تۇرعىندار «ە-كسك» ارقىلى قارجىلىق ەسەپتەردەن حاباردار بولىپ وتىرادى

اتالعان جۇيەنىڭ ءموبيلدى قوسىمشاسى ارقىلى پاتەر يەلەرى كووپەراتيۆىنىڭ قارجىلىق ەسەبى تۋرالى اقپارات الادى. بۇل تۋرالى «ەلوردانى تۇراقتى دامىتۋ ورتالىعى» كومپانياسىنىڭ ديرەكتورىنىڭ ورىنباسارى ماكانوۆا اگلەن مالىمدەدى, دەپ حابارلايدى qamshy.kz اقپارات اگەنتتىگى digitalkz.kz سايتىنا سىلتەمە جاساپ.

«ە-كسك» ءموبيلدى قوسىمشاسىنىڭ بىرنەشە پايدالانۋ مۇمكىندىگى بار.   

«موبيلدى قوسىمشا, تۇرعىندارعا جانە قوناقتارعا ارنالعان, ولار بۇل قوسىمشانىڭ ىشىندە پاتەر يەلەرىنىڭ كووپەراتيۆى, تۇرعىن ۇيلەر تۋرالى ماڭىزدى اقپاراتقا قول جەتكىزە الادى. سونىمەن قاتار بۇگىنگى تاڭدا كوپتەگەن تۇرعىنداردىڭ نەگىزگى سۇراقتارى – پاتەر يەلەرى كووپەراتيۆتەرىنە (پيك) اي سايىن تولەنىپ وتىراتىن ەكسپلۋاتاسيوندىق شىعىنداردىڭ قايدا كەتەتىندىگى كورىنىپ تۇرادى», – دەدى ا. ماكانوۆا.

بۇل جۇيە ارقىلى شەشىلگەن باستى ماسەلەلەر قارجىلىق ەسەپ شىعىندارى, ەلەكتروندى وتىنىشتەر قابىلداۋ ت.ب. بولىپ تابىلادى. ءموبيلدى قوسىمشادا ءار پاتەر يەسىنىڭ وزىنە ارنالعان جەكە كابينەتى بولادى, جەكە كابينەتكە كىرۋ ارقىلى وتىنىشتەر جىبەرىپ, ەسەپتەردى قاراي الادى.

«پاتەر يەلەرى بۇگىندە پيك-كە قاندايدا ءبىر ءوتىنىش جىبەرگىسى كەلسە ەلەكتروندى تۇردە جىبەرە الادى. ونىڭ ءبارى پيك-كە اۆتوماتتى تۇردە تۇسەدى. ودان كەيىن ءار قىزمەتكەرگە وزدەرىنىڭ ىشكى پورتالدارىنا قويىلعان سۇراقتار نەمەسە جىبەرىلگەن وتىنىشتەر بويىنشا جۇمىس جۇرگىزىپ, تەز ارادا  شەشىمىن تاۋىپ كەرى بايلانىس جاسايدى.

سونداي-اق, ءموبيلدى قوسىمشا ءالى دە تولىقتىرىلۋ ۇستىندە, الداعى ۋاقىتتا بارلىق پيك ءبىر جۇيەگە كەلتىرىلەتىندەي وفيسكە بارۋدى قاجەت ەتپەيتىن, 1س باعدارلاماسى ارقىلى ەسەپتى اۆتوماتتى تۇردە كورسەتىپ وتىراتىن جوبا دايىندالۋدا.

«ەكەۋىندە ءقازىر بايلانىس بار.  پيك قاراجاتتاردىڭ قوزعالىسىن ياعني شىعىندارى مەن كىرىستەرى بويىنشا اقپاراتتار اۆتوماتتى تۇردە «ە-كسك» ءتۇسىپ وتىرادى. ول جەردە اناليتيكالىق دياگراممالار تۇرىندە تۇرعىندارعا ىڭعايلى كۇيىندە اقپارات  جەتكىزۋ ءۇشىن بارلىق وڭ شەشىمدەردى قابىلداۋ ۇستىندەمىز. ونىڭ بارلىعى اۆتوماتتى تۇردە جاسالىپ تۇرادى. پيك ءۇشىن تولەمدەر كۇندەلىكتى قابىلدانىپ وتىرادى, ونىڭ بارلىعىنىڭ ءبولىنىسى اۆتوماتتاندىرىلعان, سوندىقتان وپەراتيۆتى تۇردە بارلىق اقپارات جاڭارتىلىپ وتىرادى. ودان كەيىن مۇنىڭ ءبارى تۇرعىندارعا كورسەتىلەدى», – دەپ ايتىپ ءوتتى ول.

ايتا كەتەلىك, «ە-كسك» استانا قالاسى بويىنشا بارلىق اۋدانداردا قولدانىسقا ەنگىزىلگەن. بۇگىنگى تاڭدا قالانىڭ بارلىق اۋداندارىنا تاراتىلۋدا.  الداعى ۋاقىتتا جاستار شاعىن اۋدانىنداعى «اقىلدى اۋدان»  جوباسىنا قاتىسۋ جوسپارلانعان.