەن جاعدايعا مازاسىزدانا بەرەتىن ادەتىڭىزدەن ارىلىڭىز.
  2. اردايىم اينالىساتىن ءىسىڭىز بولسىن. بوس ۋاقىتىڭىز ارتىق ۋايىمنىڭ پايدا بولۋىنا اكەلۋى مۇمكىن.
  3. مازاسىزدانۋعا, ۋايىمداۋعا تۇراتىن جايتتاردى ويلانىڭىز. كەز كەلگەن وقيعا ءسىزدىڭ جۇيكەڭىزگە اسەر ەتپەۋى ءۇشىن «پسيحولوگيالىق قالقان» قويىڭىز.
  4. وتكەندى ويلاماۋ كەرەك
  5. سىزگە سابىر سىيلايتىن ادەمى ەستەلىكتەر مەن الداعى جوسپارلارىڭىز جايلى ويلاڭىز.
  6. كەك ساقتاۋدان اۋلاق بولىڭىز.
  7. قايىرىمسىزدىقتان كوڭىلىڭىز قالعانشا, وعان ءاردايىم دايىن ءجۇرىڭىز.
  8. ومىرىڭىزدىڭ كورسەتكىشى رەتىندە جەڭىلىستەردى ەمەس, جەڭىستەرىڭىزدى قاراستىرىڭىز.
  9. ەشكىمگە ەلىكتەمەڭىز.
  10. قاتەلىكتەن ساباق الىپ ۇيرەنىڭىز
  11. اينالىڭىزداعى ادامدارعا باقىت سىيلاۋعا تىرىسىڭىز. ول ءسىزدى دە باقىتتى ەتەدى.

ۇسىنعان: بالجان حالىق

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر