قازاقستاننىڭ ۆەتەرينارلىق قىزمەتىنە حەب ساراپشىلارى باعالاۋ جۇرگىزدى

قازىرگى ۋاقىتتا حالىقارالىق ەپيزووتيا بيۋروسىنىڭ (حەب) ساراپشىلار توبى رەسپۋبليكامىزداعى ۆەتەرينارلىق قىزمەتتەر, سونىڭ ىشىندە جۇيەلىك تالداۋ مەن جالپى باسقارۋعا باعالاۋ جۇرگىزۋگە كىرىستى, دەپ حابارلايدى ؛qamshy.kz اقپارات اگەنتتىگى.

حەب ساراپاشىلارى مال شارۋاشىلىعى وبەكتىلەرىن, سويۋ جانە ساتۋ نىساندارىن, وبلىستىق ۆەتەرينارلىق ستانسيالار مەن زەرتحانالاردى, عىلىمي ينستيتۋتتاردى, سونداي-اق جەتەكشى وقۋ ورىندارىن ارالادى. حەب ساراپشىلارىنىڭ ۆەتەرينارلىق قىزمەتتى باعالاۋى 5 جىلدا ءبىر رەت جۇرگىزىلەدى.

وسى ميسسيا بارىسىندا ساراپشىلار استاناداعى حەب-تىڭ ايماقتىق ۇيلەستىرۋ كەڭەسىنىڭ كومەگىمەن اۋسىل اۋرۋىمەن كۇرەسۋدە رەسپۋبليكامىزدىڭ وڭ ناتيجەلەرىن اتاپ ءوتتى. سونىڭ ناتيجەسىندە ەلىمىز اۋسىل اۋرۋىنان بوساتىلعان ايماق مارتەبەسىنە يە بولدى.

ايتا كەتەيىك, قازاقستان 1993 جىلدان بەرى حەب قۇرامىنا كىرەدى.

ۆەتەريناريالىق قىزمەتتى باعالاۋدىڭ الدىڭعى ميسسياسى 2011 جىلدىڭ تامىزىندا وتكىزىلدى. تەكسەرۋدىڭ ناتيجەسى مەن ۇسىنىستارى نەگىزىندە ۆەتەرينارلىق باقىلاۋ جانە قاداعالاۋ كوميتەتى, اۋداندىق ۆەتەرينارلىق ستانسيالار مەن پۋنكتتەر قۇرىلدى. ۆەتەرينارلىق زاڭناما حالىقارالىق ستاندارتتارمەن ۇيلەستىرىلگەن, جانۋارلاردى سايكەستەندىرۋ بويىنشا دەرەكتەر بازاسى جەتىلدىرىلدى. ماسەلەن, ەگەر 2011 جىلى تەك ءىرى قارا مال عانا انىقتالسا, بۇگىنگى كۇنى ۇساق مالدار, تۇيە, شوشقا, جىلقى انىقتالۋدا.

ەكسپورتتىق الەۋەتتى دامىتۋ شەڭبەرىندە شەتەلدىك ەكسپورتتاۋدى دامىتۋ ءۇشىن شەتەلدىك مەملەكەتتەرمەن كەلىسسوزدەر جۇرگىزۋدى جەڭىلدەتەتىن حالىقارالىق ۇيىم مارتەبەسىنە يە بولۋ قاجەت.
2017 جىلدىڭ 25 مامىرىندا 85 حەب-عا مۇشە ەلدەردىڭ باس سەسسيا اسسامبلەياسىندا ەلىمىزدىڭ 5 ءوڭىرى &ndash؛ الماتى, شىعىس قازاقستان, جامبىل, قىزىلوردا جانە وڭتۇستىك قازاقستان وبلىستارى اۋسىلدان تازا ايماق مارتەبەسىن رەسمي الدى.

بۇعان دەيىن قازاقستاننىڭ 9 وبلىسى اۋسىلدان ەكپەسىز تازا ايماق (2015), اۋسىلدى باقىلاۋ بويىنشا ۇلتتىق باعدارلامانى قولداۋ (2016) جانە جىلقىلاردىڭ افريكالىق وبا اۋرۋىنان تازا ەل ستاتۋسىن العان بولاتىن. وسىلايشا, بۇگىنگى كۇنى قازاقستان رەسپۋبليكاسىنىڭ بارلىق اۋماعى اۋسىلدان تازا ەل رەسمي ستاتۋسىنا يە.

حەب ساراپشىلارىنىڭ وڭ قورىتىندىسى قازاقستاننىڭ اۋىل شارۋاشىلىعى تاۋار وندىرۋشىلەرى ءۇشىن مال شارۋاشىلىعى ونىمدەرىنىڭ ەكسپورتىن ارتتىرۋعا مۇمكىندىك بەرەدى.

دۇنيەجۇزىلىك جانۋارلار دەنساۋلىعى ۇيىمى (oie) &ndash؛ حالىقارالىق ەپيزووتيالىق بيۋرو &ndash؛ الەم بويىنشا جانۋارلاردىڭ دەنساۋلىعىن قورعاۋعا جاۋاپتى ۇكىمەت ارالىق مەكەمە, 1924 جىلى 25 قاڭتارىندا قۇرىلعان.

حەب-تىڭ نەگىزگى ماقساتى &ndash؛ مەملەكەتتەردىڭ قۇرىلىمى مەن ەكونوميكالىق مارتەبەسىنە قاراماستان, جانۋارلاردىڭ دەنساۋلىعىن ساقتاۋ مەن قورعاۋ بولىپ تابىلادى.

1) زووسانيتارلىق اقپاراتتى جەتكىزۋ؛
2)ۆەتەريناريالىق كىزمەتتى جاقسارتۋ بويىنشا ۇسىنىستار جاساۋ؛
3)حالىقارالىق نورمالار, ستاندارتتار, ەرەجەلەر مەن ۇسىنىستاردى دايىنداۋ.

حەب-كە مۇشە ەلدەر تومەندەگىدەي ارتىقشىلىققا يە بولادى:

حەب تالاپتارىنا سايكەس جانۋارلاردىڭ جانە مال شارۋاشىلىعى ونىمدەرىنىڭ الەمدىك نارىعىندا بارلىق يندۋستريالاندىرىلعان جانە دامۋشى ەلدەرگە تەڭ قول جەتكىزۋدى ىنتالاندىرۋ؛
جانۋارلاردىڭ دەنساۋلىعىن ساقتاۋعا ادىستەمەلىك كەڭەس بەرۋ, ازىق-تۇلىك قاۋىپسىزدىگى؛
ەرەكشە ءقاۋىپتى جانۋارلار اۋرۋلارىنىڭ ەپيزووتياسىن جويۋعا جاردەمدەسۋ.ە

قازىرگى تاڭدا 180 ەل حەب-قا مۇشە بولىپ تابىلادى.