ق. قاسىموۆتىڭ قولاستىندا سۋتەنەردىڭ قانشا سۇيەۋشىسى بار؟

سەكس-قۇلدىقتان قاشىپ شىعىپ, كوپتىڭ اراشالاۋىمەن عانا باسىنا بوستاندىق العان, ءبىراق ەرتەڭىنە ءالى دە ۇرەيمەن قارايتىن راۋشان ەسىمدى قىزدىڭ تاعدىرى ەلدىڭ جاعاسىن ۇستاتتى. ؛ بۇل تۋرالى «؛قامشى»؛ پورتالى العاش بولىپ دابىل كوتەرىپ, ءتىپتى ؛ قر باس پروكۋرورى مەن قر ىشكى ىستەر مينيسترىنەن, سونداي-اق, قر ادام قۇقىقتارى جونىندەگى ۋاكىلدەن ءتيىستى شارا قولدانۋدى تالاپ ەتكەنىن وقىرمان جاقسى ءبىلۋى ءتيىس. ەندىگى ماسەلە &ndash؛ «؛ارى قاراي نە بولادى؟»؛ دەگەن سۇراقتان ءوربيدى. ەگەر وسى وقيعا پريتون ۇيىمداستىرعان بىرەر سۋتەنەردى قاماپ, كوزجۇمبايلىققا سالىنعان بىردى-ەكىلى پوليسەيدى جۇمىستان شىعارۋمەن اياقتالسا, وندا شىنايى يەلەرى قاعابەرىستە قالا بەرەتىن اسا ءقاۋىپتى قىلمىستىق جەلى جابۋلى قازان جابۋلى كۇيىندە قالدى دەگەن ءسوز.

بۇلاي دەۋىمىزگە ءبىر سەبەپ رەتىندە كەزىندە الماتىنى دۇرىلدەتكەن ايگىلى سۋتەنەر ولگا حامبۋلاتوۆانىڭ ءومىر سوقپاعىنان مىسالدار كەلتىرەيىك. ماما روزا, مارگو, كودونيدي سەكىلدى بىرنەشە جاناما اتى بار ول 2013 جىلى الماتى وبلىسىنداعى قوناقۇيلەردىڭ بىرىندە «؛بيزنەسىن بۇرقىراتىپ»؛ جاتقان جەرىنەن تۇتقىندالعان-دى. سومكەسى مەن توسەگىنىڭ استىنان 665 مىڭ تەڭگە مەن 1 مىڭ اقش دوللارى تابىلىپ, تاركىلەندى. ءبىراق ول مۇنداي شاراعا پىسقىرىپ تا قاراعان جوق. سەبەبى بۇعان دەيىن دە ءۇش مارتە سوتتالعان. بارىندە مەرزىمىنەن ەرتە بوساپ شىعىپ, باياعى ءالاۋلايىنا قايتا باسقان. سوندىقتان حامبۋلاتوۆاعا قورقاتىنداي ەشتەمە دە جوق ەدى. الايدا سوڭعى وقيعانىڭ ءتۇيىنى سۋتەنەر كۇتكەندەي بولمادى. ول 2014 جىلى 7 جىلعا سوتتالىپ كەتتى.

نەگە؟ ويتكەنى ولگا حامبۋلاتوۆا ءوزىنىڭ سۇيەۋشىسىن كورسەتۋگە, ىمىرالاس سەرىگىن ساتىپ كەتۋگە ءماجبۇر بولدى. باس اماندىعىن ويلاعاننان نەمەسە جازاسىن جەڭىلدەتۋدىڭ امالىنان ەمەس, ەكەۋىنىڭ اراسىنداعى كەلىسپەۋشىلىكتەن, «؛كرىشاسىنىڭ»؛ ارامزالىعىن كەشىرە الماعاننان!

