20 جەلتوقسان, 2018 ساياحات وزگەرتۋ

الەمدە بۋتان دەگەن مەملەكەت بار. بۋتان تۋرالى 25 قىزىقتى فاكت

بۇل ەلدە ءبىر دە ءبىر باعدارشام جوق. ءبارىنىڭ جەكە باسپاناسى بار ەكەن. لاشىق بولسىن, بار.

الەمدە بۋتان دەگەن مەملەكەت بار. ۇلتتىق مەملەكەت كۇنى – 17-جەلتوقسان. سول مەرەكەگە وراي بريۋسسەلدەگى بۋتان ەلشىلىگى ەۋروپادا وقىپ جۇرگەن بارلىق ستۋدەنتتەرىن شاقىرىپ باس قوستى, اس بەردى. دوسىم چوگيەلدىڭ ارقاسىندا بۇل شارانى كورىپ قالدىم. ءبۇتىن ءبىر ەلدىڭ ەلشىسىنىڭ پرەزيدەنتى قوس قولداپ امانداسىپ, كۇتىپ العانىنا تاڭدانىپ ءھام ىڭعايسىزدانىپ قالدىم. كەيبىر بۋتان-اپشەلەر مەنى سول ۇلتتىڭ ادامى دەپ ويلاپ قالىپ سۇراقتىڭ استىنا الدى. "ايىم فروم قازاقستان" دەپ ارەڭ توقتاتتىم. ول جەردە جالعىز بۋتاندىق ەمەس, فرانسۋز, نيدەرلاندى, شۆەد, ماجار, تايلاند ت. ب. ۇلت وكىلدەرى بولدى. كەيبىر بۋتاننىڭ ەۋروپالىق كۇيەۋبالالارى دا جۇرگەن. نە دەگەن قاراپايىم ادامدار دەپ تاڭ قالدىم. اسىرەسە, بويى تەرەكتەي شۆەد قاريا ماعان جاقىنداپ كەلىپ 15 جىل بۇرىن الماتىدا بولعانىن ايتتى. ءبىرازدان سوڭ نە جۇمىس ىستەگەنىن سۇراسام, جەمقورلىققا قارسى كۇرەس جونىندە اگەنت بولىپ ىستەپتى. اسىرەسە, ۆەتنام, بانگلادەش ت.س.س ەلدەردە قىزمەت قىلىپتى. ول جەمقورلىقتى تومەندەتۋگە بولاتىنىن, ءبىراق جويا المايتىنىمىزدى ايتىپ قايمىقتى.
سوڭىرا, ءبارىمىز بۋتاننىڭ تاعامىنان ءدام تاتتىق. ۇلتتىق كۇنىمەن قۇتتىقتادىق.

ەندى وسى ەل تۋرالى قىزىقتى 25 دەرەك:

وزدەرىن "ايداھار ەلى" دەپ اتايدى.
2. ۇلتتىق كيىم كيۋ مىندەتتى.
4. باسقا ۇلتپەن نەكەلەسۋىنە تىيىم سالىنعان.
5. تەمەكى شەگۋگە, ساتۋعا بولمايدى.
6. بۋتان ەڭ ءقاۋىپسىز ەلدىڭ ءبىرى. قىلمىس پەن جەمقورلىق جوقتىڭ قاسى.
7. مەديسينا مەن ءبىلىم تەگىن.
8. حالقى نەبارى 750 مىڭنان اسادى.
9. از حالىق بولسا دا, ەلدە 25 ءتۇرلى ءتىل بار ەكەن. مىسالى, مەنىڭ دوسىمنىڭ انا ءتىلىنىڭ ءتىپتى جازبا ءتۇرى جوق ەكەن. تەك اۋىزشا سويلەسەدى. سونداي-اق ول 8 تىلدە سويلەي الامىن دەيدى. ونىڭ ىشىندە اعىلشىن, حيندي, بانگلادەش تىلدەرى بار.
11. بۇل ەلدە ءبىر دە ءبىر باعدارشام جوق.
12. ءبارىنىڭ جەكە باسپاناسى بار ەكەن. لاشىق بولسىن, بار.
13. مەملەكەتتى اگرو جانە تۋريزم اسىراپ وتىر.
14. كەدەي مەملەكەت سانالعانىمەن, ساياحات جاساۋ ءتۋريستىڭ قالتاسىنا سالماق سالۋى مۇمكىن.
15. ءقوناقۇي باعاسىن بيلىك بەلگىلەپ بەرەدى.
16. اعاش كەسۋگە تىيىم سالىنعان.
17. ەشبىر ونىمىنە حيميكات قوسىلمايدى. تابيعي.
18. ۇلتتىق سپورتى – ساداق اتۋ.
19. كۇرىشتى جاقسى كورەدى.
20. مادەنيەتىنىڭ جاقسى ساقتالۋىنا كوپ جىل وقشاۋ ءومىر سۇرگەنىمەن بايلانىستى.
21. ءدىنى – بۋدديزم (70%), يندۋيزم (25%), يسلام (5%).
22. بيلىك تۆ كورسەتۋگە, ينتەرنەتكە 1999 ج. دەيىن تىيىم سالعان.
23. ۇندىستانمەن وتە تىعىز قاتىناستا.
24. قىتايمەن ونشا ارالاستىعى جوق. كەيبىر داۋلى جەرلەرى دە بارشىلىق ەكەن.
25. حالقى ەرەكشە قوناقجاي.