بيىل وتىرار اۋدانى العاش رەت كوگىلدىر وتىنعا قول جەتكىزەدى

جىل باسىندا وڭتۇستىك قازاقستان وبلىسىنىڭ اكىمى ج.تۇيمەباەۆ اۋىلدارداعى ماماندارعا جاعداي جاساۋ ماقساتىندا اۋدان, قالا اكىمدەرىنە قىزمەتتىك تۇرعىن ۇيلەر سالۋدى جۇكتەگەن بولاتىن. وسى تاپسىرماعا سايكەس وتىرار اۋدانىندا 12 پاتەرلىك 2 قىزمەتتىك ءۇيدىڭ قۇرىلىسى جۇرگىزىلۋدە. وقو اكىمىنىڭ ءباسپاسوز قىزمەتى ۇيىمداستىرعان پرەسس-تۋر كەزىندە جۋرناليستەر وسىنداي جۇمىستاردىڭ كۋاسى بولدى.

شاۋىلدىر اۋىلىندا بوي كوتەرەتىن تۇرعىن ءۇيدىڭ جالپى قۇنى 311,6 ملن تەڭگە بولىپ بەكىتىلگەن. قۇرىلىس جۇمىستارى جوسپار بويىنشا 2019 جىلعا وتپەلى. بيىل اتقارىلاتىن قۇرىلىس جۇمىستارىنا وبلىستىق بيۋدجەتتەن 200 ملن تەڭگە قارجى قارالعان.

تىلشىلەردى باستاپ جۇرگەن اۋدان باسشىسى ە.ايتاحانوۆ الدىمەن جاڭادان بوي كوتەرىپ جاتقان سپورت كەشەنىنىڭ قۇرىلىس جۇمىستارىمەن تانىسۋعا شاقىردى. زاماناۋي ۇلگىدە سالىنىپ جاتقان كەشەندە دزيۋدو, سامبو, قازاق كۇرەسىنىڭ كىلەمدەرى مەن ۆولەيبول, فۋتبول, باسكەتبول الاڭدارى بولادى. اعىمداعى جىلى پايدالانۋعا بەرىلەتىن جوبانىڭ قۇنى 293 544 160 تەڭگەنى قۇرايدى.

سونداي-اق, ەلدىمەكەندەرگە تابيعي گاز تارتۋ ءۇشىن جۇرگىلىزىپ وتىرعان قۇرىلىس جۇمىستارى دا وتىرارلىقتاردىڭ كوز قۋانىشىنا اينالىپ وتىر. سەبەبى, تاريحتا العاش رەت اۋدان تۇرعىندارى كوگىلدىر وتىنعا قول جەتكىزەتىن بولادى. مامانداردىڭ سوزىنشە, ءشاۋىلدىر, تەمىر اۋىلدارى بيىل قاتتى وتىن جاعۋدان قۇتىلادى. بۇل جۇمىستارعا وبلىستىق بيۋدجەتتەن 1 ملرد. 558 ملن تەڭگە قارجى قارالعان.

«؛جالپى 2014-2016 جىلدارى 4 ملرد 181 ملن تەڭگەگە اۋداندى تابيعي گازبەن قامتۋ جۇمىستارى جۇرگىزىلەدى دەپ جوسپارلانعان. بۇگىندە 51,4 شاقىرىم ماگيستارلدىق گاز قۇبىرىن جۇرگىزۋ جانە اگتس قۇرىلىسىن سالۋ جۇمىستارى اياقتالعان. اۋدان كولەمىندەگى بىر-بىرىنە جانە شاۋىلدىرگە جاقىن ورنالاسقان 22 ەلدىمەكەنگە گاز جۇيەسىن جۇرگىزۋ ءۇشىن جوبالىق سمەتالىق قۇجاتتارىن دايىنداۋعا بيۋدجەتتەن قارجى بولىنگەن. ەگەر جوبا تولىعىمەن ىسكە اسسا, اۋدان حالقىنىڭ 71 پايىزى كوگىلدىر وتىنمەن قامتىلاتىن بولادى»؛, &ndash؛ دەدى ەرلان قۋانىشۇلى.

مۇنان سوڭ اۋدان ورتالىعىنداعى «؛جانعا شيپا»؛ مەديسينالىق ورتالىعىن ارالادى. وتىراردان تۇلەپ ۇشقان كاسىپكەر ق.تولەمىسوۆتىڭ يەلىگىندەگى مەكەمەدە ءدارىحانا, ستوموتولوگيالىق كابينەت, كارديوگرامما, ۋزي, فگدس جانە رەنتگەن اپپاراتتارىمەن جابدىقتالىپ, حالىققا ساپالى قىزمەتتەرىن ۇسىنىپ وتىر. وندا 15 ادام جۇمىسپەن قاتىلعان.

بۇعان دەيىن شىمكەنت نەمەسە تۇركىستان قالاسىنا سابىلاتىن ناۋقاستار ەندى ءوز اۋىلىمىزدا دا ەمدەلە بەرۋگە مۇمكىندىك تۋدى دەپ قۋانىپ وتىر. اسىرەسە, قىزمەت قۇنىنىڭ قالتاعا قونىمدىلىعى كوڭىل قۋانتادى دەيدى.