• usd 468.56

  • eur 497.56

  • rub 7.3

  • cny 67.18

28 ناۋرىز, 18:34:16
الماتى
+35°

13 ماۋسىم, 2018 مەملەكەتتىك باعدارلامالار

الماتىداعى وپەرا جانە بالەت تەاترىندا استانانىڭ 20 جىلدىعىنا وراي كونسەرت وتەدى

ونسەرت نۇرجان بايبوسىنوۆتىڭ جەتەكشىلىگىمەن قر مەملەكەتتىك اكادەميالىق سيمفونيالىق وركەسترىنىڭ مۋزىكالىق سۇيەمەلدەۋىمەن وتەدى.

 

2018 جىلدىڭ 13 ماۋسىم كۇنى الماتى تۇرعىندارى مەن قالا قوناقتارىنا ارناپ  قر تۇڭعىش پرەزيدەنت قورىنىڭ لاۋرەاتتارى جىل سايىنعى «جۇرەكتەگى ارمانمەن, شىڭدارعا شىعۋ جولىندا!» اتتى كونسەرتىن وتكىزەدى. كلاسسيكا مۋزىكاسىنىڭ جۇلدىزدارى ءداستۇرلى تۇردە اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا جينالادى, دەپ حابارلايدى qamshy.kz

استانانىڭ 20-جىلدىعىن مەرەكەلەۋگە وراي ەۋرازياداعى ەڭ ۇلكەن تەاترلاردىڭ بىرىندە ەڭ تانىمال مۋزكالىق تۋىندىلار ورىندالادى. ولاردىڭ ىشىندە «اباي» وپەراسىنان ابايدىڭ ارياسى, «سترانا ۋلىبوك» وپەراسىنان ليزا جانە سۋ چونگتىڭ دۋەتى, «كارمەن» وپەراسىنان پوپۋرري, «تايس» وپەراسىنان «مەديتاسيا» بار. الەمگە ايگىلى بۇل تۋىندىلاردى وتاندىق مادەنيەت جانە ونەر سالاسىنداعى جاڭا تانىمال وكىلدەرى - قر تۇڭعىش پرەزيدەنت قورىنىڭ لاۋرەاتتارى ورىندايدى.

مۋزىكا كەشىندە قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى, رەسپۋبليكالىق جانە حالىقارالىق شىعارماشىلىق كونكۋرستار مەن فەستيۆالدەردىڭ جەڭىمپازدارى: مەدەت شوتاباەۆ, تالعات مۇساباەۆ, تاتيانا ۆيسينسكايا, گاۋحار taسبەرگەنوۆا, ەرمەك قۇرماناەۆ, بيبىگۇل جانۇزاق, قر مەملەكەتتىك تريوسى - «forte trio» جانە باسقا ونەر مايتالماندارى ءوز شەبەرلىگىن كورسەتەدى.

وپەرا جانە بالەتتىڭ حاس شەبەرلەرى «ۇلكەن وپەرا» تاقىرىبىنا ارنالعان كونسەرتتىك باعدارلامامەن ساحناعا شىعادى. بۇگىنگى كۇنى «ۇلكەن وپەرا» - الەمدىك زاماناۋي مۋزىكالىق باعىتتار سياقتى تانىمال حالىقارالىق ترەند. «جۇرەكتەگى ارمانمەن, شىڭدارعا شىعۋ جولىندا!» اتتى كونسەرتىن وتكىزۋدىڭ باستى ماقساتى ءار ءتۇرلى تىڭدارماندارعا اكادەميالىق مۋزىكاعا دەگەن قىزىعۋشىلىعى مەن سۇيىسپەنشىلىگىن ارتتىرۋ بولىپ تابىلادى.

- مادەنيەت - مەملەكەتتىڭ رۋحاني نەگىزى. قوعام ۇلتتىق ونەردى ساقتاۋ ءۇشىن شىعارماشىلىق تۇلعانى دامىتۋعا جاعداي جاساۋ كەرەك. وسى ورايدا قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ قىزمەتى وتە ماڭىزدى. ون جىل بويى ءبىز تالانتتى جاستاردى قولداپ كەلە جاتىرمىز. قور لاۋرەاتتارىنىڭ كونسەرتى – كلاسسيكا مۋزىكاسىنىڭ مايتالماندارىن ەلىمىزگە تانىستىرۋ بولىپ تابىلادى. بۇل كەشتە ءوز تالانتتارىن كورسەتەتىن جۇلدىزدارىمىز شىعارماشىلىق جولىندا ەشقانداي كەدەرگى بولماۋى ءتيىس ەكەنىن دالەلدەيتىنىنە سەنىمدىمىن, - دەپ اتاپ ءوتتى قر تۇڭعىش پرەزيدەنت قورىنىڭ الماتى قالاسىنداعى وكىلدىگىنىڭ ديرەكتورى سەرگەي توحتاروۆ.

قر تۇڭعىش پرەزيدەنت قورىنىڭ جاس, دارىندى جانە شىعارماشىل جاستارعا قولداۋ كورسەتۋ ءداستۇرى 10 جىل بۇرىن تۋدى. كوپتەگەن ارتىستەر ءۇشىن بۇل قولداۋ كاسىبي سالادا تابىسقا جەتۋگە العاشقى قادامداردىڭ ءبىرى بولدى. قوردىڭ لاۋرەاتتارعا ارنالعان جىل سايىنعى كونسەرتى ولاردىڭ شەبەرلىگىن حالىققا كورسەتۋدىڭ تاماشا مۇمكىندىكتەرىنىڭ ءبىرى ءبولۋدا.قازىر قور لاۋرەاتتارىنىڭ ەسىمدەرى تەك قازاقستاندا عانا ەمەس, سونىمەن قاتار شەتەلدە  دە بەلگىلى. ولار حالىقارالىق كونكۋرستار مەن فەستيۆالداردا ءوز ونەرلەرىن كورسەتە وتىرىپ, قازاقستانىمىزدىڭ دارىندى ونەر يەلەرىنە باي ەكەندىگىن دالەلدەۋدە. كونسەرتكە قازاقستان, رەسەي مەن ەۋروپاعا كەڭىنەن تانىمال وتاندىق وپەرا جۇلدىزى سۇندەت بايعوجين دە قاتىسادى. بيىلعى جىلى لاۋرەاتتاردىڭ كونسەرتىنىڭ تاعى ءبىر ەرەكشەلىگى - استانامىزعا ارنالعان فوتوكورمەنىڭ ءوتۋى. «استانا - ۇلى دالا جاۋھارى» اتتى فوتوكورمە ەلوردانىڭ جەتىستىكتەرىن كورسەتىپ, زاماناۋي قازاقستانعا جاڭا كوزقاراسپەن قاراۋعا مۇمكىندىك بەرەدى. كونسەرت نۇرجان بايبوسىنوۆتىڭ جەتەكشىلىگىمەن قر مەملەكەتتىك اكادەميالىق سيمفونيالىق وركەسترىنىڭ مۋزىكالىق سۇيەمەلدەۋىمەن وتەدى. سونىمەن قاتار, كونسەرت بارىسىندا تىڭدارماندارعا مۋلتيمەديالىق تەحنولوگيالاردىڭ كومەگىمەن ەستە قالار شوۋ قويىلماق دەيدى ۇيىمداستىرۋشىلار.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر