«سيفرلىق قازاقستان» نەگىزگى بەس باعىت بويىنشا جۇزەگە اسادى

قازاقستاندا سيفرلىق جۇيەگە كوشۋ جولىندا ءتۇرلى شارالار اتقارىلىپ جاتىر. قازاقستان زامان تالابىنا ساي بولىپ, الەمدەگى وتە جىلدام ءجۇرىپ جاتقان it سالاسىنداعى وزگەرىستەر قازاقستان رەسپۋبليكاسىن ساندىق جۇيەگە كوشۋگە ماجبۇرلەيدى.

قازاقستان رەسپۋبليكاسى ۇكىمەتى بىلتىر 12 جەلتوقساندا  № 827 قاۋلىسىمەن «سيفرلىق قازاقستان» مەملەكەتتىك باعدارلاماسىن بەكىتتى. بۇل تۋرالى اقپارات جانە كوممۋنيكاسيالار مينيسترلىگىنىڭ ءباسپاسوز قىزمەتى مالىمدەدى.

«سيفرلىق قازاقستان» مەملەكەتتىك باعدارلاماسىنىڭ ەڭ باستى ماقساتى - سيفرلىق تەحنولوگيالاردى قولدانۋ مەن جەتىلدىرۋ ارقىلى  قازاقستان رەسپۋبليكاسى ەكونوميكاسىنىڭ باسەكەگە قابىلەتتى ەتۋ جانە قازاقستان حالقىنىڭ ءومىر ساپاسىن جاقسارتۋ. 

«سيفرلىق قازاقستان» جوباسىن ىسكە اسىرۋ ەكى باعىتپەن جاسالادى دەپ جوسپارلانۋدا. ولارعا جەكە-جەكە  توقتالىپ وتەتىن بولساق, ورتاشا مەرزىمدى بولاشاقتا «قازىرگى ەكونوميكانى سيفرلاندىرۋ». ەكىنشى باعىت -  ۇزاق مەرزىمدى كەلەشەكتە «بولاشاقتىڭ سيفرلىق يندۋسترياسىن قۇرۋ» جوسپارى بار.

«سيفرلىق قازاقستان» مەملەكەتتىك باعدارلاماسى اياسىندا جوسپارلانعان ءجۇز جيىرما ءىس-شارا سيفرلىك سالانىڭ ەكونوميكانىڭ تىڭ سالاسى رەتىندە ىرگەتاسىن قالاپ, وزەكتى بەس باعىت بويىنشا ىسكە اسىرىلاتىن بولادى. ول بەس باعىتتى اتاپ وتەيىك:

بىرىنشى باعىت: «ەكونوميكا سالالارىن سيفرلاندىرۋ».

ەكىنشى باعىت: «سيفرلىق مەملەكەتكە كوشۋ».

ۇشىنشى باعىت:  «سيفرلىق جىبەك جولىن ىسكە ءاسىرۋ».

تورتىنشى باعىت: «ادامي كاپيتالدى دامىتۋ».

بەسىنشى باعىت: «يننوۆاسيالىق ەكوجۇيەنى قۇرۋ».

«سيفرلىق قازاقستان» مەملەكەتتىك باعدارلاماسى اياسىندا وتكىزىلىپ جاتقان ءىس-شارالار قورىتىندىسى رەتىندە قازاقستان رەسپۋبليكاسىنىڭ ەكونوميكا سالالارىنداعى ەڭبەك كورسەتكىشتەرىنىڭ وسىمىنەن باسقا, 2022 جىلعا دەيىن ەلەكتروندىق ساۋدا-ساتتىقتى جالپى ساۋدا-ساتتىق كولەمىنىڭ 2,6% دەيىن ءوسىرۋ, سيفرلاندىرۋدىڭ ارقاسىندا 300 000 جاڭا جۇمىس ورىندارىن ءوسىرۋ, ينتەرنەت جەلىسىن قولدانۋشىلار ۇلەسىن 82% دەيىن, ال حالىقتىڭ سيفرلىق بىلىكتىلىگىن 83% ارتتىرۋ جوسپارلانۋدا.

«سيفرلىق قازاقستان» مەملەكەتتىك باعدارلاماسى قازاقستان رەسپۋبليكاسى تۇرعىندارى ءومىرىنىڭ بارلىق سالالارىن قامتي وتىرىپ, مەملەكەتىمىزدىڭ ءاربىر ازاماتىنىڭ ءومىر ءسۇرۋ دەڭگەيىن كوتەرۋدى ماقسات تۇتقاندىقتان باعدارلاما پايداسىن حالىق, كاسىپكەرلىك سۋبەكتىلەرى جانە قازاقستان رەسپۋبليكاسىنىڭ مەملەكەتتىك ورگاندارى بايقايدى. الدىن-الا ناقتى ەسەپتەۋ بويىنشا 2025 جىلعا قاراي ەكونوميكانى سيفرلاندىرۋدان بولاتىن تىكەلەي اسەر  1,7 - 2,2 تريلليون تەڭگە سومماسىندا قوسىمشا باعا جاساۋعا جاعداي تۋعىزادى.

«سيفرلىق قازاقستان» مەملەكەتتىك باعدارلامانى ىسكە اسىرۋ ءۇشىن قازاقستان رەسپۋبليكاسى پرەزيدەنتى نۇرسۇلتان ءابىشۇلى نازارباەۆ «قازاقستان-2050» ستراتەگياسىندا العا قويعان باسەكەلەستىگى جوعارى, دامىعان 30 مەملەكەت قاتارىنا 2050 جىلعا قاراي ەنۋىنە مۇمكىندىك بەرەتىن ماڭىزدى فاكتور بولۋى ابدەن مۇمكىن.