• usd 468.56

  • eur 497.56

  • rub 7.3

  • cny 67.18

29 ناۋرىز, 17:03:07
الماتى
+35°

02 شىلدە, 2018 سەگىز ءورىم

مەملەكەتتىك تۋعا – ايىپپۇل, ...كسرو-نىڭ جالاۋىن جايىپ تۇر

ابدىمالىك الشىنباەۆ كەلمەسكە كەتكەن كەڭەس وكىمەتىنىڭ مىنا قىزىل جالاۋىن ءجيى كورەتىنىن ايتىپ وتىر. ونىڭ يەسىنە ء"؛اي دەيتىن اجا, قوي دەيتىن قوجا جوق"؛ سياقتى.

تاياۋدا ءبىزدىڭ رەداكسيامىزعا ابدىمالىك الشىنباەۆ اتتى استانا قالاسىنىڭ تۇرعىنى حابارلاستى. ونىڭ ايتۋىنشا, ءىلياس ەسەنبەرلين كوشەسى, ء21-ۇيدىڭ بۇيىرىندە ورنالاسقان "رومانوۆ" دۇكەنىنىڭ يەسى شوۆينيستىك پيعىل تانىتىپ, ەسىگىنىڭ الدىنا كەلمەسكە كەتكەن كسرو-نىڭ جالاۋىن جەلبىرەتىپ ءىلىپ قويعان.

رەتى كەلگەندە, ءبىز شاعىمدانۋشىنىڭ وزىمەن جولىعىپ, ونىمەن بىرگە 1960 جىلى سالىنعان 3 قاباتتى ۇيلەردىڭ بىرىندەگى اتالمىش دۇكەنگە باس سۇقتىق. سىرتىندا "انتيكۆارنايا لاۆكا" دەگەن جازۋى بار ەكەن. ءوزىن تانىستىرۋدى قۇپ كورمەگەن ساتۋشى بۇل دۇكەندە اتى ايتىپ تۇرعانداي, تەك سيرەك كەزدەسەتىن بۇيىمدار, كونە جادىگەرلەر ساتىلاتىنىن, الگى قىزىل جالاۋدى سولاردىڭ ءبىرى رەتىندە جارنامالاپ ءىلىپ قويعاندىعىن العا تارتىپ, اقتالدى. ءبىراق, ول ءۇشىن جەرگىلىكتى بيلىكتەن رۇقسات الماعان.

1960

تۋ

تۋ

ەسكە سالا كەتسەك, 2015 جىلى ەلوردانىڭ جاندوس قۇرمانباەۆ اتتى تۇرعىنىنا بالكونعا ءوزىمىزدىڭ كوك بايراقتى ءىلىپ قويعانى ءۇشىن 396 مىڭ 400 تەڭگە ايىپپۇل سالىنعانى ءمالىم. ال ابدىمالىك الشىنباەۆ كەلمەسكە كەتكەن كەڭەس وكىمەتىنىڭ مىنا قىزىل جالاۋىن ءجيى كورەتىنىن ايتىپ وتىر. ونىڭ يەسىنە ء"اي دەيتىن اجا, قوي دەيتىن قوجا جوق" سياقتى. سوندىقتان سىرتقا كۇندە تاڭەرتەڭ ءىلىپ قويىپ, كەشكە دۇكەن جابىلاتىن كەزدە ءبىر-اق جيناپ الاتىن كورىنەدى. كىرەبەرىسكە قارسى تەرەزەگە سوندايدىڭ تاعى ءبىرىن مەنمۇندالاتىپ تۇتىپ قويعان. ساتۋشى وزگە ۇلت وكىلى ونىڭ دا سەبەبىن تۇسىندىرمەستەن, دۇكەندى جاۋىپ, كولىگىنە وتىرىپ الىپ, تايىپ تۇردى.

تۋ

تۋ

– ەگەر كونە جادىگەرلەر ساتاتىن دۇكەنىنە جارناما قاجەت بولسا, ونىڭ سىرتىنا مەملەكەتتىك رامىزدەن باسقا بۇيىمدى قويۋىنا بولار ەدى عوي. مەن ساتۋشىنىڭ بۇنىسىن كەڭەس وكىمەتىن كوكسەگەن كورگەنسىزدىك, شوۆينيستىك پيعىل دەپ قانا قابىلدايمىن. جالعىز مەن ەمەس, مىنا ەسكى جالاۋدى كورگەن كەز كەلگەن وتانداسىمىز سويتەدى دەپ ويلايمىن, – دەپ اشىنۋدا ابدىمالىك الشىنباەۆ.

شاعىم يەسى استاناعا شىمكەنت قالاسىنان 14 جىل بۇرىن كوشىپ كەلگەن ەكەن. ءوزىنىڭ ايتۋىنشا, سودان بەرى كورەر كوزگە ەرسى كورىنەتىن مىناداي سوراقىلىقتاردى سۋرەتكە ءتۇسىرىپ الىپ, ونى استانا قالالىق تىلدەردى دامىتۋ باسقارماسىنا اپارىپ كورسەتكەن. الايدا, ول ارەكەتىنەن ەش ناتيجە شىقپاپتى. باسقارما ماماندارى "زاڭ بويىنشا سولاي عوي, بىلاي عوي" دەپ سيپاي قامشىلاپ, ارتىن سيىرقۇيىمشاقتاتىپ, شىعارىپ سالاتىن كورىنەدى.

سوندا دەيمىز-اۋ, قۇزىرلى ورعاندار نەگە ءوز پاتريوتتىعىن پاش ەتىپ, كوك بايراعىمىزدى بالكونعا ىلگەن جىگىتكە "تۋدى قورلادىڭ" دەپ ايىپپۇل سالىپ, كادىمگى وراق پەن بالعا بەدەرلەنگەن كەڭەستىك جالاۋدىڭ تۇتاس ەلدىگىمىزدى قورلاۋ ەكەنىن بىلمەي قالۋى كەرەك؟! سونداي كوڭىلجىقپاس جالتاقتىعىمىزدىڭ تاعى ءبىر كورىنىسى – ارقالىق پەن دەرجاۆين قالالارىنىڭ اراسىنداعى جاڭادالا اۋىلىنىڭ سىرتىنداعى وراق پەن بالعا بولىپ تۇر. كەشە ارقالىق قالاسىنا جولىمىز تۇسكەندە, كەڭەس داۋىرىنەن قالعان ويىق جولدا سەكەڭدەپ كەلە جاتىپ, ونى دا سۋرەتكە ءتۇسىرىپ الدىق...

جانادالا

 

ەركەعالي بولاتۇلى

erkegali bolatuly

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر