«سيفرلىق قازاقستان» مەملەكەتتىك باعدارلاماسى — ۇتىمدى جوبا

قازاقستان الەمدەگى وزگەرىستەردەن قۇر الاقان ەمەس. قازاقستاندا زامان تالابىنا ساي, ادامنىڭ ءومىر ساپاسىن جاقسارتۋ, جاڭا تەحنولوگيانى, عىلىم, ءبىلىمدى يگەرۋ, عىلىمداعى سوڭعى وزگەرىستەردەن حاباردار بولۋ جانە ونى قولدانىسقا ەنگىزۋ جىلدام جۇرەتىن پروسەس. مىسال رەتىندە قابىلدانعان «سيفرلىق قازاقستان» مەملەكەتتىك باعدارلاماسىن ايرىقشا اتاۋعا بولادى. ەلىمىزدە مۇنداي باعدارلامانىڭ قابىلدانۋى بەكەر ەمەس. ءقازىر الەم بويىنشا ءىت سالاسى قارىشتى قاداممەن دامىپ كەلەدى. سوعان سايكەس, ءىت ماماندارىنا دەگەن سۇرانىس بىردەن ارتتى. سەبەبى, ءقازىر اقپاراتتىڭ, تەحنولوگيانىڭ زامانى. الەم العا جىلجىپ ادام ءومىرىن وڭتايلاندىرۋ, قازىرگى قاربالاس, ۋاقىت تاپشى زاماندا ادام ۋاقىتىنا سىيلاستىقپەن قاراپ, ونى ءتيىمدى ءارى پايدالى وتكىزىپ, ۋاقىتتا ۇنەمدەۋ ماقساتىندا ءتۇرلى شارالار اتقارىلىپ, حالىققا قىزمەت كورسەتۋدى ىڭعايلى ەتۋ ءۇشىن كوپتەگەن جۇمىستار اتقارىلىپ جاتىر. ادام بۇرىنعىداي ۋاقىتىن ۇزىن سونار كەزەكتە وتكىزبەي جۇمىسىنداعى جۇمساق كرەسلوسىندا نەمەسە ۇيىندە شاي ءىشىپ وتىرىپ-اق ءبىراز شارۋانى اتقارا الادى. ەۋروپا, امەريكا حالقى بانككە, حالىققا قىزمەت كورسەتۋ ورىندارىنا نەمەسە كوممۋنالدى قىزمەت اقىسىن, ايىپپۇل تولەۋ, قۇجات راسىمدەۋ سەكىلدى وسى جانە تاعى دا باسقا كوپتەگەن جۇمىستاردى مەكەمە تابالدىرىعىن توزدىرماي-اق بىتىرە الادى. بۇل ەڭ الدىمەن ادامنىڭ ۋاقىتىن ۇنەمدەپ, قاعازباستىلىقتان قۇتقارىپ, ەسىكتەن, ەسىككە جۇگىرۋگە كەتكەن التىن ۋاقىتتى ودان دا پايدالىراق, ادامنىڭ رۋحاني, مادەني ءومىرىن جانداندىرۋعا مۇمكىندىك بەرەدى.

«سيفرلىق قازاقستان» مەملەكەتتىك باعدارلاماسى جىلدا جەتىلدىرىلىپ كەلەدى. ونىڭ ناتيجەسى كوپ كۇتتىرتپەدى. حالىققا قىزمەت كورسەتۋ قىزمەتى ونلاين جۇيەگە اۋىسىپ كەلەدى. بۇرىندارى حالىق سابىلىپ حالىققا قىزمەت كورسەتۋ ورىندارىنا اعىلاتىن بولسا, ءقازىر كەزەكتە تۇرماي-اق ۇيىندە وتىرىپ جۇمىستارىن تىندىرا بەرە الادى. بۇل حالىققا دا ءتيىمدى ءارى مەكەمە اكىمشىلىگىنە دە قولايلى. سەبەبى حالىققا قىزمەت كورسەتۋ ساپاسى جوعارىلايدى.

سيفرلىق جۇيەنىڭ بەرەرى مول ءارى بولاشاعى زور ەكەنىن ۇعىنعان ءاربىر ەل وسى جۇيەگە كوشۋدى مىقتاپ قولعا الدى. سەبەبى حالىق سيفرلى جۇيە تۋرالى ساۋاتىن اشا تۇسكەن سايىن ونىڭ پايدالى ءارى قىزىقتى اقپاراتقا قول جەتكىزۋ مۇمكىندىگى مولايا تۇسەدى. سونىمەن بىرگە, اقپاراتتى ءبىلۋ مەن قاتار ونى ساقتاۋ, تاراتۋ, جەتكىزۋگە جول اشىلادى.

«سيفرلىق قازاقستان» مەملەكەتتىك باعدارلاماسى اياسىندا كوپتەگەن جۇمىستار اتقارىلدى. وعان مىسال رەتىندە egov پەن «otau tv» تەلە-راديو حابار تاراتۋ جەلىسىن ايتسا بولادى. وسىدان جەتى جىل بۇرىن قازاقستان رەسپۋبليكاسى پرەزيدەنتى نۇرسۇلتان ءابىشۇلى نازارباەۆتىڭ قاتىسۋىمەن اتالمىش جولسەرىك ىسكە قوسىلعان بولاتىن. ول ۋاقىتتا ۇلتتىق وپەراتور قىزمەتىن نەبارى 6300 ادام عانا پايدالاندى. ءقازىر قولدانۋشىلار سانى ميلليوننان استى. ونىڭ جەتپىس پروسەنتى اۋىل تۇرعىندارى.

حالىق ساندىق جۇيەنىڭ ۇتىمدى تۇستارىن تۇسىنگەن سايىن سيفرلىق ساۋاتتىلىعى ارتىپ كەلەدى. قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ سيفرلى جۇيەنى ماڭىزدىلىعىن جاقسى تۇسىنە وتىرىپ, ونىڭ قازاقستاندا كەڭ ەتەك جايۋ ءۇشىن بارلىق جاعدايدى جاساپ جاتىر. قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ ءوزىنىڭ جىل سايىنعى قازاقستان رەسپۋبليكاسى حالقىنا ارنالعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا سيفرلى جۇيەنى ايرىقشا اتاپ ءوتتى. وندا ءىت سالاسى مەن سيفرلى تەحنولوگيالاردى دامىتۋعا زور كۇش جۇمسالاتىنى ايتىلادى. ونىڭ دالەلى رەتىندە قازاقستان رەسپۋبليكاسى پرەزيدەنتى نۇرسۇلتان ءابىشۇلى نازارباەۆتىڭ مىنا ءسوزىن كەلتىرەيىك:

«بىز سيفرلى تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋگە ءتيىسپىز. بۇل – ماڭىزدى كەشەندى مىندەت. ەلدە 3d-پرينتينگ, ونلاين-ساۋدا, ءموبيلدى بانكينگ, سيفرلى قىزمەت كورسەتۋ سەكىلدى دەنساۋلىق ساقتاۋ, ءبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك. بۇل يندۋستريالار ءقازىردىڭ وزىندە دامىعان ەلدەردىڭ ەكونوميكالارىنىڭ قۇرىلىمىن وزگەرتىپ, ءداستۇرلى سالالارعا جاڭا ساپا دارىتتى»,- دەدى قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ.

«سيفرلىق قازاقستان» مەملەكەتتىك باعدارلاماسى بىرنەشە سالانى قاتار دامىتادى دەسەك ارتىق ايتپاعانىمىز ەمەس. ساندىق جۇيە, سيفرلىق قازاقستان دەگەندە it سالاسىن دامىتۋ جوسپارى ويىمىزعا ەرىكسىز ورالۋى مۇمكىن. الايدا «سيفرلىق قازاقستان» مەملەكەتتىك باعدارلاماسى ودان بولەك كوپتەگەن سالانىڭ قانات جايۋىنا مۇمكىندىك اشادى. ماسەلەن, ەڭبەك نارىعى. ياعني حالىققا جاڭا جۇمىس ورىندارى اشىلادى. قازاقستان رەسپۋبليكاسى ازاماتتارى جاڭا تەحنولوگيامەن تانىسۋ مۇمكىندىگىن الادى. «سيفرلىق قازاقستان» مەملەكەتتىك باعدارلاماسى اياسىندا it سەكتورىنىڭ ۇلەسىن ەكى جىلدان كەيىن, ياعني ەكى مىڭ جيىرماسىنشى جىلى بەس پروسەنتكە جەتكىزۋ مىندەتى تۇر. بۇل ماقساتقا قول جەتكىزۋ ءۇشىن ءجۇز ەلۋ مىڭ جاڭا جۇمىس ورنى اشىلادى. سايكەسىنشە, ءجۇز ەلۋ مىڭ ادامعا جاڭا مۇمكىندىك بەرىلەدى, ءجۇز ەلۋ مىڭ ادام جۇمىسپەن قامتىلادى. ءوزىنىڭ پوتەنسيالىن اشىپ, الەمدەگى جاعىمدى وزگەرىسكە ءبىر تابان جاقىنداپ, ونىڭ ءبىر بولشەگى بولۋ مۇمكىندىگىنە يە بولادى. ساراپشىلاردىڭ ەسەبى بويىنشا, ءجۇز ەلۋ مىڭ ادامعا جۇمىس ورنىن ۇسىنۋ ەڭبەك ونىمدىلىگىن وتىز جەتى پروسەنتكە ارتتىرادى. بۇل وتە جاعىمدى تەندەنسيا بولماق.

«سيفرلىق قازاقستان» مەملەكەتتىك باعدارلاماسى وتە ۇتىمدى جوبا ەكەنىن اركەز دالەلدەپ كەلەدى. سەبەبى, ونىڭ استارىندا حالىقتىڭ الەۋمەتتىك ءحالىن جاقسارتۋ, ءومىر ءسۇرۋ دەڭگەيىن كوتەرۋ, قوعامدى دەندەگەن, قوردالانعان الەۋمەتتىك ماسەلەلەردىڭ وڭ شەشىمىن تابۋىنا ىقپال ەتۋ, حالىقتىڭ تۇرمىس دەڭگەيىن جاڭا ساتىعا كوتەرۋ ماقساتى تۇر. بۇل رەتتە قازاقستان رەسپۋبليكاسى پرەزيدەنتى نۇرسۇلتان ءابىشۇلى نازارباەۆتىڭ دامىعان, وركەنيەتتى وتىز ەلدىڭ قاتارىنا ەنۋ جوسپارى دا بار.

ەلباسىنىڭ بەرگەن ناقتى تاپسىرماسى اياسىندا ءبىرقاتار مىندەت قويىلدى. ولارعا جەكە-جەكە توقتالىپ وتەلىك. قازاقستان رەسپۋبليكاسى پرەزيدەنتى نۇرسۇلتان ءابىشۇلى نازارباەۆتىڭ بەكىتكەن تاپسىرماسى اياسىندا ەكى مىڭ جيىرماسىنشى جىلعا دەيىن قازاقستان رەسپۋبليكاسىندا ينتەرنەتتى پايدالانۋشى حالىقتىڭ پايىزدىق كورسەتكىشى سەكسەن پايىزدان اسىرۋ مىندەتى تۇر.

بۇل ءۇشىن ارنايى «سيفرلىق قازاقستان» مەملەكەتتىك باعدارلاماسى قابىلداندى. ونىڭ اياسىندا كوپتەگەن مىندەتتەر تۇر. ياعني, قازاقستان رەسپۋبليكاسى تۇرعىندارىنىڭ توقسان بەس پايىزىن ەكى مىڭ جيىرما بەسىنشى جىلعا دەيىن سيفرلى حابار تاراتۋمەن قامتاماسىز ەتۋ.

«سيفرلىق قازاقستان» مەملەكەتتىك باعدارلاماسى شەڭبەرىندە, ەكى ءجۇز قىرىق ءتورت راديو جانە تەلەۆيزيالىق ستانساسى ىسكە قوسىلدى. «سيفرلىق قازاقستان» مەملەكەتتىك باعدارلاماسى اياسىندا ورتا ءبىلىم بەرەتىن مەكەمەلەردە, ياعني مەكتەپتەردە wi-fi جۇيەسىن ورناتۋ جوسپاردا بار.

قازاقستان رەسپۋبليكاسى ازاماتتارىنىڭ زامان كوشىنەن قالماي, ءومىردى بىرنەشە ساتىعا كوتەرۋدى كوزدەيتىن «سيفرلىق قازاقستان» مەملەكەتتىك باعدارلاماسى بىرنەشە باعىت بويىنشا ناتيجەلى جۇمىس ىستەپ جاتقانىن اتاپ ءوتۋ كەرەك.

بىرىنشى باعىت – اۋىل وڭىرلەرى تۇرعىندارىنىڭ  كەڭ جولاقتى ينتەرنەتكە قول جەتىمدىلىگىن ارتتىرۋ.

ەكىنشى باعىت– قازاقستان رەسپۋبليكاسى ەكونوميكاسىنىڭ, ونىڭ ىشىندە قارجى جۇيەسىندەگى سالالارعا ساندىق تەحنولوگيانى بەكىتۋ. جەكە اتاپ وتەر بولساق, ولار:  كولىك جانە لوگيستيكا, دەنساۋلىق ساقتاۋ, ءبىلىم بەرۋ, اۋىل شارۋاشىلىعى جانە ەلەكتروندى ءساۋدا.

ۇشىنشى باعىت – قازاقستان رەسپۋبليكاسىنىڭ مەملەكەتتىك ورگاندار جۇمىسىن ءجاقسارتۋ.

تورتىنشى باعىت – قازاقستان رەسپۋبليكاسىندا it مامانداردى دايارلاۋ.

التىنگۇل ءومىرزاقوۆا