• usd 468.56

  • eur 497.56

  • rub 7.3

  • cny 67.18

29 ناۋرىز, 12:31:28
الماتى
+35°

08 قازان, 2018 الاش-وردا

(ۇزەكە جۇكەباەۆ اقساقالدىڭ ەستەلىگى)

حالقىمىزدىڭ اسا ارداقتى پەرزەنتى, اقىن جانە ادەبيەت زەرتتەۋشىسى ساكەن سەيفۋلليننىڭ عۇمىرناماسىن اياۋلى جارى گۇلباھرام باتىربەكقىزىنان بولە قاراۋعا بولمايدى. ءومىرىنىڭ سوڭىنا دەيىن ۇلى تۇلعانىڭ اسىل مۇراسىن كەيىنگى ۇرپاققا اماناتتاۋ جولىندا ايانباي ەڭبەك ەتكەن قازاقتىڭ قايسار قىزى تۋرالى ايتىلار ءساليحالى اڭگىمە جانە سۇبەلى ىزدەنىستەر ءالى دە جالعاسارى ءسوزسىز.

ساكەن سەيفۋللين مۋزەيىنىڭ جينالىس زالىندا مەملەكەت جانە قوعام قايراتكەرى ساكەن سەيفۋلليننىڭ ارداقتى جارى گۇلباھرام باتىربەكقىزى تۋرالى كەڭىنەن سىر شەرتىلگەن ءساليحالى كەزدەسۋ ءوتتى. قاجىرلى دا قايراتتى ابىز اقساقال ۇزەكە جۇكەباەۆ ءوزىنىڭ ءومىر وتكەلدەرىنە كەڭىنەن توقتالىپ, قازاقتىڭ قايسار قىزى گۇلباھرام تۋرالى ەستەن كەتپەس ەستەلىكتەرىمەن ءبولىستى.

ساكەن سەيفۋللين

«وتكەن كۇندە بەلگى بار»,- دەپ كونە كوزدەر تەگىن ايتپاسا كەرەك. توقساننىڭ سەڭگىرىنەن اسقان دانا قارت تەرەڭ تولعانىسپەن اڭگىمەسىن باستادى: «ساكەن ەلدىڭ اۋزىندا جۇرەتىن ۇلكەن ازامات بولاتىن. ءوزى اقىن, ءوزى جازۋشى سەگىز قىرلى ءبىر سىرلى جان ەكەنىن تالايلار تامسانىپ ايتۋشى ەدى. ارينە, مەن ساكەندى كورمەدىم. ءبىراق, ءومىردىڭ ءبىر جاعدايلارىمەن گۇلباھرام اپايمەن كەزدەسىپ كالدىق. وتباسىن قۇرىپ, وتاۋ يەسى بولعان كەزىمدە العاش كەزدەسۋدىڭ ءساتى ءتۇستى. سەبەبى, مەنىڭ ايەلىم مەن گۇلباھرام اپاي ءارى تانىس ءارى جەرلەس بولىپ شىقتى. العاش كورگەن كەزىم ساكەننىڭ ءالى اقتالماعان ۋاقىتى بولسا كەرەك. ءبىز ۇيىنە امانداسقالى بارعان كەزىمىزدە ءتوردىڭ توبەسىندە ءبىر قاراعان ادامدى وزىنە ەرىكسىز باۋرايتىن جانارى وتتى ادامنىڭ ءىلۋلى سۋرەتى بارىمىزگە ەرەكشە اسەر ەتكەن ەدى.

 – بۇل كىسى كىم ؟- دەپ سۇراعانىمدا:

- كەيىن ءبارىن بىلەتىن بولاسىڭ,- دەپ جاۋاپ بەرگەن ەدى اپاي. ويلاپ قاراسام سول ساكەننىڭ سۋرەتى ەكەن. ساكەن اقتالماعان سول اۋىر جىلداردا دا كوزىنىڭ قاراشىعىنداي قورعاپ سول سۋرەتتى اسپەتتەپ تورگە ءىلىپ قويعان ەكەن. كەرەك دەسەڭىز سول كەزدەگى تەرگەۋشىلەر: «ساكەن كۇيەۋىم ەمەس» - دەگەن سيپاتتا قولحات جازدىرۋعا ماجبۇرلەگەن كورىنەدى. سونداي سىن ساعاتتا بارىنە دە قايسارلىقپەن توزە ءبىلىپ, ناقتى جاۋاپ بەرىپ وتىرعان»,- دەپ تەرەڭ كۇرسىندى اقساقال.

