رۋحاني جاڭعىرۋ — قازاق قوعامىن بىرىكتىرۋشى فاكتورعا اينالدى

بۇگىندە ەلباسى ۇسىنعان "بولاشاققا باعدار, ؛رۋحاني جاڭعىرۋ" باعدارلاماسى ەلىمىزدىڭ دامۋ پروسەسىندەگى نەگىزىگى جول سىلتەۋشى قۇجات ىسپەتتەس. ونداعى باستى باعىت الەمدەگى دامىعان باسەكەگە قابىلەتتى 30 ەلدىڭ قاتارىنا قوسىلۋ, ساياسي جانە ەكونوميكالىق جاڭعىرۋ, ادام كاپيتالىن دامىتۋ, اشىق ازاماتتىق قوعام قالىپتاستىرۋ.

بۇل باعدارلاما بۇعان دەيىنگى اق وردا تاراپىنان ۇسىنىلعان باسقا جولداۋلارمەن سالىستىرعاندا حالىق اراسىندا كەڭ قولداۋعا يە بولدى, تىپتەن ساياساتتا سيرەك كەزدەسەتىن قۇبىلىس - ەلىمىزدىڭ ءبىر قاتار بەدەلدى وپپوزيسيا وكىلدەرى دە جولداۋ مازمۇنىنا وڭ پىكىرلەرىن بەرىپ جاتتى. ەكىنشى جاعدايدى اركىم ءار قالاي باعالادى, كەيبىرەۋلەر قولداۋ بىلدىرگەن تانىمال وپپوزيسيا وكىلدەرىن قاتاڭ سىنعا الىپ جاتتى. الايدا بۇل قۇبىلىس قازاق وپپوزيسيسىنىڭ ەل مۇددەسىنە, مەملەكەت مۇددەسىنە كەلگەندە كونسترۋكتيۆتى ديالوگ جۇرگىزۋگە قابىلەتتى, مەملەكەتشىل ازاماتتار ەكەندىگىنىڭ كورىنىسى.

رۋحاني جاڭعىرۋ - بەلگىلى ءبىر جاعدايدا قازاق قوعامىن بىرىكتىرۋشى فاكتورعا اينالدى, باعدارلاما اياسىندا قوعامدىق پروسەستەردەگى الەۋمەتتىك ماڭىزدى پروبلەمالار ءوز شەشىمىن تابۋدا. باعدارلامانىڭ نەگىزگى كونسەپسياسى ەلىمىزدىڭ بولاشاق كەزەڭدەگى دامۋ ءۇردىسىن حالقىمىزدىڭ تەرەڭ تاريحىنان ءنار الاتىن ۇلتتىق قۇندىلىقتارعا نەگىزدەلگەن ينتەللەكتۋالدى جاسامپاز باسكەگە قابىلەتتى ۇلت قالىپتاستىرۋ. ۇلتتىق قۇندىلىقتارعا نەگىزدەلگەن زاماناۋي دامۋ ستارتەگياسى بىزگە دەيىنگى الەمدىك كوشباسشى ەلدەردىڭ تاجيربيەسىنەن دە بايقاۋعا بولادى. xx عاسىردىڭ ء50-شى جىلدارى جاپون ەلىنىڭ الەۋمەتتانۋشىلارى ۇسىنعان جاپون مادەنيەتى مەن سالت داستۇرىنە قاراما-قايشى كەلمەيتىن مەملەكەتتىك دامۋ باعىتتىن جاساقتاۋ سونىڭ كورىنىسى بولىپ تابىلادى. وسىعان وراي «؛بولاشاققا باعدار: رۋحاني جاڭعىرۋ»؛ باعدارلاماسى الەم الدىندا قازاق حالقىن باسەكەگە قابىلەتتى بولاشاعى باياندى ۇلت ەتىپ قالىپتاستىرۋعا ءوز سەپتىگىن تيگىزەر.

ا. سارسەنباەۆ