حامبۋلاتوۆامەن جەمتىكتەس بولعان مىقتىنى اتاماس بۇرىن ورتاق «؛بيزنەستىڭ»؛ تۇسىمىنەن دەرەكتەر كەلتىرەيىك. سۋتەنەردىڭ جەڭىل ءجۇرىستى قىزداردىڭ «؛ەتەگىنەن تيىن ساۋۋى»؛ سوناۋ 1997 جىلدان باستالعان. جەزوكشەلەردىڭ جۇمىس ۋاقىتى ەرتەڭگى 10-نان تاڭعى 5-كە دەيىن جالعاسقان. ءار قىز 10 كۇن سايىن كەڭسەگە 30-40 مىڭ تەڭگەدەن قالدىرىپ وتىرسا, حامبۋلاتوۆا ولاردىڭ قاۋىپسىزدىگىنە جاۋاپ بەرگەن. ءۇي, پاتەر, ساۋنا, ءقوناقۇي. وسىنىڭ بارىندە دە سۋتەنەردىڭ جۇمىسى قىزۋ ءجۇرىپ جاتتى. جەمىستى جىلدارى «؛شوپجەلكە جۇمىسشىلاردىڭ»؛ سانى 100-گە دەيىن جەتكەن. ؛ جەزوكشەلەردى بىلاي قويعاندا, ولاردى ارى-بەرى تاسيتىن 7-8 جۇرگىزۋشى تۇراقتى ەڭبەك ەتكەن. سۋتەنەردىڭ كولدەنەڭ تابىسىنىڭ قانداي بولعانىن وسىدان-اق مولشەرلەي بەرىڭىز.

ارينە, مۇنداي ءىرى دەڭگەيدە «؛بيزنەس»؛ جۇرگىزۋ ءۇشىن ۇلكەن ءبىر دوكەيدىڭ جاردەمى قاجەت. حامبۋلاتوۆانى قاناتىنىڭ استىنا العان ادام &ndash؛ سەرىك بەگاسيلەۆ. ول قر ءىىم ەسىرتكى بيزنەسىمەن كۇرەس جونىندەگى ايماقتىق باسقارماسى باستىعىنىڭ بۇرىنعى ورىنباسارى. سونداي-اق المالى ءاىىب باستىعىنىڭ ورىنباسارى بولعان شەندى. پوليسيا پولكوۆنيگى. سەرىك بەگاسيلەۆ جەزوكشەلەر ۇياسىنا قۇقىق قورعاۋ ورگاندارى تاراپىنان تونەتىن كەز كەلگەن قاۋىپ-قاتەردى الدىن الا ەسكەرتىپ وتىرعان. قولىنان كەلگەنىنشە قورعاپ-قوشتاعان. ول ءوز قىزمەتىنىڭ اقىسىنا اي سايىن 4 مىڭ دوللار العان. ء ؛ارى دوس-جاراندارىنىڭ كوڭىلىن كوتەرۋ ءۇشىن ءتانىن ساتاتىن قىزداردى «؛سەنبىلىككە»؛ دە جەككەن.

ەكى دوستىڭ اراسى نەدەن ءبۇلىندى؟ وقيعا بىلاي بولعان. 2012 بەگاسيلەۆ حامبۋلاتوۆاعا حابارلاسىپ, ءىىم تاراپىنان جوسپارلى تەكسەرۋ بولاتىنىن ەسكەرتەدى. ءبىراق 100 مىڭ دوللار بەرسە, بارلىق وپەراسيانى توقتاتۋعا ۋادە ەتەدى. ساۋدالاسا كەلە ەكەۋى 60 مىڭ دوللارعا كەلىسىپ, سۋتەنەر بۇل سومانى پولكوۆنيككە ۇستاتقان. الايدا ارنايى وپەراسيا ءبارىبىر ءوتىپ, حامبۋلاتوۆا قاماۋعا الىنادى. مىنە, وسىعان اشىنعان سۋتەنەر بار شىندىقتى جايىپ سالدى جانە تويىمسىز ىمىرالاسىن قاپاسقا ەرتە كەتتى. حامبۋلاتوۆانىڭ باسىنا قارا بۇلت ۇيىرىلگەندە شەتەلگە كەتىپ, قايتا ورالماعان بەگاسيلەۆ 2016 جىلى ۇستالىپ, 9 جىلعا سوتتالدى.

