باقىتجان ساعىنتاەۆ وقو اۋىل شارۋاشىلىعى تاۋارىن وندىرۋشىلەرمەن كەزدەستى

قر پرەمەر-مينيسترى باقىتجان ساعىنتاەۆ وقو-عا جۇمىس ساپارى اياسىندا «؛سارىاعاش جەر سىيى»؛ كوشەتتەردى ءوسىرۋ ءتالىمباعىن ارالاعاننان كەيىن اوك دامىتۋدىڭ مەملەكەتتىك باعدارلاماسى مەن پرەزيدەنتتىڭ «؛شاعىن نەسيە بەرۋدى كوبەيتۋ»؛ ءتورتىنشى الەۋمەتتىك باستاماسىن جۇزەگە اسىرۋ بويىنشا اۋىل شارۋاشىلىعى تاۋارىن وندىرۋشىلەرمەن كەزدەستى.

كەزدەسۋ بارىسىندا اۋىل شارۋاشىلىعىن دامىتۋدىڭ وزەكتى ماسەلەلەرى تالقىلاندى. اتاپ ايتقاندا, ەكسپورتتىق الەۋەت, سۋبسيديالاۋ, اۋىل شارۋاشىلىعى ونىمدەرىن وڭدەۋگە ينۆەستيسيالار تارتۋ, اوك-تى تەحنولوگيالىق جاڭعىرتۋ, ەتتى مال شارۋاشىلىعى مەن وسىمدىك شارۋاشىلىعىن دامىتۋ ماسەلەلەرى قارالدى.

قر پرەمەر-مينيسترى باقىتجان ساعىنتاەۆ قازاقستاننىڭ اگروونەركاسىپتىك كەشەنى پەرسپەكتيۆالىق بولاشاققا يە ەكەنىن اتاپ ءوتتى. ەلىمىز كوپتەگەن پوزيسيالار بويىنشا الەمدەگى اگرارلىق ەكسپورتتىق ونىمدەر شىعاراتىن ءىرى وندىرۋشىلەردىڭ ءبىرى بولا الادى. وسى ماقساتتا ۇكىمەت بارلىق قاجەتتى شارالاردى قابىلداپ جاتىر: اوك دامىتۋدىڭ مەملەكەتتىك باعدارلاماسى جۇزەگە اسىرىلۋدا؛ ۆەتەريناريالىق قىزمەتتىڭ باعىنىشتىلىعىن قالپىنا كەلتىرۋدى, بيزنەستىڭ عىلىمي زەرتتەۋلەرگە قاتىسۋىن ىنتالاندىرۋدى, ءونىم دايىنداۋ ۇيىمدارىن سۋبسيديالاۋدى قاراستىراتىن زاڭ جوباسى ۇسىنىلدى؛ ەكسپورتقا باعدارلانعان كاسىپورىنداردىڭ پايداسى ءۇشىن سۋبسيديالاۋ ساياساتى قايتا قارالىپ جاتىر.

پرەزيدەنتتىڭ «؛شاعىن نەسيە بەرۋدى كوبەيتۋ»؛ اتتى ءتورتىنشى الەۋمەتتىك باستاماسى اياسىندا اگرارلىق قىزمەتكەرلەر ءۇشىن جاڭا مۇمكىندىكتەر اشىلىپ جاتىر. شاعىن نەسيە بەرۋدى قارجىلاندىرۋعا 20 ملرد تەڭگە باعىتتالدى. بۇل ءوز بيزنەسىن باستاۋدى كوزدەپ جۇرگەن ازاماتتارعا ۇسىنىلاتىن ۇلكەن قولداۋ بولادى.

اۋىل شارۋاشىلىعىنىڭ ءبىرىنشى ۆيسە-مينيسترى ا. ەۆنيەۆ پرەزيدەنتتىڭ ء«؛تورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى»؛ جولداۋى مەن مەملەكەت باسشىسىنىڭ «؛شاعىن نەسيە بەرۋدى كوبەيتۋ»؛ ءتورتىنشى الەۋمەتتىك باستاماسىن ىسكە اسىرۋ بارىسى مەن فەرمەرلەردىڭ مۇمكىندىكتەرى تۋرالى باياندادى.

سونداي-اق, تالقىلاۋ بارىسىندا «؛ورداباسى قۇس»؛ جشس ديرەكتورى م. تاعاەۆ, «؛سارىاعاش جەر سىيى»؛ جشس ديرەكتورى ت. شىڭتاسوۆ, «؛نۇرالى جول»؛ شارۋا قوجالىعىنىڭ ءتوراعاسى ە. ەراليەۆ, جىلىجايلار قاۋىمداستىعىنىڭ ءتوراعاسى م. سناباەۆ پىكىر ءبىلدىردى.