بىزدىڭ مەشكەي جەمقورلار نە جەمەيدى؟!

استانادا ينۆەستيسيا جانە دامۋ مينيسترلىگىنىڭ بۇرىنعى لاۋازىمدى قىزمەتكەرىنە قاتىستى سوت ءجۇرىپ جاتىر. رەسمي دەرەكتەرگە قاراعاندا, گەولوگيا جانە جەر قويناۋىن پايدالانۋ كوميتەتىنىڭ ەكس-باسشىسى بازارباي نۇراباەۆ بۋدا-بۋدا اقشادان بولەك, پارا رەتىندە سەمىز مالدىڭ ەتىن دە «؛اساپ»؛ تۇرعانعا ۇقسايدى. الايدا ەتتى جاقسى كورەتىن قازاق ءۇشىن پاراعا سوعىم الۋ ءقازىر جاڭالىق ەمەس. «؛قامشى»؛ اقپاراتتىق پورتالى جەمقورلاردىڭ كەڭىردەگىنە كەپتەلگەن پارا تۇرلەرىن ەسكە ءتۇسىرىپ كوردى.
2016 جىلدىڭ ماۋسىم ايىندا الماتى وبلىستىق سوتى جول-پاترۋل پوليسياسى ۆزۆودىنىڭ كومانديرى, پوليسيا مايورى ۆ. يۆانوۆقا قاتىستى ۇكىم شىعارعان ەدى. بۋى بۇرقىراپ, جولعا توسەلىپ جاتقان ىستىق اسفالتقا اڭسارى اۋعان الماتى وبلىستىق ءىىد قىزمەتكەرىنىڭ «؛تابەتى»؛ اشىلىپ كەتسە كەرەك. ول بىردەن ءۇش ماشينە اسفالتتى ءتۇسىرىپ العان. اقىسىنا جول جوندەيتىن كومپانيانىڭ جۇك كولىكتەرىن الماتى-قاپشاعاي تاس جولىندا توقتاتپاۋعا ۋادە بەرگەن. ءبىراق ونىڭ «؛كومەيى كۇيىپ»؛ قالدى. سوت 5 ميلليون تەڭگە ايىپ سالىپ, مال-مۇلكىن تاركىلەدى. سونداي-اق, لاۋازىمىنان ايىرىپ, مەملەكەتتىك قىزمەتتەن قۋدى.

2015 جىلى سەمەيدەگى اسكەري-تەحنيكالىق مەكتەپتىڭ ديرەكتورى ۆ.الەكساندروۆ بۇقتىرىلعان ەت «؛جەيمىن»؛ دەپ تۇتىلدى. ول كۋرسانتتاردى ءۇش مەزگىل تاماقتاندىرۋدى ءوز موينىنا العان كاسىپكەردەن 90 بانكى بۇقتىرىلعان ەت سۇراعان. جانە «؛ايداماسى»؛ رەتىندە 200 مىڭ تەڭگە اقشا قوسىپ بەرۋدى تالاپ ەتكەن. سويتكەن ديرەكتور 2 جىل بويى تۇرمەنىڭ بوتقاسىن تالعاجۋ ەتۋگە ءماجبىر بولدى.  ؛

جەمقورلار اراسىندا ىڭعايى كەلسە, «؛بەنزين ءىشىپ»؛ جىبەرەتىندەر دە بار. ماسەلەن اتىراۋ وبلىسىنىڭ قۇرمانعازى اۋداندىق تج ءبولىمىنىڭ باسشىسى 2014 جىلى ءدال وسىنداي جاعدايدا قۇرىقتالعان ەدى. تەز ارادا پىسىرىلەتىن تاعامداردى ساتاتىن دۇڭگىرشەك يەلەرى وعان 150 ليتر جانارمايدىڭ تالونىن بەرۋگە ءماجبۇر بولعان. ويتكەنى ءورت قاۋىپسىزدىگى بويىنشا قاجەتتى شەشىمدى شىعارتۋ ءۇشىن بۇدان وزگە جول جوق ەدى. وكىنىشكە قاراي, «؛سۋسىن ورنىنا»؛ تەك ءاي-92-نى پايدالاناتىن جەمقوردىڭ ءاتى-جونى كورسەتىلمەپتى.

وسىدان ەكى جىل بۇرىن اقتوبەدە جول-پاترۋلدىك پوليسياسىنىڭ روتا كومانديرى ا.سۇلتانوۆ قاماۋعا الىنعان ەدى. ونىڭ العان پاراسى - «؛ايفون 5»؛. قول استىنداعى قىزمەتكەرىنە «؛سەنى ءوزىم قورعاپ جۇرەمىن»؛ دەپ ۋادە ەتكەن كوماندير بۇل ەڭبەگىنىڭ اقىسىنا ۇيالى تەلەفون سۇراعان ەكەن. دەگەنمەن باستىعىنا «؛ايفون»؛ اپەرىپ, كوكتەمدە كوڭىلىن دەمەگەن قىزمەتكەر كۇزدە سىبايلاس جەمقورلىققا قارسى ءىس-قيمىل اگەنتتىگىنىڭ وبلىستاعى دەپارتامەنتىنە ارىز تۇسىرەدى. ا.سۇلتانوۆ ءوز ايىبىن مويىنداعان. ايتسە دە, ءوزى بەرىپ, ءوزى شاعىمدانعان پوليسيا قىزمەتكەرىنىڭ «؛تىرلىگى»؛ جەمقورلار تۇسىنىگىمەن تۇيسىنسەڭىز &ndash؛ ساتقىندىقپەن پارا-پار.

2017 جىلى اتىراۋ وبلىسىندا اۋىلدىق وكرۋگتى باسقارعان دوسقاليەۆ دەگەن اكىم «؛قي جەيمىن»؛ دەپ كۇلكىگە قالدى. ول ء«؛وز اتىمداعى جەر تەلىمىنە ءۇي سالايىن دەپ ەدىم, سوعان قول قويىپ بەرسەڭىز»؛ دەپ كەلگەن كاسىپكەردەن 300 قاپ قي سۇراعان. كەيىننەن قوسىمشا قۇجاتتاردى رەتتەۋ ماسەلەسى تۋىنداعاندا, اكىم بۇل «؛ەڭبەگىن»؛ 50 قاپ قيعا باعالاعان. قيقۇمار اكىمدى سوت مەملەكەتتىك قىزمەتتەن قۋىپ, 6,2 ميللون تەڭگە ايىپپۇل تولەۋگە مىندەتتەدى.

ارينە, بۇل ەلىمىزدەگى پاراقورلىق وقيعالارىنىڭ جۇرتقا جاريا بولعان ساناۋلى دەرەكتەرى عانا. «؛جىلقىنى تۇگىمەن, تۇيەنى جۇگىمەن»؛ جۇتقان تالاي جەمقوردىڭ شەتەل اسىپ كەتكەنىن بىلەمىز. تۇرمەگە توعىتىلعاندارى دا از ەمەس. ەشقاشان ۇستالمايتىن ايداھار بەينەلى الىپتار دا بار. مىنە, سولارعا جوعارىدا ءبىز ايتقان وقياعالار «؛بالانىڭ ويىنى»؛ سەكىلدى كورىنەتىن شىعار دەپ شامالايمىز.

سانسىزباي نۇربابا