مىنە, وسىعان قاراپ-اق سەكسۋالدى سيپاتتاعى كولدەنەڭ بيزنەس كىمدەردىڭ كولەڭكەسىندە جۇمىس ىستەيتىنىن اڭعارۋعا بولادى. ارينە, مۇنىمىز پوليسەيلەردىڭ ءبارى سۋتەنەرمەن اۋىز جالاسادى دەگەن ءسوز ەمەس. ءبىراق كەز كەلگەن سۋتەنەر پوليسيانىڭ كوزجۇمبايلىعىنسىز جۇمىس ىستەي المايدى. كوزجۇمبايلىقتىڭ ەكىنشى اتى نە ەكەنىن ءتۇسىندىرىپ جاتۋ ارتىق شىعار. ال ءبىز جوعارىدا ايتقان راۋشاندى سەكس-قۇلدىقتا ۇستاعانداردىڭ قاماۋعا الىنعانىن بۇگىن الماتى ءىىد دەپارتامەنتىنىڭ ءباسپاسوز قىزمەتى حابارلادى. وسى اقپاراتتا جابىرلەنۋشىنىڭ 4 جىلى بويى قۇلدىقتا بولعانى دا ايتىلعان. سوندا وسى ۋاقىتقا دەيىن پوليسيا قايدا قاراعان؟ قىزداردى ەركىنەن تىس ماجبۇرلەپ, ۇرىپ-سوعىپ قۇلدىققا شەككەن پريتون قالانىڭ نەمەسە وبلىستىڭ قاي جەرىندە؟ ول اۋماقتىڭ ۋچاسكەلىك پوليسەيى اي قاراعان با, جۇلدىز ساناعان با؟ ادام قوراعا كىرگىزىپ, ەسىگىن قۇلىپتاپ قوياتىن مال ەمەس. قىزداردى قاماپ ۇستاعاننىڭ وزىندە «؛تۇتىنۋشىلار»؛ ۇزدىكسىز سىرتتان شۇباپ كەلىپ تۇرعانى انىق. قۇقىق قورعاۋشىلاردىڭ وسىنى 4 جىل بويى اڭعارماۋى مۇمكىن بە؟ ەڭ باستىسى, جانۇشىرا كولىكتەن سەكىرىپ ءتۇسىپ, جۇرتتان جاردەم سۇراعان قىزدى كوپتىڭ كوزىنشە كۇشتەپ اكەتپەك بولعاندار قاي قۇدايىنا سەنىپ, وسىنداي ارەكەتكە بارىپ وتىر؟ ولاردىڭ زاڭنان, جازادان ىقپاۋىنا نە سەبەپ؟

مىنە, وسىنىڭ ءبارى شىنايى تەكسەرىلسە, بۇل وقيعادان دا بەگاسيلەۆتىڭ ؛ار جاق-بەر جاعىنداعى ادام بوي كورسەتەر ەدى-اۋ دەپ توپشىلايمىز. تاپايدىڭ تال تۇسىندە, قالانىڭ قاق ورتاسىندا قىز قۋىپ, اناداي ارەكەتكە بارعاندارىنا قاراعاندا, سۇيەۋشىلەرى ودان دا زور بىرەۋ بولۋى دا عاجاپ ەمەس. ؛

قالمۇحانبەت قاسىموۆتىڭ كوڭىلىنە كەلسە دە ايتايىق, قۇلدىقتان قاشقان قىزدىڭ پوليسياعا ەمەس, جانۇشىرا جۇرتقا جۇگىرۋى &ndash؛ پوليسيا ءۇشىن دە, سول پوليسيانىڭ توبەسىندە وتىرعان مينيستر ءۇشىن دە تازا ماسقارا! بۇل قۇلدىقتىڭ قامىتىنان ارىلعىسى كەلگەن جاننىڭ پوليسياعا مۇلدە سەنبەيتىنىن بىلدىرەدى. مۇنى پوليسيا تۇرماق, جەدەل جاردەمگە بەرمەۋدى سۇراپ, كوپشىلىككە جالىنعان قىزدىڭ ارەكەتىنەن دە اڭعاراسىز.

قىسقاسى, ق. قاسىموۆ قوعامدى دۇرلىكتىرگەن وسى وقيعانى ءوز باقىلاۋىنا الادى دەپ سەنەمىز. ءارى مۇنىڭ حالىق ءۇشىن عانا ەمەس, الدىمەن ءوزىنىڭ جانە ءوزى باسقارعان سالانىڭ ابىروي-بەدەلى ءۇشىن قاجەت ەكەنىن تۇسىنەدى دەپ ۇمىتتەنەمىز.

سانسىزباي نۇربابا