ەلوردانىڭ كوشە قيىلىستارىندا «ينتەللەكتۋالدىق جاياۋجول وتكەلى» ورناتىلدى

«اقىلدى اۋدان» جوباسىنىڭ اياسىندا «بايقوڭىر» اۋدانىنىڭ كراۆسوۆ جانە ۋاليحانوۆ كوشەلەرىنىڭ قيىلىسىندا «ينتەللەكتۋالدىق جاياۋجول وتكەلى» ورناتىلدى, دەپ حابارلايدى qamshy.kz اقپارات اگەنتتىگى digitalkz.kz سايتىنا سىلتەمە جاساپ.

«ينتەللەكتۋالدىق جاياۋجول وتكەلى» «safe way company.kz» كومپانياسىنىڭ يننوۆاسيالىق كەشەنى بولىپ تابىلادى.

«اقىلدى» جاياۋجول وتكەلى ادام جاقىنداعان كەزدە جۇمىس ىستەي باستايتىن قۇرىلىم. تۇنگى ۋاقىتتا بەلگىنىڭ جارىق ءارى كولەمدى بولۋىنان, جۇرگىزۋشى الداعى كەدەرگىنى الدىن الا كورىپ كولىكتى توقتاتۋعا, ال جاياۋ جۇرگىنشى جولدى كاۋىپسىز وتۋگە مۇمكىندىك الادى», – دەدى ە. كاناليموۆ.

سونداي-اق, «ينتەللەكتۋالدىق جاياۋجول وتكەلى» ەلەكتر توعىن قاجەت ەتپەيدى, ول تابيعي جولمەن – كۇن مەن جەل ەنەرگياسىنان قۋات الادى. كەشەن قاتتى اياز بەن اپتاعان ىستىققا ءتوزىمدى. سونىمەن قاتار, بۇل حالىقارالىق «shell» كونسەرنى تاراپىنان قولداۋ كورسەتىلىپ جاسالىنعان, الەمدە بالاماسى جوق قازاقستاندىق جوبا ەكەنىن اتاپ وتكەن ءجون.

2018 جىلدىڭ 2 ماۋسىمىندا استانادا «بايقوڭىر» جاڭا اۋدانىنىڭ تۇرعىندارىنا «اقىلدى اۋدان» جوباسىنىڭ تانىستىرىلىمى وتكىزىلگەن بولاتىن. ول قالانىڭ ەسكى بولىگىندە: «جاستار» ىقشام اۋدانىندا, باراەۆ, كراۆسوۆ, تاشەنوۆ جانە حۋسەين كوشەلەرىندە ورنالاسقان.

ايتا كەتەلىك, جاڭاشىلدىقتى ەنگىزۋگە جاۋاپ بەرۋشى «astana innovations» اق, ەلوردادا «بولاشاق ارالىن» قۇرۋدى ينۆەستورلاردىڭ قارجىسىنا جوسپارلانعان. وسىنداي جاڭا ۇلگىدەگى اۋدان قۇرۋ بولاشاقتا سالىناتىن شاعىن اۋداندارعا باعدار بولادى. جوبانى جاساۋشىلار «جاستار» شاعىن اۋدانىن سەبەپسىز تاڭداماعان, ونىڭ قالانىڭ تەڭ ورتاسىندا ورنالاسقانى, توعىز جولدىڭ تورابىندا تۇرعانى جانە قالانىڭ قاي باعىتىنان كەلسەڭىز دە ىڭعايلى ورنالاسقانى ەسكەرىلگەن. جوبالاۋشىلار مول قارجى جۇمساماي-اق تۇرعىندارعا جايلى, ءومىر سۇرۋگە قولايلى, دۇرىس ساۋلەتتىك ۇلگىدەگى جانە جاڭا تەحنولوگيالارعا نەگىزدەلگەن «اقىلدى» اۋدان قۇرماق.

ەنگىزىلەتىن جاڭا تەحنولوگيالار اراسىندا قىستا جىلىتىلاتىن «اقىلدى» جاياۋ جۇرگىنشىلەر جولدارى, كولىك تورابىن جوسپارلايتىن جۇيەلەر, ءموبيلدى كاسىپكەرلىكتى دامىتۋ باعدارلامالارى, «اقىلدى» جارىقتاندىرۋ, قوقىستى جەكەلەپ ساقتاۋ جانە ت.ب. بار.

سونىمەن قاتار, سمارت ولشەۋىشى بار «اقىلدى» ءۇي سالۋ جوسپارلانۋدا. بۇل عيمارات ەنەرگيانى, سۋدى تۇتىنۋدى, جەڭىل جانە باسقا كوممۋنالدىق تاۋارلاردى باقىلاۋعا مۇمكىندىك بەرەدى. ماسەلەن, «اقىلدى» اۋداندا «smart metering» جاڭارتىلعان سۋەسەپتەگىشتەرى بار «اقىلدى ءۇي» بوي كوتەرەتىن بولادى.