بارىمىز دە ءۇنسىز قالدىق. بۇل كۇندەرى تاريحقا اينالعان قۋانىشىنان قاسىرەتى باسىم سول جىلداردى كوز الدىمىزعا اكەلگەن ابىز قارتتىڭ قوڭىر ءۇنى ۇنسىزدىكتى بۇزدى: «گۇلباھرام اپاي ۇزىن بويلى, اققۇباشا كەلگەن ادەمى جان ەدى. ادامگەرشىلىگى مول, وتە قايسار, ءادىل دە سىنشىل وسىنداي ايەل زاتىن كورگەن جوقپىن. مەن ءوزىم تالاي رەت كۋا بولدىم. سول كيەلى شاڭىراقتان ۇنەمى قوناق ۇزىلمەۋشى ەدى. ساكەننىڭ شاكىرتى امەن قايداروۆ بار, تاعى باسقالار بار, سول ۇيدە ۇنەمى باس قوسىپ تۇراتىن. ءبىر كۇنى «ساكەن اقتالدى» دەگەن ءسۇيىنشى حاباردى ەستىدىك. جۇرەگىمىز جارىلا جازداپ قۋاندىق. ەكى وكپەمىزدى الىپ ۇشىپ گۇلباھرام اپايعا جەتىپ بارساق, ۇيىنە كوپ ادامدار جينالعان ەكەن. ساكەننىڭ قولجازبالارى مەن ءارتۇرلى ماتەريالدارى, كيگەن كيىمدەرى, ءوزىنىڭ تۇتىنعان زاتتارى ءۇيدىڭ ىشىندە جايناپ تۇر. جيىلعان كوپشىلىكتىڭ بارلىعى تاڭىرقاي «بۇنشا دۇنيەنى قالاي ساقتادىڭىز؟»- دەپ سۇراعاندارعا گۇلباھرام اپاي: ء«بىر كۇنى ساكەن ايتتى. ەلدىڭ ءبارىن ۇستاپ جاتىر. ەرتەڭ ءبىزدى دە ۇستاپ قالۋى مۇمكىن». سول ءۇشىن دە كەيبىر ماڭىزدى زاتتاردى سەنىمدى ءبىر ادامعا تاپسىرۋ كەرەك بولعان ەكەن. سول ادام الماتى وبلىسى, جامبىل اۋدانىندا كولحوز ءتوراعاسى بولعان, ساكەن ۇستالىپ كەتكەن سوڭ گۇلباھرام اپايعا ەرەكشە جاردەمى تيگەن راحىمقۇل ەكەنىن كوپ وتپەي ءبىلدىم. سودان باستاپ وسى اڭگىمەنى تالاي جەردە ايتىپ ءجۇردىم»,- دەپ ءسوزىن تۇيىندەدى ابىز قارت.

كورگەنى كوپ, كوكىرەگى وياۋ اقساقالدىڭ اڭگىمەسىنە ۇيىعانىمىز سونداي, تاعى دا ايتا تۇسسە ەكەن دەگەن ويمەن ءۇنسىز وتىرمىز. بىرىنەن كەيىن ءبىرى ساباقتاسىپ جاتقان اڭگىمەنى بۇزعىمىز كەلمەدى. ازداعان ۇنسىزدىكتەن سوڭ جابىرقاڭقى كۇيمەن اڭگىمەسىن ساباقتادى: «سول ۋاقىتتا وسىنداي ەستەلىك ايتىپ وتىرام دەپ ەشقاشان ويلاماعان ەدىم. قازىرگى كۇندە كوپ نارسەنى ۇمىتقان سەكىلدىمىن. گۇلباھرام اپاي مىنا دۇنيەمەن قوشتاسقان ساتىندە مەن موسكۆادا ءجۇر ەدىم. قايعىلى حاباردى سول جەردەن ەستىدىم. كەيىن ۇيدەگى اپالارىڭ بارلىعىمىز ءۇشىن ماڭىزدى ءبىر نارسەنى وسى ۋاقىتقا دەيىن ساقتاپ ءجۇردى»,- دەپ مۇڭايعان اقساقال سونداعى گازەتتەردىڭ بىرىندە جارىق كورگەن گۇلباھرام باتىربەكقىزىنىڭ ومىردەن وتۋىنە بايلانىستى جازۋشىلار وداعىنىڭ ءدۇيىم جۇرتقا كوڭىل ايتقان قارالى حابارلاماسىنىڭ ءتۇپنۇسقاسىن مۋزەي قورىنا تاپسىردى.

گۇلباھرام سەيفۋللينا

ارداقتى اقىننىڭ اياۋلى جارى تۋرالى كوڭىلدى تەبىرەنتەر سىرلارىمەن بولىسكەن ابىز اقساقالعا ساكەن سەيفۋللين مۋزەيى اتىنان ەستەلىك رەتىندە كىتاپتار ۇسىنىلدى. عيبراتقا تولى وسىنداي اسەرلى كەزدەسۋلەر الداعى ۋاقىتتا دا جالعاسىن تابا بەرمەك.

 

الاش ءتۇرسىنالى

ساكەن سەيفۋللين مۋزەيىنىڭ

عىلىمي-اعارتۋ ءبولىمىنىڭ قىزمەتكەرى

 

 

zhazira baidaly

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر